વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત

29 September 2022 10:31 PM
Bhavnagar Gujarat
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત
  • વડાપ્રધાનનો જાજરમાન રોડ શો : ભાવનગરમાં રુ.૬૫૦૦ કરોડથી વધુના વિકાસકાર્યોનું લોકાર્પણ અને ખાતમૂહુર્ત

ભાવનગરે આજે મારા પર જે આશીર્વાદ વરસાવ્યા છે તેને હું કયારેય નહીં ભુલી શકુ : PM મોદી

(વિપુલ હિરાણી)
ભાવનગર:
વડાપ્રધાન નરેન્દ્રભાઈ મોદીના હસ્તે ભાવનગર ખાતે ભાવનગર, બોટાદ અને અમરેલી જિલ્લાના રુ.૬,૫૦૦ કરોડથી વધુના વિવિધ વિકાસ પ્રકલ્પોના ખાતમૂહુર્ત અને લોકાર્પણ કરવામાં આવ્યા હતા.

વડાપ્રધાન મોદીએ ઉદબોધનની શરુઆત કરી તે સમયે સમગ્ર જનમેદનીએ હર્ષનાદથી તેમને વધાવી લીધા હતા. વડાપ્રધાનએ ઉપસ્થિત સૌ લોકોને નવરાત્રિની શુભકામના પાઠવીને ઉદબોધન કરતા કહ્યુ હતુ કે, હું લાંબા અંતરાલ બાદ ભાવનગર આવ્યો છું.  ભાવનગરે આજે મારા પર જે આશીર્વાદ વરસાવ્યા છે તેને હું કયારેય નહીં ભુલી શકુ, આટલી મોટી સંખ્યામાં ઉપસ્થિત રહેવા માટે સૌ લોકોને મારા શત શત નમન. આજનો આ કાર્યક્રમ વિશેષ છે કારણ કે, દેશ આઝાદીના ૭૫ વર્ષની ઉજવણી કરી રહ્યો છે અને ભાવનગર પણ તેની સ્થાપનાના ૩૦૦ વર્ષની ઉજવણી કરી રહ્યુ છે. 

આજે કરોડો રૂપિયાના પ્રોજેક્ટનાં લોકાપર્ણ અને શિલાન્યાસ થઇ રહ્યા છે. જેનાં કારણે ભાવનગરની વિકાસયાત્રાને નવો આયામ મળશે અને ભાવનગરની ઓળખ વધુ સમૃદ્ધ થશે. આ પ્રોજેક્ટમાં સમાવિષ્ટ સિંચાઇ યોજનાઓ ખેડુતોની સમૃદ્ધિમાં વધારો કરશે. અહીં બનેલા રિજીયોનલ સાયન્સ સેન્ટરના કારણે ભાવનગરની શિક્ષા અને સંસ્કૃતિના પાટનગર તરીકેની ઓળખને વધુ મજબૂતી મળશે. વધુ ઉમેરતા કહ્યુ હતુ કે, ગત બે અઢી દાયકામાં જે ગૂંજ વડોદરા, સુરત અને અમદાવાદની રહી છે તેવી ગૂંજ હવે ભાવનગર, રાજકોટ અને જામનગરની રહેવાની છે. સૌરાષ્ટ્રની સમૃધ્ધિ  અંગેનો મારો આ વિશ્વાસ એટલા માટે પ્રગાઢ રહ્યો છે કારણ કે, અહીં ઉદ્યોગ, ખેતી અને પર્યટન એમ ત્રણેય ક્ષેત્ર માટે અભૂતપૂર્વ સંભાવનાઓ છે. આજનો કાર્યક્રમ આ જ દિશામાં ડબલ એન્જિન સરકારના પ્રયાસનો જીવતો જાગતો પુરાવો છે. ભાવનગર એ દરિયાકાંઠો ધરાવતો જિલ્લો છે. ગુજરાત પાસે દેશનો સૌથી લાંબો દરિયાકાંઠો છે. પરંતુ આઝાદી બાદ દાયકાઓ સુધી દરિયાકાંઠાના વિકાસ પર ધ્યાન ન આપવાના કારણે આ વિશાળ સમુદ્રકિનારો લોકો માટે સૌથી મોટો પડકાર બની ગયો હતો સમુદ્રનું ખારું પાણી આ વિસ્તાર માટે અભિશાપ બની ગયુ હતું અને દરિયાકાંઠે વસેલા ગ્રામ્ય વિસ્તાર ખાલી થઇ ગયા હતા અને લોકોએ સ્થળાંતર કરવું પડ્યું હતું અને તેમને તેમના ગુજરાન માટે વિકટ સ્થિતિનો સામનો કરવો પડતો હતો.  છેલ્લા બે દાયકામાં સરકારે રોજગારના અનેક અવસર ઉભા કર્યા છે ગુજરાતમાં અનેક બંદરોને વિકસિત કરવામાં આવ્યા છે અને બંદરોનું આધુનિકીકરણ પણ કરવામાં આવ્યુ છે. ગુજરાતમાં આજે ત્રણ મોટા LNG ટર્મીનલ છે, પેટ્રોકેમિકલ હબ છે, આ ઉપરાંત ગુજરાત દેશનું પ્રથમ રાજ્ય હતું જયા LNG ટર્મીનલ બનાવવામાં આવ્યુ હતું. 

