એક જ દિ’માં ચાર સદીથી ઈંગ્લેન્ડે બનાવ્યા રેકોર્ડ 506 રન

02 December 2022 12:41 PM
Sports
  • એક જ દિ’માં ચાર સદીથી ઈંગ્લેન્ડે બનાવ્યા રેકોર્ડ 506 રન

17 વર્ષ બાદ પાકિસ્તાન પ્રવાસે ટેસ્ટ મેચ રમવા ગયેલી ઈંગ્લીશ ટીમે બનાવ્યા અનેક રેકોર્ડ: જૈક ક્રાઉલે, બેન ડકેટ, ઓલી પોપ અને હૈરી બ્રુકે બોલરોની ખબર લઈ નાખી

નવીદિલ્હી, તા.2 : પાકિસ્તાનના પ્રવાસે 17 વર્ષ બાદ પહેલી ટેસ્ટ મેચ રમી રહેલી ઈંગ્લેન્ડ ટીમે શાનદાર રેકોર્ડ સાથે શરૂઆત કરી છે. પહેલી ટેસ્ટના પ્રથમ દિવસે તેના ચાર બેટરોએ શ્રેષ્ઠ સદી બનાવી હતી જેના દમ પર ઈંગ્લેન્ડની ટીમે દિવસની રમત પૂર્ણ થવા સમય સુધીમાં ચાર વિકેટે 506 રનનો રેકોર્ડ સ્કોર બનાવ્યો હતો. આ ટેસ્ટ ઈતિહાસમાં પહેલાં દિવસનો રેકોર્ડ સ્કોર છે.

તેના પહેલાં 1910માં ઑસ્ટ્રેલિયા-આફ્રિકા વચ્ચે ટેસ્ટના પ્રથમ દિવસે 494 રન બનાવ્યા હતા. આ ઉપરાંત તેના પહેલાં સત્રમાં પણ રેકોર્ડ 174 રન વિનાવિકેટે બન્યા હતા. આ રીતે ઈંગ્લેન્ડે અફઘાનિસ્તાન વિરુદ્ધ ભારતના ટેસ્ટ મેચના પ્રથમ સેશનમાં 158 રનનો રેકોર્ડ તોડી નાખ્યો છે. દિવસની રમત પૂર્ણ થવા સમય સુધીમાં હેરી બ્રુક 101 રન અને કેપ્ટન બેન સ્ટોક્સ 34 રન બનાવીને અણનમ હતા.

આ પહેલાં ટોસ જીતી પહેલાં બેટિંગ કરતાં ઈંગ્લેન્ડના ઓપનરો જૈક ક્રાઉલે (122 રન) અને બેન ડકેટ (107 રન)એ પહેલી વિકેટ માટે 233 રનની ભાગીદારી કરી હતી. આ ઉપરાંત ઓલી પોપે પણ 108 રન બનાવ્યા હતા. જો કે જો રુટ 23 રન જ બનાવી શક્યો હતો. ચોથી વિકેટ માટે ઓલી પોપ અને હૈરી બ્રુકે 176 રન બનાવીને ટીમનો સ્કોર 400ને પાર પહોંચાડ્યો હતો.

બ્રુકે સ્પિનર શકીલની ઓવરમાં ફટકાર્યા છ ચોગ્ગા
બ્રુકને પાકિસ્તાની સ્પિનર સાઉદ શકીલની એક જ ઓવરમાં સળંગ છ ચોગ્ગા ફટકાર્યા હતા. ટેસ્ટ ઈતિહાસમાં પાંચમીવાર આવું બન્યું છે. આ પહેલાં ભારતના સંદીપ પાટીલ (1982), શ્રીલંકાના સનત જયસૂર્યા (2007) અને વિન્ડિઝના ક્રિસ ગેલ (2004) તેમજ રામનરેશ સરવન (2006)માં આવું કરી ચૂક્યા છે.

પાંચમી વાર એક દિવસમાં બન્યા 500થી વધુ રન

ટીમ    હરિફ ટીમ રન કયો દિવસ મેદાન  વર્ષ
ઈંગ્લેન્ડ  ભારત 588-6  મેન્ચેસ્ટર 1936
ઈંગ્લેન્ડ  આફ્રિકા  522-2  લોર્ડસ  1924 
શ્રીલંકા  બાંગ્લાદેશ  509-9  કોલંબો  2002 
ઈંગ્લેન્ડ  આફ્રિકા  508-8  ધ ઓવલ  1935 
ઈંગ્લેન્ડ  પાકિસ્તાન  506-4  રાવલપિંડી  2022 

Related News

Advertisement
Advertisement
Advertisement