ટંકારાના મિતાણા પાસે આવેલ ડેમી -1 ડેમ છલકું છલકું

17 September 2021 02:57 PM
Morbi
  • ટંકારાના મિતાણા પાસે આવેલ ડેમી -1 ડેમ છલકું છલકું

(જીગ્નેશ ભટ્ટ) મોરબી તા. 17
મોરબી જિલ્લામાં છેલ્લા દિવસોમાં પડેલ વરસાદ અને ખાસ કરીને ડેમાં કેચમેટ વિસ્તાર અને ઉપર વાસમાં પડેલા ભારે વરસાદના લીધે સ્થાનિક ડેમોમાં નવા નીરની આવક થયેલ છે ત્યારે અગાઉ ટંકારાનો બંગાવડી ડેમ ઓવરફ્લો થયો હતો હાલમાં મિતાણા નજીક આવેલ ડેમી -1 ડેમ છલકું છલકું થઈ ગયો છે. મિતાણા નજીક આવેલ વિશાળ ડેમી -1 ડેમના ઉપરવાસમાં વાંકાનેર પંથકમાં થયેલા વરસાદને પગલે ડેમ છલકાઈ ગયો છે અને ડેમસાઈટ ઉપર મનમોહક નજારો જોવા માટે લોકો ઉમતા હતા ઉલેખનીય છે કે, ડેમી -1 સિંચાઇ યોજના હેઠળ મિતાણા, હરબટીયાળી હિરાપર, સરાયા, નાના મોટા ખિજડીયા, કલ્યાણપર અને જબલપુર સહિતના ગામોની કેનાલ મારફતે પાણી સિંચાઈ માટે આપવામાં આવે છે ત્યારે ડેમ છલકી જતા ખેડૂતોને શિયાળુ સીઝન માટે પાણી મળવાની આશા જાગી છે જો કે, ડેમ સાઈટ ઉપરના ઓફીસર ડી.જી. પ્રજાપતિ સાથે વાત કરતા જણાવ્યું હતું કે ડેમ 94 % ભરાઈ ગયો હોય પવનની ગતિથી પાણી હિલોળે ચડતા ડેમ છલકાઇ રહયો છે. ઈનફલો સામે આઉટફલો સમાનતર થશે ત્યારે સત્તાવાર ઓવરફલો જાહેર કરવામાં આવશે.


Loading...
Advertisement
Advertisement