વડાપ્રધાનેએ મત્સ્યોદ્યોગના વિકાસ વિશે જણાવતા કહ્યુ હતુ કે, માછીમાર ભાઇ-બહેનોની મદદ માટે ફિશીંગ હાર્બર તૈયાર કરવામાં આવ્યા છે. ગુજરાત સમુદ્રકાંઠાના વિસ્તારોમાં મેન્ગ્રુવના જંગલોનો વિકાસ કરી કોસ્ટલ ઇકો સિસ્ટમને વધુ મજબૂત બનાવવામાં આવી છે. એકવા કલ્ચરના વિકાસને પણ પ્રોત્સાહન આપવામાં આવ્યું છે. ગુજરાત દેશના એ અગ્રગણ્ય રાજ્યોમાંથી એક છે, જ્યાં સી વીડની ખેતી માટે ઘણા પ્રયાસો થયા છે. આજે ગુજરાતનો દરિયાકાંઠો દેશની આયાત-નિકાસને પ્રોત્સાહન આપવા માટે મહત્વનો હિસ્સો બન્યો છે અને લાખો લોકોને રોજગારી આપી રહ્યો છે.

 ગુજરાતનો દરિયાકાંઠો અત્યારે પુનઃ પ્રાપ્ય ઉર્જાનો પર્યાય બનીને ઉભરી રહ્યો છે. સૌરાષ્ટ્રને ઉર્જાનું મહત્વપૂર્ણ કેન્દ્ર બનાવવા માટે પણ પ્રયાસો કરવામાં આવી રહ્યા છે. ગુજરાત અને દેશની ઉર્જાની જરુરિયાતો માટે આ વિસ્તાર મોટું હબ બન્યો છે. સૌર ઉર્જાના અનેક પ્રોજેક્ટ પણ આ વિસ્તારમાં આકાર પામ્યા છે પાલિતાણામાં લોકાર્પિત થનારા સોલાર પાવર પ્રોજેકટના કારણે આ વિસ્તારના અનેક લોકોને સસ્તી અને પૂરતી વીજળી મળશે.

