આલેલે...રાજસ્થાનમાં વિશાળ જનરલ સ્ટોર ધરાવતાં વેપારીએ ફ્લાઈટમાંથી રાજકોટના આર્કિટેક્ટનો આઈફોન ચોરી લીધો !
ચોરીની ફરિયાદ નોંધાતાં જ તમામ પેસેન્જરોનું લિસ્ટ મેળવ્યું, જો કે તેમાં સફળતા નહીં મળતાં લોકેશન કઢાવતાં ફોન ગાંધીગ્રામમાં પડ્યો હોવાનું ખુલતાં ક્રાઈમ બ્રાન્ચે અનેક શેરીઓ ખુંદી નાખ્યા બાદ ‘કોરોના ટેસ્ટીંગ ટીમ’ બનીને વેપારીને પકડ્યો
રાજકોટ, તા.17
સામાન્ય રીતે ટ્રેન-બસ કે અન્ય વાહનમાંથી મોબાઈલ ફોનની ચોરી થયાના અનેક કિસ્સાઓ પ્રકાશમાં આવી ગયા હશે પરંતુ ફ્લાઈટમાંથી મોબાઈલની ચોરી થાય એટલે સનસનાટી મચી જવી સ્વાભાવિક છે. આવો જ એક કિસ્સો ગત 10 માર્ચે એર ઈન્ડિયાની ફ્લાઈટમાં દિલ્હીથી રાજકોટ આવેલા આર્કિટેક્ટ સાથે બન્યો હતો.
પ્લેન લેન્ડીંગ થતાં તેના વાયબ્રેશનન કારણે રાજકોટમાં રહેતા આર્કિટેક્ટનો આઈફોન નીચે પડી ગયો હતો જે ઘણો બધો શોધવા છતાં નહીં મળતાં આ અંગેની પોલીસ ફરિયાદ નોંધાઈ હતી. બીજી બાજુ ફ્લાઈટમાંથી મોબાઈલની ચોરી થતાં ખુદ પોલીસ કમિશનર પણ ચોંકી ઉઠ્યા હતા અને તેમણે આ મોબાઈલ શોધવા માટે ક્રાઈમ બ્રાન્ચને દોડાવી હતી. ક્રાઈમ બ્રાન્ચે તાત્કાલિક એક્શનમાં આવી જઈને ફોનની શોધખોળ શરૂ કરી દેતાં તેમાં સફળતા સાંપડી જ છે સાથે સાથે રાજસ્થાનમાં વિશાળ જનરલ સ્ટોર ધરાવતો વેપારી પણ પકડાઈ ગયો છે.
આ અંગે વધુમાં જાણવા મળતી વિગતો પ્રમાણે મોટામવામાં અર્જુન પાર્ટીપ્લોટ પાસે આવેલા સવન સ્ટેટસ ફ્લેટ નં.601માં રહેતા અને વ્યવસાયે આર્કિટેક્ટ એવા ભાર્ગવ મનસુખભાઈ કોટડિયા (ઉ.વ.31)એ ગાંધીગ્રામ પોલીસ મથકમાં નોંધાવેલી ફરિયાદમાં જણાવ્યું હતું કે ગત તા.10-3-2023ના રોજ સાંજે પાંચ વાગ્યા આસપાસ તેઓ દિલ્હીથી એર ઈન્ડિયાની ફ્લાઈટમાં રાજકોટ આવી રહ્યા હતા.
ત્યારે તેમણે પોતાનો ફોન બન્ને પગ વચ્ચે સીટ ઉપર રાખ્યો હતો. સાંજે સાતેક વાગ્યા આસપાસ ફ્લાઈટ રાજકોટ એરપોર્ટ ઉપર લેન્ડ થતી હતી ત્યારે લેન્ડીંગ દરમિયાન ફ્લાઈટમાં થયેલા વાયબ્રેશનના કારણે ફોન સીટ પરથી નીચે કાર્પેટ ઉપર પડી ગયો હતો જેથી તેઓ ફોન લેવા ઉભા થતાં એર હોસ્ટેસે તેમને બેસી જવા કહ્યું હતું કેમ કે ફ્લાઈટ લેન્ડ થઈ હતી. આ પછી ફ્લાઈટ લેન્ડ થઈ ગયા બાદ ફોનની શોધખોળ શરૂ કરતાં મળી આવ્યો નહોતો જેથી ફોન ચોરાઈ ગયો હોવાનું ખુલ્યું હતું.
