રવિવારે રામકૃષ્ણ મિશનની 125મી વર્ષગાંઠ નિમિતે જાહેરસભાનું ભવ્ય આયોજન

01 February 2023 05:51 PM
Rajkot
  • રવિવારે રામકૃષ્ણ મિશનની 125મી વર્ષગાંઠ નિમિતે જાહેરસભાનું ભવ્ય આયોજન

દેશના વિવિધ ભાગોમાંથી 125 સંન્યાસીઓની એક સાથે મંચ પર ઉપસ્થિતિ : રામકૃષ્ણ મિશન તેનો આદર્શ અને પ્રવૃતિઓ વિષે 11 વિદ્વાન સંન્યાસીઓના પ્રવચનો: રામકૃષ્ણ આશ્રમ દ્વારા તા.1થી 9 ફેબ્રુ. સુધી ગુજરાત તીર્થ યાત્રાનું આયોજન

રાજકોટ,તા.1 : રામકૃષ્ણ મિશનની 125મી જયંતી પ્રસંગે રાજકોટના આંગણે દેશ-વિદેશના 125 સંતો-મહંતો પધારી રહ્યા છે. આ સંતોના દર્શન કરવા અને વિરલ ઘટનાના સાક્ષી બનવા માંગતા સૌ નગરજનોને શ્રીરામકૃષ્ણ આશ્રમ, રાજકોટ દ્વારા 5 મી ફેબ્રુઆરી, 2023 ના રોજ સાંજના 7:15 થી 8:45 સુધી આયોજિત જાહેર સભામાં પધારવા સ્વામી નિખિલેશ્ર્વરાનંદજી (અધ્યક્ષ)એ જણાવેલ છે. સ્વામી વિવેકાનંદજીએ વિદેશથી પાછા ફરી શિવજ્ઞાનથી જીવસેવાના આદર્શને મૂર્ત સ્વરૂપ આપવા અને આત્મનો મોક્ષાર્થમ જગત હિતાયચના મંત્રને ચરિતાર્થ કરવા 1 મે, 1897 ના રોજ રામકૃષ્ણ મિશનની સ્થાપના કરી હતી. તેથી 1 મે, 2022 થી 1 મે, 2023 સુધી રામકૃષ્ણ મિશનની 125 મી જયંતિ સમસ્ત વિશ્વમાં ધામધૂમથી ઉજવાઈ રહી છે. ત્યારે શ્રીરામકૃષ્ણ આશ્રમ, રાજકોટ દ્વારા તા. 5 મી ફેબ્રુઆરી, 2023 ના રોજ જાહેર સભાનું આયોજન કરવામાં આવ્યું છે.

ધર્મસભા નો વિષય છે - રામકૃષ્ણ મિશન - તેનો આદર્શ અને પ્રવૃત્તિઓ જેમાં 11 વિદ્વાન સંન્યાસીઓ પ્રવચન આપશે. શ્રીરામકૃષ્ણ આશ્રમ, રાજકોટ દ્વારા તા. 1 થી 8 ફેબ્રુઆરી, 2023 દરમિયાન ગુજરાત તીર્થયાત્રાનું પણ આયોજન કરવામાં આવ્યું છે, જેમાં આ બધા સંતો-મહંતો ભાગ લઈ રહ્યા છે. આ સંતો 1લી ફેબ્રુઆરીએ અમદાવાદ પહોંચશે. અમદાવાદમાં અક્ષરધામ અને સાબરમતી આશ્રમની મુલાકાત લઈ 2જી ફેબ્રુઆરીના રોજ વડોદરા પહોંચશે. તા. 3જી ના રોજ સ્ટેચ્યુ ઑફ યુનિટીની મુલાકાત લેશે. તા. 4થી ના રોજ વડોદરામાં લક્ષ્મી વિલાસ પેલેસ, શ્રી અરવિંદ આશ્રમ તેમજ રામકૃષ્ણ મિશન વિવેકાનંદ મેમોરિયલ, વડોદરાની મુલાકાત લેશે. તા. 5મી ના રોજ લીંબડીના ટાવર બંગલાની મુલાકાત લેશે, જેમાં સ્વામી વિવેકાનંદજી લીંબડીના ઠાકોર સાહેબ યશવંતસિંહના અતિથિરૂપે રહ્યા હતા. તેમજ રામકૃષ્ણ મિશન લીંબડીના નવનિર્મિત મંદિરની પણ મુલાકાત લેશે.

