સુરતમાં વ્હોરા સમાજના ધર્મગુરુને જન્મદિનની શુભેચ્છા પાઠવતા મુખ્યમંત્રી

25 November 2021 12:44 PM
Surat Gujarat
  • સુરતમાં વ્હોરા સમાજના ધર્મગુરુને જન્મદિનની શુભેચ્છા પાઠવતા મુખ્યમંત્રી
  • સુરતમાં વ્હોરા સમાજના ધર્મગુરુને જન્મદિનની શુભેચ્છા પાઠવતા મુખ્યમંત્રી
  • સુરતમાં વ્હોરા સમાજના ધર્મગુરુને જન્મદિનની શુભેચ્છા પાઠવતા મુખ્યમંત્રી
  • સુરતમાં વ્હોરા સમાજના ધર્મગુરુને જન્મદિનની શુભેચ્છા પાઠવતા મુખ્યમંત્રી

દાઉદી વ્હોરા સમાજના ધર્મગુરુ ડો. સૈયદના સાહેબ (ત.ઉ.શ.)નો સુરતના ઝાંપા બજારના દેવડી ખાતે ઉજવાયો મિલાદ મુબારક ઉત્સવ : 25 જેટલા બેન્ડએ કરી જમાવટ : ધર્મગુરુએ મુખ્યમંત્રીનું શાલ અને સ્મૃતિ ભેટ આપી અભિવાદન કર્યું

સુરતમાં ગઇકાલે સાંજે દાઉદી વ્હોરા સમાજના ધર્મગુરુ હીઝ હોલીનેશ ડો. સૈયદના સાહેબ (ત.ઉ.શ.)ને જન્મદિનની શુભેચ્છા રાજ્યના મુખ્યમંત્રી ભુપેન્દ્રભાઈ પટેલ તથા ભાજપ પ્રદેશ પ્રમુખ સી.આર. પાટીલે આપી હતી.

વિશ્ર્વભરના દાઉદી વ્હોરા સમાજના ધર્મગુરુ ડો. સૈયદના આલીકદર મુફદ્દલ સૈફુદીન સાહેબ (ત.ઉ.શ.)ના જન્મદિન નિમિતે રાજ્યના મુખ્યમંત્રી ભુપેન્દ્રભાઈ પટેલ તથા પ્રદેશ ભાજપ અધ્યક્ષ સી.આર. પાટીલ ગઇકાલે સાંજે સુરત આવેલા હતા અને ડો. સૈયદના સાહેબને જન્મદિનની શુભેચ્છા પાઠવી હતી અને જન્મદિનનું પ્રોસેશન નિહાળેલ હતું તેમ સુરતથી યુસુફભાઈ જોહર કાર્ડવાળાએ જણાવેલ છે.

મુખ્યમંત્રી ભુપેન્દ્રભાઈ પટેલે દાઉદી વ્હોરા સમાજના ધર્મગુરુ ડો. સૈયદના સાહેબને જન્મદિનની પૂર્વ સંધ્યાએ શુભેચ્છા પાઠવીને આશીર્વાદ મેળવ્યા હતા. મુખ્યમંત્રી દાઉદી વ્હોરા સમાજના મિલાદ મુબારક ઉત્સવના સહભાગી બન્યા હતા. દેશ-વિદેશથી વ્હોરા સમાજના હજારો અનુયાયીઓ ઉમટી પડયા છે.

આ તકે દાઉદી વ્હોરા સમાજના સર્વોચ્ચ ધર્મગુરુ ડો. સૈયદના સાહેબ (ત.ઉ.શ.)એ મુખ્યમંત્રી ભુપેન્દ્રભાઈ પટેલનું શાલ અને સ્મૃતિ ભેટ અર્પણ કરીને સન્માન કર્યું હતું.
સુરતના ઝાંપા બજારના દેવડી ખાતે મિલાદ મહોત્સવની દબદબાભેર ઉજવણી કરવામાં આવી હતી. આ પ્રસંગે યોજાયેલ શાનદાર પ્રોસેશન (મોકીબ)નું ડો. સૈયદના સાહેબ તથા મુખ્યમંત્રીએ અભિવાદન ઝીલ્યું હતું.

દેશના અલગ અલગ વિસ્તારોમાંથી આવેલા દાઉદી વ્હોરા સમાજના 25 જેટલા બેન્ડે મધુર સુરાવલી છેડીને આકર્ષણ જમાવ્યું હતું. સૈફી સ્કાઉટ, બુરહાની ગાર્ડ, તાહેરી બેન્ડ, બાઈક રાઇડર્સ સૌના આકર્ષણનું કેન્દ્ર બન્યા હતા. આ અવસરે વોહરાવાડની તમામ શેરીઓ, મકાનો રોશની તથા તોરણો તેમજ ડેકોરેટીવ વીજ શણગારથી ઝળહળી ઉઠયા હતા.

મિલાદ મુબારક ઉત્સવમાં કેન્દ્રિય રેલવે અને ટેક્ષટાઈલ રાજ્યમંત્રી શ્રીમતી દર્શનાબેન જરદોશ, નાણામંત્રી કનુભાઈ દેસાઈ, માર્ગ અને મકાન મંત્રી પૂર્ણેશભાઈ મોદી, ગૃહ રાજ્યમંત્રી હર્ષ સંઘવી, ભાજપ પ્રદેશ અધ્યક્ષ સી.આર. પાટીલ, ધારાસભ્ય અરવિંદ રાણા, વિવેક પટેલ, જિલ્લા કલેક્ટર આયુષ ઓક, જિલ્લા વિકાસ અધિકારી ડી.એસ. ગઢવી સહિત દેશ-વિદેશથી આવેલા દાઉદી વ્હોરા સમાજના અનુયાયીઓ ઉપસ્થિત રહ્યા હતા.

ઉપરોક્ત તસ્વીરમાં ડો. સૈયદના સાહેબ મુખ્યમંત્રી ભુપેન્દ્ર પટેલનું શાલ ઓઢાડીને સન્માન કરતાં જોવા મળે છે. બીજી તસ્વીરમાં ધર્મગુરુ સાથે મુખ્યમંત્રી, સી.આર. પાટીલ તથા અન્ય મહાનુભાવો નજરે પડે છે. ત્રીજી તસ્વીરમાં મંચ પર ડો. સૈયદના સાહેબ સાથે બિરાજેલા મુખ્યમંત્રી ભુપેન્દ્રભાઈ પટેલ સહિત અન્ય મહાનુભાવો છેલ્લી તસ્વીર પ્રોસેશનની છે.


Related News

Loading...
Advertisement
Advertisement