જસદણ પાલિકાની સામાન્ય સભામાં ફજેતો : શાસક પક્ષ ઉપપ્રમુખ સહિત 13 સભ્યોનો વોકઆઉટ
ભ્રષ્ટાચારનાં મુદ્દે ભાજપ-કોંગ્રેસનાં 17 સદસ્યોએ બળાપો કાઢયો : એક સભ્ય ગેરહાજર : 8 સભ્યોએ પાલિકા પ્રમુખ સામે અવિશ્ર્વાસની દરખાસ્ત મુકી : મંત્રી બાવળીયાના મતક્ષેત્રમાં હલચલ
(નરેશ ચોહલીયા)
જસદણ, તા. 1
જસદણ નગરપાલિકાની સામાન્ય સભાનો ભાજપના શાસકપક્ષના ઉપપ્રમુખ સહિતના 13 અને વિરોધપક્ષ કોંગ્રેસના 4 સભ્યો મળી કુલ 17 સભ્યોએ ભ્રષ્ટાચારના વિરોધમાં બળાપો કાઢ્યો, શાસકપક્ષના 13 સભ્યોએ સામાન્ય સભાનો બહિષ્કાર કરી વોકઆઉટ કર્યું, શાસકપક્ષના એક સભ્ય ગેરહાજર રહ્યા.
નવા બનેલા રોડ માત્ર ગણતરીના દિવસોમાં જ તૂટી જાય છે તેવા વિવિધ મુદ્દાઓને લઈને વિરોધ નોંધાવ્યો. શાસકપક્ષના 12 સભ્યોએ પાલિકા પ્રમુખ સામે અવિશ્વાસની દરખાસ્ત મૂકી, બાદમાં 4 સભ્યોએ અવિશ્વાસની દરખાસ્તમાં પોતે સાથે ન હોવાનું લેખિતમાં ચીફ ઓફિસરને આપ્યું હતું.
જસદણ નગરપાલિકા ખાતે છેલ્લી સામાન્ય સભા યોજાઈ હતી. આ સભા જસદણ નગરપાલિકાના ચીફ ઓફિસર અશ્વિન વ્યાસ અને પ્રમુખ અનિતાબેન રૂપારેલીયાના અધ્યક્ષપદે યોજાઈ હતી. આ સામાન્ય સભામાં જસદણ નગરપાલિકાના 28 સભ્યો પૈકી ભાજપ અને કોંગ્રેસ પક્ષના કુલ 27 સભ્યો હાજર રહ્યા હતા. જ્યારે વોર્ડ નં.1 ના શાસકપક્ષના મહિલા સભ્ય ગેરહાજર રહ્યા હતા.
આ સામાન્ય સભા દરમિયાન શાસકપક્ષ ભાજપના 13 સભ્યો અને વિરોધપક્ષ કોંગ્રેસના 4 સભ્યો મળી કુલ 17 સભ્યોએ નગરપાલિકાની સામાન્ય સભાનો વિરોધ નોંધાવ્યો હતો. ત્યારબાદ શાસકપક્ષ ભાજપના 13 સભ્યોએ ચીફ ઓફિસરને લેખિતમાં વિરોધ નોંધાવી સામાન્ય સભાનો બહિષ્કાર કરી ચાલુ સભાએ વોકઆઉટ કરતા નગરપાલિકાનું રાજકારણ ગરમાયું હતું.