ધોલેરામાં રીન્યુએબલ એનર્જી, સેઝ અને સેમિકન્ડક્ટર ઇન્ડસ્ટ્રીમાં જે રોકાણ આવી રહ્યું છે તે ભાવનગર માટે પણ લાભદાયક પુરવાર થશે અને અમદાવાદ-ધોલેરા-ભાવનગર ક્ષેત્ર, વિકાસની નવી ઊંચાઈઓ પામશે. બંદર તરીકે ભાવનગરના અગત્યપણાની વાત કરતા તેમણે જણાવ્યુ હતુ કે, ભાવનગરનો પોર્ટ લેક ડેવલપમેન્ટમાં અગત્યના કેન્દ્ર તરીકે વિકાસ કરી તેને દેશના અલગ-અલગ ઔદ્યોગિક ક્ષેત્રો સાથે મલ્ટી મોડેલ કનેક્ટિવિટીથી જોડવામાં આવશે. પીએમ ગતિ શક્તિ સહિતની યોજનાઓ ભાવનગરની કનેક્ટિવિટીની યોજનાઓને નવું બળ આપશે. જેના પરિણામે ભાવનગરનું આ પોર્ટ આત્મનિર્ભર ભારતના નિર્માણમાં અગ્રેસર ભૂમિકા ભજવશે. 

રોજગારના અનેક અવસર ઉભા કરવાની દિશામાં ભાવનગરની ભૂમિકા અને સંભાવનાઓ વિશે વાત કરતા વડાપ્રધાનશ્રીએ જણાવ્યુ હતુ કે, આ બંદર ગાડીઓના સ્ક્રેપિંગ, કન્ટેઇનરનું ઉત્પાદન, ધોલેરા સર જેવા મોટા પ્રોજેક્ટની જરૂરિયાતોને પૂરા કરશે. શિપ બ્રેકિંગ યાર્ડ તરીકે વિશ્વભરમાં નામના મેળવનાર અલંગને દેશમાં લાગુ થનારી વ્હીકલ સ્ક્રેપિંગ પોલિસીનો સૌથી વધુ લાભ થશે અને જહાજો ઉપરાંત નાના વાહનોના સ્ક્રેપિંગ હબ તરીકે પણ તેનો વિકાસ કરવામાં આવશે. દુનિયા આજે કન્ટેઇનરોના વિશ્વાસપાત્ર સપ્લાયરની શોધમાં છે ત્યારે ભાવનગર તેના ઉદ્યોગ સાહસિકો અને વ્યૂહાત્મક લોકેશનની મદદથી આ ભૂમિકા સુપેરે ભજવી શકે છે. છેલ્લા બે દાયકામાં સૌરાષ્ટ્ર અને ગુજરાતભરની પરિવહન સેવાઓમાં થયેલા અદ્દભૂત વિકાસની વાત કરતા પ્રધાનમંત્રીશ્રીએ ઉમેર્યુ હતુ કે, ઘોઘા-દહેજ ફેરી તેમજ ઘોઘા-હજીરા રો-રો ફેરી સર્વિસ સહિતના નવા પ્રકલ્પોના કારણે સૌરાષ્ટ્રથી સુરતનું અંતર ૪૦૦ કિમીથી ઘટીને ૧૦૦ કિમી થયું છે. આ સેવાઓના કારણે વાર્ષિક ૪૦ લાખ લિટરથી વધુ ઈંધણની બચત થાય છે અને ત્રણ લાખથી વધુ લોકો તેનો લાભ મેળવે છે. સૌરાષ્ટ્રની ગુજરાતના અન્ય ભાગો સાથેની કનેક્ટિવિટીમાં પણ અભૂતપૂર્વ સુધારો થયો હોવાનુ પણ તેમણે જણાવ્યુ હતુ.

