માધવપુર (ઘેડ)માં દૂધની ડેરીઓમાં ઠલવાતા દૂધનું ટેસ્ટીંગ કરવા માંગ

19 September 2022 12:32 PM
Porbandar
  • માધવપુર (ઘેડ)માં દૂધની ડેરીઓમાં ઠલવાતા દૂધનું ટેસ્ટીંગ કરવા માંગ

પશુપાલકો પાસે ગણ્યા ગાંઠયા દુધાળા પશુઓ છતાં હજારો લીટર દૂધની આવકથી અનેક સવાલો

(કેશુભાઈ માવદીયા) માધવપુર,તા.19
પોરબંદર જિલ્લાનાં માધવપુર (ઘેડ)માં ઠેક ઠેકાણે દૂધની ડેરીઓમાં દૂધની આવક થઈ રહી છે. હાલનાં સમયમાં ગાયોમાં લમ્પી વાયરસ ફેલાતા ગાયના દુધની આવક બંધ થવા છતાં દુધની આવકમાં કોઈ ઘટાડો નોધાયો નથી ત્યારે હજારો લીટર દુધની આવકમાં દૂધ અસલી છે કે નકલી? તેવા સવાલો સાથે દૂધની તપાસ કરવામાં આવે તેવી લોકમાંગણી ઉઠવા પામી છે. લમ્પી વાયરના લીધે ગાયોને કોઈ ઘેર આંગણે બેસવા દેતુ નથી ગાયો હાઈવે રોડ પર ભુખ્યા તરસી ભાંંભરડા નાથી રહી છે. ગાયોના ગોચરમાં દબાણ સામે રાજકિય નેતાઓ ગ્રામજનો ચુપ છે. માધવપુરમાં પશુપાલકો પાસે ગણ્યા ગાંઠયા પશુઓ દુધ આપે છે. છતા ડેરીઓમાં ભેંસના દુધનાં કેનો ઠલવાઈ રહ્યા છે. ત્યારે તંત્ર દ્વારા આ દૂધની લેબોરેટરી તપાસ કરવામાં આવે તો દુધની જંગી આવકનાં રહસ્યો ખુલે તેવી શકયતા છે આ દુધ અસલી કે છે નકલી? તે જાણવા જનતા ઉત્સુક બની છે.


Loading...
Advertisement
Advertisement