તા. 5મી ના સાંજે શ્રીરામકૃષ્ણ આશ્રમ, રાજકોટ દ્વારા યોજાયેલ ભવ્ય જાહેર સભામાં ભાગ લેશે. તા. 6ઠ્ઠીના જૂનાગઢમાં ગિરનાર તથા અન્ય સ્થળોના દર્શન કરી તેઓ સોમનાથ જશે. ત્યાં સોમનાથ મહાદેવના દર્શન કરી અન્ય સ્થળોની મુલાકાત પણ લેશે અને 7મી તારીખે પોરબંદર જવા રવાના થશે. પોરબંદરમાં રામકૃષ્ણ મિશન વિવેકાનંદ મેમોરિયલ (જે ભોજેશ્વર બંગલામાં સ્વામી વિવેકાનંદજી ઈ.સ 1891 માં લાંબા સમય સુધી રહ્યા હતા), કીર્તિ મંદિર વગેરેની મુલાકાત લઈ દ્વારકા જવા રવાના થશે. તા. 8મી ના રોજ દ્વારકાધીશના દર્શન કરી તેઓ રાજકોટ આવશે અને સાંજે મહાત્મા ગાંધી મ્યુઝિયમની મુલાકાત લઈ તીર્થયાત્રાના સમાપન કાર્યક્રમમાં ભાગ લેશે જેમાં કેટલાક સંન્યાસીઓ તીર્થયાત્રાના અનુભવોની વાતો કરશે. આ સમાપન કાર્યક્રમ 8મી ફેબ્રુઆરીના રોજ સાંજના 7:15 થી 8:45 વાગ્યે રહેશે. સૌ નગરજનોને આ કાર્યક્રમનો લાભ લેવા હાર્દિક વિનંતી છે.

સ્વામી વિવેકાનંદજી શિકાગો વિશ્વધર્મ સભામાં ભાગ લેવા માટે અમેરિકા ગયા તે પહેલાં તેમણે સમસ્ત ભારતનું પરિભ્રમણ કર્યું હતું. જેમાં સૌથી વધુ સમય (લગભગ આઠ મહિના) તેમણે ગુજરાતમાં ગાળ્યો, એ ગુજરાતનું ગૌરવ છે. સ્વામીજીને શિકાગોની વિશ્વ ધર્મસભા વિશેની સૌપ્રથમ વખત માહિતી ગુજરાતમાં મળી. અહીંથી જ તેમને સનાતન ધર્મનો પ્રચાર કરવા માટે વિદેશ જવાની પ્રેરણા મળી. જે જ્ઞાનગંગા સ્વામીજીએ વિદેશી ધરતી પર વહેડાવી તેની તૈયારી પણ સ્વામીજીએ અહીં ગુજરાતમાં કરી હતી. ઈ.સ. 1891 માં સપ્ટેમ્બર મહિનામાં સ્વામી વિવેકાનંદજી અજમેરથી અમદાવાદ આવ્યા. ત્યાં અમદાવાદના સબ જજ શ્રી લાલશંકર ઉમિયાશંકર ત્રવાડીનું આતિથ્ય સ્વીકારી થોડા દિવસો પછી વઢવાણ ગયા. ત્યાં રાણકદેવીના દર્શન કરી લીંબડી પહોંચ્યા. અહીં લીંબડીના ઠાકોર શ્રી યશવંતસિંહજીએ તેમની બુરી મુરાદવાળા તાંત્રિક સાધુઓથી રક્ષા કરી.

ત્યાંથી ભાવનગર, જૂનાગઢ, પોરબંદર, દ્વારકા, સોમનાથ, ભુજ, માંડવી, નારાયણ સરોવર, આશાપુરા માતાનો મઢ, પાલીતાણા, નડિયાદ થઈ વડોદરા પહોંચ્યા. ત્યાં તેઓ વડોદરાના દિવાન મણીભાઈ જશભાઈના અતિથિરૂપે દિલરામ બંગલોમાં રહ્યા અને ત્યાંથી 26 એપ્રિલ, 1892 ના રોજ મુંબઈ જવા રવાના થયા. ગુજરાત માટે ગૌરવની વાત છે કે અહીં સ્વામી વિવેકાનંદજીના ત્રણ સ્મૃતિ મંદિરો છે. લીંબડીમાં જે ઐતિહાસિક રાજમહેલમાં સ્વામીજી રહ્યા હતા તે ઠાકોર સાહેબના વંશજોએ ઇ.સ. 1971 માં શ્રીરામકૃષ્ણ પ્રાર્થના મંદિરને સ્મૃતિ મંદિર બનાવવા ભેટરૂપે આપી દીધો, જે પછીથી તેઓએ રામકૃષ્ણ મિશનને સોંપી દીધો. જે ઐતિહાસિક ભોજેશ્વર બંગલામાં સ્વામીજી પોરબંદરના એડમિનિસ્ટ્રેટર શંકર પાંડુરંગ પંડિતના અતિથિરૂપે લાંબાગાળા સુધી રહ્યા હતા,