વડાપ્રધાનએ સત્તાને સેવાનું માધ્યમ ગણાવતા જણાવ્યુ હતુ કે, અમારી પ્રેરણા અને લક્ષ્ય ક્યારેય સત્તા સુખ નથી રહ્યું. ભાવનગર સહિત સૌરાષ્ટ્રના વિકાસના રોડમેપ વિશે વાત કરતા તેમણે કહ્યુ કે આ વિસ્તારમાં માત્ર પરિવહન સેવાઓ જ નહીં પરંતુ પ્રવાસનને પણ ઉત્તેજન આપવામાં આવી રહ્યું છે. રાજ્યના તટીય ક્ષેત્રોની આગવી સામુદ્રિક વિરાસતને જાળવી રાખીને આ વિસ્તારોમાં પ્રવાસનનો વિકાસ કરવાનો ઉદ્યમ સરકાર દ્વારા હાથ ધરવામાં આવ્યો છે. દુનિયાના સૌથી પ્રાચીન બંદરો પૈકીના એક એવા લોથલ ખાતે મેરીટાઈમ મ્યુઝિયમ બનવા જઈ રહ્યું છે તેવો ઉલ્લેખ કરતા તેમણે જણાવ્યુ હતુ કે, આ મેરિટાઇમ મ્યુઝિયમ વિશ્વભરમાં સ્ટેચ્યુ ઓફ યુનિટી જેવી જ પોતાની આગવી ઓળખ ઊભી કરશે અને રાજ્યની સાંસ્કૃતિક ઓળખને વધુ સમૃદ્ધ બનાવશે. 

પ્રધાનમંત્રીએ સરકારના પ્રયાસોથી સૌરાષ્ટ્રના ખેડૂતો અને માછીમારોના જીવનમાં છેલ્લા બે દાયકામાં આવેલા પરિવર્તનની વાત કરતા જણાવ્યુ હતુ કે, અગાઉ જાણકારીના અભાવે માછીમારોનું જીવન જોખમમાં મૂકાતું હતું જેને ધ્યાનમાં લઇ સરકારે દુર્ઘટના સમયે કોસ્ટ ગાર્ડની સહાયતા મેળવવામાં મદદરુપ થતી બાસ્કેટ ઉપલબ્ધ કરાવવા સહિતના પગલાં લીધા હતા. સરકારે માછીમારોના લાભાર્થે હોડીઓને આધુનિક બનાવવા માટે સબસીડી, ખેડૂતોની જેમ કિસાન ક્રેડિટ કાર્ડનો લાભ આપવા સહિતના પગલા લઈ વિકાસની મુખ્ય ધારામાં જોડ્યા છે.

વડાપ્રધાન નરેન્દ્રભાઈ મોદીએ વધુમાં કહ્યુ કે, સૌની યોજના થકી  નર્મદા મૈયાના નીર સૌરાષ્ટ્રમાં પહોંચાડવામાં આવ્યા છે. આ વિકાસ કાર્યો થકી સરકાર દ્વારા  વચન પાળી બતાવ્યામાં આવ્યા,  રાજ્યમાં અવિરત વિકાસ યાત્રા ચાલે છે, વિકાસ કાર્યો થતાં રહે છે અને તે વિકાસ કાર્યો રોકાતા નથી. સૌરાષ્ટ્રના મહુવા, ગારિયાધાર, ખાંભા, અમરેલી, જુનાગઢ, પોરબંદર સહિતના વિસ્તારોમાં ઔદ્યોગિક સહિતના વિકાસ માટે ડબલ એન્જિન સરકાર કાર્યરત છે. વિવિધ યોજનાઓ થકી સરકાર સંસાધન પૂરાં પાડી રહી છે અને તેના ઉપયોગ થકી ગરીબ માણસ રોજગારી મેળવી ગરીબી નિર્મૂલન માટે મહેનત કરી રહ્યો છે. ગરીબ નાગરિકોના આશીર્વાદ એ વિશ્વાસ અને ઊર્જાના સ્ત્રોત સમાન છે. આ યોજનાઓ ભાવનગરની યુવા પેઢીનું ભાવિ નિશ્ચિત કરનારી છે.

ભાવનગરમાં અમલી થતી આ યોજનાઓ સૌરાષ્ટ્ર, ગુજરાત અને ભારતના નિર્માણમાં ઉપયોગી થશે. વડાપ્રધાનશ્રી નરેન્દ્રભાઈ મોદીએ ભાવનગરના પ્રખ્યાત નરશી બાવાના ગાંઠિયા અને પેંડા સાથે સંકળાયેલા  સંસ્મરણો પણ તાજા કર્યા હતા.