આ ઘટનાની ફરિયાદ નોંધાતાં ક્રાઈમ બ્રાન્ચ એક્શનમાં આવી ગઈ હતી અને પીએસઆઈ એ.એસ.ગરચર, હેડ કોન્સ્ટેબલ દીપકભાઈ ચૌહાણ તેમજ એભલભાઈ બરાલિયા સહિતના સ્ટાફે શોધખોળ શરૂ કરી દીધી હતી. સૌથી પહેલાં ક્રાઈમ બ્રાન્ચે એર ઈન્ડિયાની ફ્લાઈટમાં આવેલા તમામ મુસાફરોનું લિસ્ટ મેળવ્યું હતું. જો કે તેમાં ધારી સફળતા નહીં મળતાં તેમણે ખોવાઈ ગયેલા આઈફોનનું લોકેશન ટ્રેસ કરાવ્યું હતું. સદ્ભાગ્યે આઈફોન સ્વિચ ઑફ થયા બાદ 24 કલાક સુધી તેનું લોકેશન ટ્રેસ થઈ શકતું હોવાથી તેને ટ્રેસિંગ કરાતાં જ આ ફોન ગાંધીગ્રામમાં પડ્યો હોવાનું ખુલ્યું હતું.
આ પછી ક્રાઈમ બ્રાન્ચની ટીમે ગાંધીગ્રામ વિસ્તાર ખુંદવાનું શરૂ કર્યું હતું. અંદાજે ચારેક શેરીમાં તલાશી લીધા બાદ ફોનનું લોકેશન જ્યાંનું મળી આવ્યું હતું તે મકાન મળતું નહોતું. આ પછી હનુમાન મઢી પાસે રાજહંસ સોસાયટી શેરી નં.4માં આવેલા મારૂતિ મકાનમાં પોલીસ પહોંચી જ્યાં ફોન પડ્યાનું સામે આવ્યું હતું. અહીં પૂછપરછ કરતાં રાજસ્થાનથી કોઈ વ્યક્તિ અહીં આવ્યાનું કહેવાતાં જ પોલીસની શંકા દૃઢ બની ગઈ હતી.
જો કે ફોન લઈ લેનાર વ્યક્તિ હાજર ન હોવાથી પોલીસે પોતે કોરોના ટેસ્ટીંગ માટે આવી હોવાનું કહી ગેરહાજર વ્યક્તિ આવે ત્યારે તેમને ફોન કરવા માટે કહ્યું હતું. જેવી રાજસ્થાનની વ્યક્તિ આવી કે તુરંત જ પોલીસને ફોન આવ્યો હતો અને પોલીસે દોડી જઈને મુળ રાજસ્થાની એવા નિર્મલકુમાર રાધેશ્યામ ગુપ્તા (ઉ.વ.56)ને પકડી લીધા હતા અને તેમના કબજામાંથી મોબાઈલ કબજે કર્યો હતો.
પૂછપરછમાં નિર્મલકુમારે જણાવ્યું કે તેમના જમાઈ ઉપરોક્ત વિસ્તારમાં રહે છે અને તેણે તેમને અહીં સાસણ-ગીરની સહેલગાહ માણવા માટે બોલાવ્યા હોવાથી તેઓ ફ્લાઈટ મારફતે રાજકોટ આવ્યા હતા. જો કે આ ફોન તેમણે નહીં બલ્કે તેમની સાથે રહેલા બાળકોએ બેગમાં મુક્યો હોવાની કબૂલાત તેમણે આપી હતી.