આ સામાન્ય સભામાં જસદણ નગરપાલિકા પ્રમુખની તરફેણમાં 28 સભ્યો પૈકી ભાજપ-કોંગ્રેસના માત્ર 10 સભ્યો જ હાજર રહ્યા હતા. બાદમાં આ સામાન્ય સભા દરમિયાન નગરપાલિકા પ્રમુખે વિરોધપક્ષ કોંગ્રેસના 4 સભ્યોને સાથે રાખી બોર્ડને પૂર્ણ કર્યું હતું. આ સામાન્ય સભાના વિરોધ અંગે તપાસ કરતા જાણવા મળ્યું હતું કે, જસદણ નગરપાલિકા પ્રમુખ અનિતાબેન રૂપારેલીયા પોતાના શાસકપક્ષના સભ્યોને વિશ્વાસમાં લીધા વગર અને સાથે રાખ્યા વગર જ પોતાની મરજી મુજબના કામો કરતા હોવાનું તેમજ જસદણ શહેરભરમાં બની રહેલા નવા રોડ માત્ર ગણતરીના દિવસોમાં જ તૂટી જતા હોવાથી ભ્રષ્ટાચારના વિરોધમાં નગરપાલિકા પ્રમુખ સામે બળાપો કાઢવા સામાન્ય સભાનો બહિષ્કાર કર્યો હોવાનું સામે આવ્યું હતું. સાથોસાથ જસદણ નગરપાલિકાના પ્રમુખ સામે શાસકપક્ષના 8 સભ્યોએ ચીફ ઓફિસરને અવિશ્વાસની દરખાસ્ત મુકતા આવનારા સમયમાં નવાજુની થવાના એંધાણ વર્તાઈ રહ્યા છે.
અમે કોંગ્રેસના 4 સભ્યો પણ એજન્ડા મુજબ અભ્યાસ કરતા અમે પણ લેખિતમાં વિરોધ નોંધાવ્યો હતો: હરેશભાઈ ધાધલ-વિરોધપક્ષના નેતાએ જણાવેલ કે નગરપાલિકાની સામાન્ય સભા યોજાઈ હતી. તેમાં 28 સભ્યોમાંથી 1 સભ્ય ગેરહાજર રહ્યા હતા. છતાંય ભાજપના 13 સભ્યોએ ચાલુ સભાએ હાજર રહીને લેખિતમાં બહિષ્કાર કરીને ચાલ્યા ગયા હતા. ત્યારબાદ અમે કોંગ્રેસના 4 સભ્યો અને બાકીના ભાજપના સભ્યોએ એજન્ડા મુજબ અભ્યાસ કરતા અમે પણ લેખિતમાં વિરોધ નોંધાવ્યો હતો. બાદમાં અમે ચારેય સભ્યો અને ભાજપના સભ્યોએ હવે વિકાસના કામો થવાના છે તેમાં અમે સાથે રહી બોર્ડ પૂર્ણ કરાવેલું છે અને જેમાં અમને શંકા લાગી તેમાં અમે લેખિત વિરોધ કરેલ છે.
માધવીબેન વસાણી-વોર્ડ નં.6 ના ભાજપના કોર્પોરેટરે જણાવેલ કે અમે 13 સભ્યોએ સામાન્ય સભાનો આજે વિરોધ કર્યો છે. તેનુંકારણ એ હતું કે છેલ્લા 8 મહિનામાં પ્રમુખે એકપણ સામાન્ય સભાના એજન્ડા તૈયાર કર્યા ન હતા અને અમને એકપણ સભ્યને વિશ્વાસમાં લીધા ન હતા. આ સામાન્ય સભામાં પ્રમુખે એકપણ સભ્યને વિશ્વાસમાં લીધા વગર જ એજન્ડા તૈયાર કરી નાખ્યા હતા જેનો અમે 13 સભ્યોએ વિરોધ કરેલ છે. ગમે ત્યારે પાલિકા પ્રમુખના પ્રતિનિધિ અલ્પેશભાઈના મોઢે એક જ શબ્દ હોય છે કે જિલ્લા અધ્યક્ષ મનસુખભાઈ ખાચરીયા મારા ફુવા થાય છે અને ચાલુ મીટીંગમાં પણ તેઓ ફુવા-ફુવા કરતા હોય છે અને મનસુખભાઈ રામાણી પણ મારા મામા થાય છે તેવું અવારનવાર કહેતા હોય છે. મતલબ તેઓ કોઈના ડર વગર કોઈપણ સભ્યોને સાથે રાખ્યા વગર એ નગરપાલિકા ચલાવતા હતા તેનો અમે વિરોધ નોંધાવેલ છે.