આ પ્રસંગે રાજ્યના મુખ્યમંત્રીશ્રી ભૂપેન્દ્રભાઈ પટેલે જણાવ્યુ કે, દરિયાકાંઠો ધરાવતો ભાવનગર જિલ્લો ઉદ્યોગ, આયાત અને નિકાસ માટે મોકાનું સ્થાન ધરાવે છે. રાજવી કૃષ્ણકુમાર સિંહજીએ બ્રાઝિલને ગાય ભેટમાં આપી વિશ્વમાં ભાવનગરનું નામ ઉજાગર કર્યુ હતુ તેવી જ રીતે આજે વડાપ્રધાનશ્રી નરેન્દ્રભાઈ મોદીના હસ્તે રુ.૪૦૨૪ કરોડના ખર્ચે નિર્માણ થનાર વિશ્વનું સૌ પ્રથમ સી એન જી ટર્મિનલ એક નવું સિમાચિન્હ બનશે. મુખ્યમંત્રીશ્રીએ વધુમાં કહ્યુ કે, ભાવનગર જિલ્લાના નવા મોઢિયા ખાતે રુ.૨૦૦ કરોડના ખર્ચે નિર્માણ થનાર આ વિસ્તારમાં જી આઇ ડી સી ઔદ્યોગિક વિકાસ સાથે યુવા રોજગારીનું સક્ષમ માધ્યમ બનશે.

જળ વ્યવસ્થાપનના રાજ્યવ્યાપી નેટવર્કને વધુ મજબૂત કરવા સૌની યોજના લિંક અને જૂથ પાણી પુરવઠા પ્રોજેકટના રુ.૨,૦૪૭ કરોડના કામના ખાતમુહૂર્ત કરવામાં આવ્યા છે. રાજ્યમાં સર્વ વ્યાપી જળ વ્યવસ્થાપનના કાર્યો થયા છે. ભાવનગર ખાતેના સોલાર પાર્કની ભેટ આપી રહ્યા છે. અમૃતકાળમાં વિકસિત ભારતના નિર્માણ માટે વિજ્ઞાન અને ટેકનોલોજી સહિતના વિસ્તાર પર ભાર આપવામાં આવ્યો છે. આમ, વડાપ્રધાનશ્રી નરેન્દ્રભાઇ મોદીના માર્ગદર્શન હેઠળ ગુજરાત સ્પીડ અને સ્કેલ સાથે વિકાસ કામો કરી રહ્યું છે.

આ પ્રસંગે પ્રધાનમંત્રી નરેન્દ્રભાઇ મોદીનું મંચ પર મુખ્યમંત્રી ભૂપેન્દ્રભાઈ પટેલ અને સાંસદ સી. આર. પાટીલ દ્વારા ચાંદીનો ગરબો, શાલ તેમજ પાઘડી પહેરાવી સ્વાગત અભિવાદન કરવામાં આવ્યુ હતુ.

• ભાવનગરમાં વડાપ્રધાનની સભાની સાથે સાથે

*જવાહર મેદાન ખાતે યોજાયેલ જંગી જાહેર સભામાં વડાપ્રધાને શરૂઆતમાં જ ભાવનગરવાસીઓની ક્ષમા માંગી જણાયું હતું કે, લાંબા સમય પછી ભાવનગર આવ્યો છું પરંતુ ખાલી હાથે આવ્યો નથી.

* ભાવનગરના ગાંઠિયાને વડાપ્રધાની યાદ કરીને કહ્યું હતું કે ભાવનગરના ગાંઠીયા દેશભરમાં અને દુનિયાભરમાં જાણીતા છે. નવરાત્રી હોવાથી તેઓ ગાંઠીયા લઈ નહીં શકે તેમ જણાયું હતું.

* વડાપ્રધાનના આગમન સાથે જ સભાગૃહ મોદી ..મોદી..થી ગુંજી ઊંચું હતું.