તે બંગલો ગુજરાત સરકારે રામકૃષ્ણ મિશનને 30 વર્ષની લીઝ પેટે માત્ર એક રૂપિયો ટોકન રેન્ટ પર 12 મી જાન્યુઆરી 1997 ના રોજ સોંપી દીધો. જે ઐતિહાસિક દિલારામ બંગલામાં સ્વામીજી અતિથિ રૂપે રહ્યા હતા તે બંગલો પણ ગુજરાત સરકારે 30 વર્ષની લીઝ પર માત્ર એક રૂપિયા ટોકન રેન્ટ પર રામકૃષ્ણ મિશનને 18 એપ્રિલ, 2005 ના રોજ સોંપી દીધો. આમ ગુજરાતમાં અત્યારે સ્વામીજીના ત્રણ સ્મૃતિ મંદિરો છે. આ સિવાય થોડા સ્થળો એવા છે જે સ્વામીજીની ચરણરજથી પાવન થયેલ છે. ત્યાં પણ સ્મૃતિ મંદિરો બનાવવાની શક્યતા છે. આથી અમે ગુજરાત સરકારને સ્વામી વિવેકાનંદ ટુરિસ્ટ સર્કિટ પ્રારંભ કરવા વિનંતી કરી છે. તેની પૂર્વ તૈયારીના ભાગરૂપે પ્રાયોગિક ધોરણે રામકૃષ્ણ મિશનના સંન્યાસીઓ માટે આ ગુજરાત તીર્થયાત્રાનું આયોજન થયું છે.

સ્વામી નિખિલેશ્વરાનંદજી અધ્યક્ષ: રામકૃષ્ણ આશ્રમ રાજકોટ

Related News

ભરઉનાળે નદીમાં ઘોડાપુર : સૌરાષ્ટ્રમાં કમોસમી વરસાદનો માર : હજુ બે દિવસ માવઠાની આગાહી

ભરઉનાળે નદીમાં ઘોડાપુર : સૌરાષ્ટ્રમાં કમોસમી વરસાદનો માર : હજુ બે દિવસ... 22 March 2023 11:50 AM

ચૈત્રી નવરાત્રીનો પ્રારંભ : મંદિરોમાં ઠેર-ઠેર ભાવિકોની ભીડ

ચૈત્રી નવરાત્રીનો પ્રારંભ : મંદિરોમાં ઠેર-ઠેર ભાવિકોની ભીડ 22 March 2023 11:31 AM

સૌરાષ્ટ્રના કુખ્યાત બૂટલેગર ધીરેન કારિયા-બાટલી બાપુએ મંગાવેલો વિદેશી દારૂ કાગવડ પાસેથી પકડાયો

સૌરાષ્ટ્રના કુખ્યાત બૂટલેગર ધીરેન કારિયા-બાટલી બાપુએ મંગાવેલો વિદેશી દારૂ કાગવડ પાસેથી પકડાયો 22 March 2023 10:50 AM

પાંચ ઑક્ટોબરથી વર્લ્ડકપ: અમદાવાદમાં ફાઈનલ: 48 મેચ માટે રાજકોટ સહિત 12 શહેરો શૉર્ટલિસ્ટ

પાંચ ઑક્ટોબરથી વર્લ્ડકપ: અમદાવાદમાં ફાઈનલ: 48 મેચ માટે રાજકોટ સહિત 12 શહેરો... 22 March 2023 09:53 AM

ભારતમાં વનડે ક્રિકેટ વર્લ્ડ કપ 5 ઓક્ટોબરથી 19 નવેમ્બર દરમિયાન યોજાશે, ફાઈનલ અમદાવાદમાં રમાશે : રાજકોટમાં મેચ રમાવાની શક્યતા, ગ્રાઉન્ડ શોર્ટલિસ્ટ

ભારતમાં વનડે ક્રિકેટ વર્લ્ડ કપ 5 ઓક્ટોબરથી 19 નવેમ્બર દરમિયાન યોજાશે, ફાઈનલ... 21 March 2023 11:24 PM

રાજકોટ : વાવડી ગ્રામ પંચાયત કચેરીમાંથી મહત્વના દસ્તાવેજો ગુમ થવાનાં પ્રકરણમાં રેવન્યુ તલાટીને સસ્પેન્ડ કરતાં કલેકટર, મામલતદારને નોટિસ ફટકારી

રાજકોટ : વાવડી ગ્રામ પંચાયત કચેરીમાંથી મહત્વના દસ્તાવેજો ગુમ થવાનાં પ્રકરણમાં રેવન્યુ... 21 March 2023 11:05 PM

