મોરબીના જેતપર રોડ પર રાહદારીને છરી મારી લૂંટ ચલાવી
લૂંટ-ઇજાનો ભોગ બનેલ રાજસ્થાનીને સારવારમાં દવાખાને ખસેડાયો
(જીજ્ઞેશ ભટ્ટ) મોરબી, તા.24 : મોરબીના ટીંબડી ગામના પાટીયાથી વાંકાનેરના ઢુવા સુધીના હાઇવે વિસ્તારમાં સમયાંતરે એકલદોકલ રાહદારી વ્યક્તિઓ કે મજૂર જેવા યુવાનોને ટાર્ગેટ કરીને છરીની અણીએ ઇજા પહોંચાડી કે ભય બતાવી લુંટી લેવાના બનાવો સામે આવ્યા છે જેમાં વધુ બે બનાવો મોરબીના જેતપર રોડ ઉપર બન્યા હોવાનું સૂત્રોમાંથી જાણવા મળ્યું છે.જેમાં યુવાનને છરીના ઘા મારી રોકડ અને મોબાઈલ લુંટી લેવામાં આવ્યા હોય હાલ ઇજાગ્રસ્તને સારવારમાં ખસેડાયો છે.તે રીતે જ બીજો બનાવ પણ જેતપર રોડ રંગપર ગામની પાસે વિરાટનગર નજીક બન્યો હતો જેમાં યુવાનને છરી બતાવી મૂઢમાર મારી તેની પાસેથી પણ પૈસા કઢાવવા માટે પ્રયાસ કરવામાં આવ્યો હોવાનું સૂત્રોમાંથી જાણવા મળ્યું છે.
મોરબીના જેતપર રોડ ઉપર આવેલ વેન્ટો સીરામીકમાં ટાઇલ્સ ભરવા માટે આવેલ અને કામ સબબ કારખાનામાંથી બહાર નીકળેલ ઓમારામ લુણારામ જાટ (ઉંમર 35) રહે.જોધપુર (રાજસ્થાન) ઉપર ગત તા.21 ના રાત્રીના 11 વાગ્યાના અરસામાં અજાણ્યા ઈસમે સાથળના પાછળના ભાગે છરી વડે હુમલો કર્યો હતો અને તેની પાસે રહેલ રોકડ અને મોબાઈલની લૂંટ ચલાવવામાં આવી હોવાને સામે આવ્યું છે હાલ ઇજાગ્રસ્ત ઓમારામ જાટને મોરબીની સિવિલ હોસ્પિટલ બાદ ખાનગી હોસ્પિટલે સારવાર માટે ખસેડાયો હતો અને હોસ્પિટલ સુત્રો તરફથી તાલુકા પોલીસને જાણ કરવામાં આવેલી હોય હાલમાં બીટ વિસ્તારના જમાદાર ફિરોજભાઈ સુમરા આ અંગે આગળની તપાસ ચલાવી રહ્યા છે.તે રીતે જ મોરબીના જેતપર રોડ ઉપર આવેલ વિરાટનગરના બસ સ્ટેશનની પાસેથી પસાર થઈ રહેલા મોહિતભાઈ સાહુ (ઉંમર 25) રહે.
રંગપર તાલુકો જીલ્લો મોરબી નામના મજૂર યુવાનને અટકાવીને અજાણ્યા વ્યક્તિએ છરી બતાવી માર માર્યો હતો અને તેને ઇજા પહોંચેલી હોય મયુરભાઈ પટેલ નામની વ્યક્તિએ ઇજાગ્રસ્ત મોહિતભાઈ સાહુને સારવારમાં સામાકાંઠે આવેલ ખાનગી હોસ્પિટલે ખસેડ્યો હતો તે બનાવ અંગે પણ મોરબી તાલુકા પોલીસ મથકના ફિરોજભાઈ સુમરા આગળની તપાસ ચલાવી રહ્યા છે. અત્રે નોંધનીય છે કે છેલ્લા થોડાક સમયથી હાઇવે વિસ્તાર ઉપર નીકળતા એકલદોકલ લોકોને છરીનો ભય બતાવી અથવા છરી જીંકીને રોકડ અને મોબાઈલ તેમજ અન્ય વસ્તુઓ લૂંટી લેવાના બનાવો બની રહ્યા છે જોકે જે અંગે પોલીસ ચોપડે કોઈ ફરિયાદ નોંધાતી ન હોય (પોલીસે રાહતનો શ્વાસ લીધો છે.) આવા જીવલેણ બનાવો અટકવાનું નામ લેતા નથી માટે ઉચ્ચ અધિકારીઓ દ્વારા આ અંગે ચોક્કસ ટીમ બનાવીને લૂંટારો અને પકડી પાડવામાં આવે તેવી લોકમાંગ ઉઠી રહી છે.