* વડાપ્રધાન બપોરે સવા બે વાગ્યે આવ્યા હતા તે પહેલા કાર્યક્રમમાં જાણીતા કલાકારોએ લોકસાહિત્ય અને સંગીતની રમઝટ બોલાવી હતી.

* વડાપ્રધાન મોદીને સાફો પહેરાવ્યા બાદ નવરાત્રી હોય ગરબાની, ખોડીયાર માતાના ફોટા સહિત વિવિધ વસ્તુઓની ભેટ આપવામાં આવી હતી.

* ભાવનગરમાં જંગી મેદની અને લોકોના પ્રેમથી મોદી ભાવુક થયા હતા અને તેઓ ભાવનગર વાસીઓને ક્યારેય નહીં ભૂલે તેમ જણાયું હતું.

• પ્રધાનમંત્રી મોદીનો ભાવનગરમાં ભવ્ય રોડ શો

ભાવનગરના મહિલા કોલેજ સર્કલથી રૂપાણી સર્કલ સુધી વડાપ્રધાન નરેન્દ્રભાઇ મોદીનો ભવ્ય રોડ-શો યોજાયો હતો. ભાવનગર વાસીઓ પ્રધાનમંત્રીશ્રીને આવકારવા માટે મોટી સંખ્યામાં ઉમટી પડ્યા હતાં. કારમાં સવારથી પ્રધાનમંત્રીની એક ઝલક નિહાળવા સમગ્ર રૂટ પર હજારો ભાવનગરવાસીઓ એકત્રિત થયાં હતાં. વડાપ્રધાનનો કાફલો પસાર થતાં લોકોએ તિરંગા લહેરાવી, 'ભારત માતા કી જય', 'વંદે માતરમ' સહિતના સુત્રોચ્ચાર કરીને તેમના પ્રત્યેનો પ્રેમ વ્યક્ત કર્યો હતો. વડાપ્રધાનએ અભિવાદન કરી ભાવનગર વાસીઓએ વ્યક્ત કરેલો આ પ્રેમનો સહર્ષ સ્વીકાર કર્યો હતો. આ રોડ-શોમાં મહિલા કોલેજ ખાતે આઝાદી કા અમૃત મહોત્સવ થીમ સોંગ પર કથક ડાન્સ પ્રસ્તૃત કરવામાં આવ્યો હતો. જે નિહાળી લોકો મંત્રમુગ્ધ થયાં હતાં.ત્યારબાદ યશવંતરાય નાટ્યગૃહ પાછળનાં ગેટ ખાતે ભુંગળ, કાંસી, દોકળ સાથે ગુજરાતની ભાતીગળ સંસ્કૃતિ સાથે ભવાઇ રજૂ કરવામાં આવી હતી. જેને દર્શકોમાં ભારે આકર્ષણ જમાવ્યું હતું. ઘોઘા સર્કલ અખાડા પાસે તરણેતરનો રાસ તેમજ ઘોઘા સર્કલ મશહૂર જ્યુસ સેન્ટર સામે પિરામિડ સાથે રાઠવા નૃત્ય, ઘોઘા સર્કલ પાસે વંદે માતરમ ગીત પર કલાપથ સંસ્થા અને નિપાબેન ઠક્કર નૃત્ય ગ્રુપ દ્વારા નૃત્યની પ્રસ્તુતિ કરવામાં આવી હતી, ઘોઘા સર્કલ મીઠાવાળાનાં બંગલા પાસે પઢાર નૃત્ય મંજીરાં અને કાશીજોડા સાથે રજૂ કરવામાં આવ્યા હતાં. રૂપાણી સર્કલ ખાતે માંડવડી ગરબા, રાસ તેમજ ઢોલનાં તાલે ચિત્તાની પ્રતિકૃતિમાં ડાન્સ અને પપેટ શો યોજાયો હતો. જે દર્શકોમાં ચર્ચાનું કેન્દ્ર બન્યું હતું.વિવિધ પોઇન્ટ પર વડાપ્રધાનશ્રીનું ભાવનગરના અગ્રણીઓ, સંસ્થાઓ દ્વારા ભાવભર્યું સ્વાગત કરવામાં આવ્યું હતું. લોકોના પ્રેમનો એ જ ઉત્સાહથી પ્રેમસભર પ્રતિસાદ આપતાં વડાપ્રધાનશ્રીએ સમગ્ર રોડ શો દરમિયાન લોકોનું અભિવાદન ઝીલ્યું હતું.