અશ્વિન વ્યાસ-ચીફ ઓફિસરે જણાવ્યું હતું કે જે સામાન્ય સભા રાબેતા મુજબ એજન્ડા નક્કી કર્યા પ્રમાણે મળેલ હતી અને પૂર્ણ થઈ હતી. અમુક સભ્યોએ અલગ-અલગ મુદ્દા વાઈઝ વિરોધ નોંધાવ્યો હતો. ગઈકાલે સભ્યોની જે અવિશ્વાસની દરખાસ્ત રજુ થઈ છે જે જરૂરી કાર્યવાહી માટે પ્રમુખના વંચાણે મુકેલ છે. આ બોર્ડે 8 મહિના બાદ સામાન્ય સભા બોલાવેલ છે તે બાબતે હું કઈ કહી શકું નહી. કેબીનેટ મંત્રી કુંવરજીભાઇ બાવળીયાના મત વિસ્તારની પાલિકામાં આવી ઘટના બનતા રાજકીય ક્ષેત્રે હલચલ મચી છે.
Recent News
અમૃતપાલ દિલ્હીમાં : ISBT બસ સ્ટેન્ડ પર નજરે જોયાની આશંકા, સાધુના વેશમાં... 25 March 2023 01:24 AM
26મીએ WPL ફાઇનલમાં મુંબઇ - દિલ્હી વચ્ચે મુકાબલો : 20 વર્ષીય ઇઝાબેલ... 25 March 2023 01:17 AM
ગુજરાતમાં સ્ટાર્ટઅપની નોંધણીમાં છેલ્લા બે વર્ષમાં 160% નો ઉછાળો : IT સેક્ટર... 25 March 2023 12:40 AM
કેંદ્રીય કર્મચારીઓને મોદી સરકારે આપી મોટી ભેટ, મોંઘવારી ભથ્થામાં કર્યો 4 ટકાનો... 24 March 2023 11:42 PM
ગુજરાતની તમામ જેલોમાં દરોડા : ગૃહરાજ્ય મંત્રી હર્ષ સંઘવીની સરપ્રાઈઝ વિઝીટ બાદ... 24 March 2023 11:01 PM
Saurashtra News
શિક્ષણબોર્ડનો ભગો: ધો.12 સંસ્કૃત મધ્યમાનું ‘વ્યાકરણમ’ વિષયનું પેપર ફરીથી લેવા નિર્ણય 24 March 2023 04:23 PM
કચ્છના પાંચ મર્ડર કેસમાં આરોપી બનાવ સ્થળે હાજર ન હોવા સંદર્ભે તપાસના... 24 March 2023 12:28 PM
રાજકોટ સહિત સૌરાષ્ટ્ર-કચ્છમાં ઝુલેલાલ જયંતીની ભવ્ય ઉજવણી : ઠેર ઠેર શોભાયાત્રા યોજાઇ 24 March 2023 12:25 PM
ધોરાજી પાલિકાનું સરપ્રાઈઝ ચેકીંગ કરતા રીજીયોનલ કમિશ્નર: કર્મચારીઓનો ઉધડો લીધો 24 March 2023 11:41 AM
Gujarat News
ગુજરાતમાં સ્ટાર્ટઅપની નોંધણીમાં છેલ્લા બે વર્ષમાં 160% નો ઉછાળો : IT સેક્ટર... 25 March 2023 12:40 AM
ગુજરાતની તમામ જેલોમાં દરોડા : ગૃહરાજ્ય મંત્રી હર્ષ સંઘવીની સરપ્રાઈઝ વિઝીટ બાદ... 24 March 2023 11:01 PM
ગાંધીનગરમાં ગૃહમંત્રી હર્ષ સંઘવીની ઉચ્ચ સ્તરીય બેઠક બાદ રાજ્યભરની તમામ જેલ પર... 24 March 2023 10:17 PM
હવે વિદેશી એડવોકેટ્સ સાથે સ્થાનિક વકીલોની ટફ સ્પર્ધા થશે 24 March 2023 05:03 PM
હજુ રાહુલ સામે બદનક્ષીનો એક ચૂકાદો તોળાઈ રહ્યો છે 24 March 2023 04:49 PM
Thank You!
Your submission is received and we will contact you soon