ઉપલેટામાં ધો.12ની પરીક્ષામાં ગેરરીતિ કરતી વિદ્યાર્થિની ઝડપાઈ

ઉપલેટામાં ધો.12ની પરીક્ષામાં ગેરરીતિ કરતી વિદ્યાર્થિની ઝડપાઈ 21 March 2023 10:06 PM

રાજકોટમાં ભૂગર્ભ ગટરમાં સફાઈ કરવા ઉતરેલા બે કર્મચારીઓના મોત

રાજકોટમાં ભૂગર્ભ ગટરમાં સફાઈ કરવા ઉતરેલા બે કર્મચારીઓના મોત 21 March 2023 07:42 PM

છરીથી હુમલો કર્યાના ગુનામાં આરોપીનો નિર્દોષ છુટકારો

છરીથી હુમલો કર્યાના ગુનામાં આરોપીનો નિર્દોષ છુટકારો 21 March 2023 05:54 PM

બાળકની વચગાળાની કસ્ટડી મેળવવા પિતાએ કરેલી અરજી નામંજૂર

બાળકની વચગાળાની કસ્ટડી મેળવવા પિતાએ કરેલી અરજી નામંજૂર 21 March 2023 05:53 PM

Politics

આજે ભાજપના સાંસદોની દિલ્હીમાં ખાસ બેઠક: અનેક ‘રણનીતિ’ પર ચર્ચા સંભવ

આજે ભાજપના સાંસદોની દિલ્હીમાં ખાસ બેઠક: અનેક ‘રણનીતિ’ પર ચર્ચા સંભવ

21 March 2023 05:22 PM
ભાજપ વિશ્વનો સૌથી મહત્વનો રાજકીય પક્ષ: વોલસ્ટ્રીટ જર્નલ

ભાજપ વિશ્વનો સૌથી મહત્વનો રાજકીય પક્ષ: વોલસ્ટ્રીટ જર્નલ

21 March 2023 04:49 PM
દિલ્હીનું બજેટ રજૂ કરવા આખરે કેજરીવાલ સરકારને મંજુરી

દિલ્હીનું બજેટ રજૂ કરવા આખરે કેજરીવાલ સરકારને મંજુરી

21 March 2023 03:48 PM
મોદી એ ‘ભારત’ નથી: માફી તો નહીં જ માંગુ: રાહુલ ગાંધીનો વળતો જવાબ

મોદી એ ‘ભારત’ નથી: માફી તો નહીં જ માંગુ: રાહુલ ગાંધીનો વળતો જવાબ

21 March 2023 01:52 PM
રાહુલ ગાંધીની સરખામણી મીર જાફર સાથે કરતો ભાજપ: માફી તો માંગવી જ પડશે

રાહુલ ગાંધીની સરખામણી મીર જાફર સાથે કરતો ભાજપ: માફી તો માંગવી જ પડશે

21 March 2023 01:49 PM

Entertainment

રણવીરસિંઘ નંબર વન બ્રાન્ડ સેલીબ્રીટી: વિરાટ બીજા ક્રમે ધકેલાયો

રણવીરસિંઘ નંબર વન બ્રાન્ડ સેલીબ્રીટી: વિરાટ બીજા ક્રમે ધકેલાયો

22 March 2023 11:27 AM
સતીષના મોતને લઈ અફવાથી દૂર રહી તેના મૃત્યુની ગરિમા જાળવો: અનુપમ ખેર

સતીષના મોતને લઈ અફવાથી દૂર રહી તેના મૃત્યુની ગરિમા જાળવો: અનુપમ ખેર

21 March 2023 04:42 PM
હવે હું ઠીક છું: અમિતાભ બચ્ચને પોસ્ટ શેર કરીને જાણકારી આપી

હવે હું ઠીક છું: અમિતાભ બચ્ચને પોસ્ટ શેર કરીને જાણકારી આપી

21 March 2023 04:41 PM
મોતની ધમકીઓને પગલે સલમાનખાનના નિવાસે સુરક્ષા વધારાઈ

મોતની ધમકીઓને પગલે સલમાનખાનના નિવાસે સુરક્ષા વધારાઈ

21 March 2023 04:40 PM
આવતીકાલથી ઓટીટી પ્લેટફોર્મ પર ધૂમ મચાવશે ‘પઠાન’

આવતીકાલથી ઓટીટી પ્લેટફોર્મ પર ધૂમ મચાવશે ‘પઠાન’

21 March 2023 04:39 PM
Advertisement

Recent News

Advertisement

Saurashtra News

Advertisement

Gujarat News