• ભાવનગર બન્યું મોદીમય ; જવાહર મેદાન ખાતે વડાપ્રધાનને આવકારવાં માનવ મહેરામણ ઉમટ્યું

વડાપ્રધાન નરેન્દ્રભાઈ મોદી આજે ભાવનગરની ગૌરવવંતી ધરા પર પધારયા છે ત્યારે ભાવેણાવાસીઓમાં પણ વડાપ્રધાનશ્રીને આવકારવાં અનેરો થનગનાટ જોવાં મળ્યો હતો. અનેક વિકાસલક્ષી પ્રકલ્પો વડાપ્રધાનએ આજે જન સમર્પિત કર્યા છે ત્યારે સમગ્ર સૌરાષ્ટ્રવાસીઓમાં પણ આ માટે આનંદની લાગણી જોવાં મળી હતી. જવાહર મેદાન ખાતે બહોળી સંખ્યામાં માનવ મેદની ઉમટી હતી. જવાહર મેદાન તરફ જતાં તમામ રસ્તાઓ હૈયે હૈયું દળાઇ તેવાં લોક પ્રવાહથી ભરચક બની ગયું હતું. ભાવનગર, અમરેલી, બોટાદ સહિત સમગ્ર સૌરાષ્ટ્રના નાગરિકોનો અવિરત પ્રવાહ ભાવનગર ખાતે વડાપ્રધાનને આવકારવા પહોંચ્યોં હતો.

• કાર્યક્રમ સ્થળે કલર કોડ સાથે અદભૂત વ્યવસ્થાપનનો નજારો

ભાવનગર માં હજારો લોકોની જનમેદની વચ્ચે પણ દરેકને પોતાની જગ્યા મળે તે માટે તંત્ર દ્વારા અદભૂત વ્યવસ્થા જોવા મળી હતી. વડાપ્રધાનની જવાહર મેદાન ખાતે યોજાયેલી સજામાં આજે દરેક વ્યક્તિની પોતીકી બેઠક મળે તેમજ અવ્યવસ્થા ન સર્જાય તે માટે અદભૂત વ્યવસ્થાપન તંત્ર દ્વારા કરવામાં આવ્યું છે. કલેક્ટર યોગેશ નિરગુડેની નિગરાની હેઠળ ડોમને વિવિધ વિભાગોને વિવિધ કલર કોડ તેમજ નંબરોથી વહેંચી દેવામાં આવ્યો છે. જેથી જે વ્યક્તિને જે જગ્યાનું નિમંત્રણ હોય તે જગ્યા જ મળે તે માટે અગાઉથી જ વ્યવસ્થા કરવામાં આવી હતી. તંત્રની રાત- દિવસની મહેનત દેખાઇ આવતી હતી. સૌરાષ્ટ્રના અમરેલી, બોટાદ જિલ્લામાંથી આવનાર લોકોને પણ કોઇ અગવડ ન પડે તે માટે આઇ.આઇ.એમ.ના વિદ્યાર્થીઓએ પણ એકવાર જોવાં આવવું પડે તેવી અદભૂત બેઠક વ્યવસ્થાનું તંત્ર દ્વારા વ્યવસ્થાપન કરવામાં આવ્યું છે. પાણી, સેનીટેશન, પાર્કિંગ, વી.આઇ.પી./ વી.વી. આઇ. પી. મુવમેન્ટ દરેક બાબતની ચીવટની કાળજી લેવામાં આવી છે. લોકોએ પણ પોતાના નેતાને સાંભળવાં માટે તેમજ તંત્રના માર્ગદર્શન તળે જગ્યા સંભાળીને અદભૂત શિસ્તબધ્ધતાના દર્શન કરાવ્યાં હતાં.