Related News
દુધસાગર રોડ પર વરલીના આંકડા લેતા કામરાન અને આરીફ ઝડપાયા 10 June 2023 05:39 PM
MTV હોટેલમાં તસ્કરો ત્રાટકયા: ડીજે ઓપરેટીંગ મશીનની ચોરી 10 June 2023 05:37 PM
નિસાન કાર્ગોનાં શો રૂમનું ડિરેકટર અમિત માગૂનાં હસ્તે ઉદ્ઘાટન 10 June 2023 05:36 PM
કાલે ડો. અજયસિંહની ‘ઓમ હોમીયોપેથીક કલીનીક’ અને એડવોકેટ જયદેવસિંહના ‘ઝાલા લો ફર્મ’નું... 10 June 2023 05:35 PM
રાજકોટ શહેરમાં દર વર્ષે સરેરાશ 110થી વધુ ચક્ષુદાનનો સ્વીકાર 10 June 2023 05:32 PM
સંભવિત વાવાઝોડાની અસરને પહોંચી વળવા ભાવનગર જિલ્લા વહીવટી તંત્ર સજ્જ 10 June 2023 05:27 PM
ઇનોવા કારમાંથી દારૂની 252 બોટલ મળી : ચાલક ભાગી છુટવામાં સફળ 10 June 2023 05:26 PM
જન્માષ્ટમીના લોકમેળાના આકર્ષક શીર્ષક માટે નગરજનો પાસેથી મંગાવાતી એન્ટ્રી 10 June 2023 05:25 PM
કલેકટર કચેરીમાં તા.17ના યોજાશે ફરિયાદ સંકલન સમિતીની બેઠક 10 June 2023 05:23 PM
Recent News
શહેરમાં કોન્ટ્રાક્ટ એજન્સીને ભ્રષ્ટાચાર કરવાની તક ન મળતા બ્રિજનું કામ બંધ કર્યું... 10 June 2023 06:48 PM
બિપોરજોયના ખતરાને લઈ વડોદરાથી એનડીઆરએફની બે ટીમો પોરબંદર, ગીર-સોમનાથ અને વલસાડ જવા... 10 June 2023 06:47 PM
રાજુલામાં ગેરકાયદેસર રીતે ગેસ ફીલિંગ કરવાનું કૌભાંડ ઝડપાયું : પોલીસે એકને દબોચ્યો... 10 June 2023 06:47 PM
બિપરજોય વવાઝોડાનાં પગલે પીજીવીસીએલ તંત્ર એક્શન મોડમાં : મેન પાવર, મટીરીયલની આગોતરી... 10 June 2023 06:46 PM
પાર્ટીનો કોઈપણ કાર્યકર પોતાની સાથે હથિયાર ન રાખે તે માટે સુચના અપાઈ... 10 June 2023 06:45 PM
Saurashtra News
સીંગતેલ-કપાસીયાતેલમાં ફરી તેજી: રૂા.10-10નો ભાવવધારો 10 June 2023 04:07 PM
પોરબંદરમાંથી IS મોડ્યુલનો પર્દાફાશ: એક મહિલા સહિત ચાર ઝબ્બે: ગુજરાત ATSનું ઓપરેશન 10 June 2023 04:03 PM
ગિરનાર રોપ-વે, ફેરી સર્વિસ બંધ : સૌરાષ્ટ્રમાં તમામ તંત્ર એલર્ટ 10 June 2023 12:35 PM
Gujarat News
મુખ્યમંત્રી તા.12 થી 14 જુન ગાંધીનગરમાં મળી શકશે નહીં 10 June 2023 04:35 PM
પોરબંદરમાંથી IS મોડ્યુલનો પર્દાફાશ: એક મહિલા સહિત ચાર ઝબ્બે: ગુજરાત ATSનું ઓપરેશન 10 June 2023 04:03 PM
મેડીકલ પ્રવેશ માટે હવે નીટ સાથે ધો.12 પાસ હોવું આવશ્યક 10 June 2023 03:22 PM
‘બિપોરજોય’વાવાઝોડાએ રફતાર પકડી:પોરબંદરથી 640 કીમી દુર: વધુ ‘તાકાતવર’ બન્યુ 10 June 2023 12:30 PM
સૌરાષ્ટ્રનાં કાંઠાળ ભાગોમાં તોફાની પવન સાથે વરસાદ પડશે: મુખ્યમંત્રીએ સમીક્ષા બેઠક યોજી 10 June 2023 12:23 PM
Thank You!
Your submission is received and we will contact you soon