મારામારીમાં ઇજા
મોરબીના લખધીરપુર રોડ પર આવેલ સીતારામ પ્લાસ્ટિક નામના કારખાનામાં રહેતા અને મજૂરી કામ કરતા પીરૂબેન ભવાનભાઇ શિંગાળા (ઉમર 40) ને તેના લેબર કવાર્ટર પાસે થયેલ મારામારીના બનાવમાં માથામાં અને શરીરે ઇજાઓ થઈ હતી જેથી કરીને ઇજાગ્રસ્ત હાલતમાં મહિલાને સારવાર માટે મોરબીની સિવિલ હોસ્પિટલ ખાતે લઈ જવામાં આવી હતી અને આ બનાવની મોરબી તાલુકા પોલીસે જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી.
વાહન અકસ્માતના બનાવમાં ધરપકડ
મોરબીના સામાકાંઠે શક્તિ ચેમ્બર સામે રોડ ક્રોસ કરી રહેલા મૂળ જમ્મુ કશ્મીરના બસીરભાઈ (ઉમર 44) નામના યુવાનને બાઈક ચાલકે હડફેટે લીધો હતો જેથી ઇજાગ્રસ્તને મોરબી બાદ રાજકોટ ખસેડાયો છે.જે બનાવમાં ઇજાગ્રસ્ત બસીરભાઈના ભાઈ ઝહરઅહેમદ ભટ્ટી રહે.જમ્મુ-કશ્મીર દ્વારા ફરિયાદ નોંધાવવામાં આવી હતી તે બનાવમાં મોરબી સીટી બી ડિવિઝન પોલીસ મથકના જગદીશભાઈ ડાંગર દ્વારા બાઈક ચાલક સુનિલ શ્રીકૃષ્ણભાઈ બચેનિયા (ઉમર 36) હાલ રહે.સીરામીક સીટી વાંકાનેર હાઇવે મોરબી-2 મૂળ ઉત્તરપ્રદેશ વાળાની ધરપકડ કરવામાં આવેલ છે.
Recent News
મુખ્યમંત્રીએ રાજ્યમાં કોરોના સામે આરોગ્યતંત્રની સજ્જતાની સમીક્ષા કરી: ૧૦ અને ૧૧ એપ્રિલે... 30 March 2023 08:30 PM
દ્વારકા : વારાદાર પૂજારી દ્વારા ભગવાન દ્વારકાધીશને ભગવાન શ્રી રામનો શૃંગાર અર્પણ... 30 March 2023 06:59 PM
રૈયાધારમાં રીક્ષામાં વાયરીંગ કામ કરતી વેળાએ દાઝેલ યુવકનું મોત 30 March 2023 05:52 PM
યુનીટ જજ આશુતોષ શાસ્ત્રી સાથે રાજકોટ બારના હોદ્દેદારોએ સર્કીટ હાઉસ ખાતે બેઠક... 30 March 2023 05:51 PM
જુનીયર કલાર્કની પરીક્ષાના કોલ લેટર આવતીકાલથી ડાઉનલોડ કરી શકાશે 30 March 2023 05:49 PM
Saurashtra News
ફુલ બજારમાં તેજી: ચૈત્રી નવરાત્રી, રામનવમી તહેવારોમાં વપરાશ વધતા માંગમાં ઉછાળો 30 March 2023 03:28 PM
Rajkot : ડેરીના કોલ્ડરૂમમાંથી વાસી અને ફુગ ચડેલો 650 કિલો મીઠાઇ, શીખંડ,... 30 March 2023 03:09 PM
આજે સાંજે પાંચ દિવસના માધવપુર મેળાનો મુખ્યમંત્રીના હસ્તે પ્રારંભ 30 March 2023 12:08 PM
માર્કેટયાર્ડો બંધ: અનાજ-કઠોળમાં તેજી; કિલોએ રૂા.4 થી 10 વધી ગયા 30 March 2023 12:06 PM
માધવપુર મેળા માટે 70 એસ.ટી.બસની વ્યવસ્થા 30 March 2023 12:01 PM
Gujarat News
મુખ્યમંત્રીએ રાજ્યમાં કોરોના સામે આરોગ્યતંત્રની સજ્જતાની સમીક્ષા કરી: ૧૦ અને ૧૧ એપ્રિલે... 30 March 2023 08:30 PM
વડોદરામાં રામનવમીની શોભાયાત્રામાં પથ્થરમારો: જુથ અથડામણ: લાઠીચાર્જ 30 March 2023 04:06 PM
ગુજરાત હાઈકોર્ટના જસ્ટીસ તરીકે એડવોકેટ દેવન દેસાઈ અને મોક્ષા ઠકકરની નિમણુંક 30 March 2023 04:03 PM
અમદાવાદ-ડિસામાં ‘આપ’ પાર્ટી દ્વારા મોદી વિરૂધ્ધનાં પોસ્ટરો લગાડાયા 30 March 2023 03:44 PM
રાજયમાં કોરોના સંક્રમણની ગતિમાં વધારો: નવા 401 કેસ 30 March 2023 02:35 PM
Thank You!
Your submission is received and we will contact you soon