• વડાપ્રધાનને આવકારવાં ભારતમાતા બનેલી બાળકીએ આકર્ષણ જમાવ્યું

ગુજરાતના પનોતા પૂત્ર અને ગુજરાતનું ગૌરવ એવાં ભારતના વડાપ્રધાન નરેન્દ્રભાઇ મોદી આજે ભાવેણાના મહેમાન બન્યાં હતા, ત્યારે તેમને આવકારવાં ભાવેણું જાણે અધીરું બન્યું હતું. ત્યારે તેમાં નાનેરાં થી મોટેરાંનો ઉમંગ ઉત્સાહ સમાતો નહતો.આ જ કડીમાં ભાવનગરના માર્ગ પર વડાપ્રધાન નરેન્દ્રભાઇ મોદીને આવકારવાં માટે ’ભારતમાતા’ નો વેશ ધારણ કરેલી બાળકી સૌના આકર્ષણનું કેન્દ્ર બની હતી. ભારતમાતાના સંતાન એવાં નરેન્દ્રભાઇ મોદી જે રીતે ભારતમાતાનો પરચમ સમગ્ર વિશ્વમાં લહેરાવી રહ્યાં છે. ત્યારે આ તેમનું અદકેરું સ્વાગત અનોખું હતું. દીકરીએ જણાવ્યું કે, વડાપ્રધાન નરેન્દ્રભાઇ મોદીનું અદકેરું સ્વાગત કરવાં માટે હું ભારતમાતા બની છું.

• વડાપ્રધાનને ભાવનગર એરપોર્ટ ખાતે મુખ્યમંત્રીશ્રી તથા મહાનુભાવો એ આવકાર્યા

વડાપ્રધાન નરેન્દ્રભાઇ મોદી આજે ભાવનગરની એક દિવસીય મુલાકાતે આવી પહોંચતાં તેમનું ભાવનગર એરપોર્ટ ખાતે મુખ્યમંત્રી ભૂપેન્દ્રભાઇ પટેલ, કેન્દ્રીય આરોગ્ય મંત્રી મનસુખભાઇ માંડવિયા, પ્રદેશ અધ્યક્ષ સી.આર.પાટીલ, પ્રભારી અને વન તથા પર્યાવરણ મંત્રીશ્રી કિરીટસિંહ રાણા, શિક્ષણ મંત્રી જીતુભાઇ વાઘાણી, સામાજીક ન્યાય અને અધિકારીતા મંત્રી આર.સી.મકવાણા, મેયર કીર્તિબાળા દાણીધારીયા, સાંસદ ડો. ભારતીબેન શિયાળ, મુખ્ય સચિવ પંકજકુમાર, કલેક્ટર યોગેશ નિરગુડે, પોલીસ અધિક્ષક ર્ડા. રવિન્દ્ર પટેલે ઉષ્માસભર સ્વાગત કર્યું હતું.
વડાપ્રધાન ભારતીય વાયુદળના વિશેષ વિમાન મારફતે ભાવનગર એરપોર્ટ ખાતે આવી પહોંચતાં જિલ્લા પંચાયતના પ્રમુખ ભરતસિંહ ગોહિલ, પૂર્વ મંત્રી સૌરભભાઇ પટેલ, વિભાવરીબેન દવે, દિલીપભાઇ સંઘાણી, ધારાસભ્ય કેશુભાઇ નાકરાણી, ભીખાભાઇ બારૈયા, આત્મારામ પરમાર, સહિતના મહાનુભાવોએ ઉષ્માસભર આવકાર આપ્યો હતો.


Related News

Advertisement
Advertisement
Advertisement