ગોંડલની સેન્ટ મેરી સ્કુલમાં છાત્રોને કલાસ બહાર ઉભા રહેવાની સજા ફટકારાતા હોબાળો

21 September 2022 12:41 PM
Gondal
  • ગોંડલની સેન્ટ મેરી સ્કુલમાં છાત્રોને કલાસ બહાર ઉભા રહેવાની સજા ફટકારાતા હોબાળો

શિક્ષકો દ્વારા 500 વખત લેસન અપાતુ હોવાનો આક્ષેપ : વાલીઓમાં ઉગ્ર રોષ

(જીતેન્દ્ર આચાર્ય) ગોંડલ, તા.21
ગોંડલ શહેરના ગુંદાળા રોડ પર આવેલ સેન્ટ મેરી સ્કૂલમાં કેટલાક શિક્ષકો દ્વારા વિદ્યાર્થીનીઓને 500 વખત લેસન આપી ક્લાસની બહાર ઉભી રહેવાની સજા ફટકારવામાં આવતા વાલીઓ રોષે ભરાયા હતા અને કોંગ્રેસી આગેવાનોને સાથે લઈ જઈ પ્રિન્સિપાલને ફરિયાદ કરી હતી. બાદમાં શહેર કોંગ્રેસ પ્રમુખ આશિષભાઈ કુંજડીયા તેમજ યતિશભાઈ દેસાઈ અને વાલીઓનું ટોળું પ્રિન્સિપાલને ફરિયાદ કરવા માટે સેન્ટ મેરી સ્કૂલે પહોંચ્યું હતું અને પ્રિન્સિપાલને ફરિયાદ કરી હતી કે વિદ્યાર્થી કે વિદ્યાર્થીનીઓને લેસનના આવડે તો હોમવર્કમાં પાંચ દસ વખત રાઇટીંગ આપવામાં આવે તે વ્યાજબી છે. પરંતુ કોઈ પણ વિદ્યાર્થીને 500 વખત લેસન હોમવર્કમાં આપી તેને ક્લાસરૂમની બહાર ઉભા રહેવાની સજા ફટકારવી વ્યાજબી નથી આવા શિક્ષક કે શિક્ષિકાઓ સામે સેન્ટ મેરી ઓફિસ તંત્રએ તાકીદે પગલાં લેવા જોઈએ હવે પછી આવી વિદ્યાર્થીનીઓને સજા ફટકારી તેનું મોરલ તોડવાની કોશિશ થવી ન જોઈએ અન્યથા ઉચ્ચ કક્ષાએ ફરિયાદ કરવામાં આવશે તેવું જણાવ્યું હતું.


Loading...
Advertisement
Advertisement