પતિ મારામારીના ગુનામાં જેલમાં ગયો’ને પત્નીએ દારૂ વેચવાનું શરૂ કર્યું: 600 બોટલ સાથે પકડાઈ
નવલનગર પાસે ક્રાઈમ બ્રાન્ચે દરોડો પાડી સપના ડાંગરને વિદેશી દારૂ સાથે પકડી પાડી: ભાડાની ઓરડી રાખી તેમાં છુપાવ્યો’તો દારૂ
રાજકોટ, તા.24
રાજકોટમાં દારૂ વેચાણના દૂષણને ડામી દેવા માટે પોલીસે ધડાધડ દરોડા પાડવાનું શરૂ કર્યું છે જેના કારણે બૂટલેગરોમાં રીતસરનો ફફડાટ ફેલાઈ જવા પામ્યો છે. સામાન્ય રીતે દારૂનું વેચાણ કરતાં લગભગ દરેક વખતે પુરુષ બૂટલેગરો જ પકડાતા હોય છે પરંતુ ક્રાઈમ બ્રાન્ચે નવલનગરમાં દરોડો પાડીને મહિલાને દારૂના જથ્થા સાથે પકડી પાડતાં ચકચાર મચી જવા પામી છે. દારૂ સાથે પકડાયેલી મહિલાનો પતિ મારામારીના ગુનામાં જેલમાં ગયા બાદ પત્નીએ દારૂ વેચાણ સંભાળી લીધું હોવાનું તપાસમાં ખુલ્યું છે.
આ અંગે વધુમાં જાણવા મળતી વિગતો પ્રમાણે ક્રાઈમ બ્રાન્ચ પીઆઈ બી.ટી.ગોહિલના માર્ગદર્શન હેઠળ એએસઆઈ રાજદીપસિંહ ગોહિલ, હેડ કોન્સ્ટેબલ ડી.ડી.જાડેજા, કોન્સ્ટેબલ રણજીતસિંહ જાડેજા, ક્રિપાલસિંહ ગોહિલ સહિતના સ્ટાફે બાતમીના આધારે નવલનગર વિસ્તારમાં આવેલી શ્રીનાથજી સોસાયટી શેરી નં.6માં આવેલી ઓરડીમાં દરોડો પાડતાં ત્યાંથી વિદેશી દારૂની અલગ-અલગ બ્રાન્ડની 600 બોટલ મળી આવી હતી. તપાસ કરતા આ દારૂ સપનાબેન ધવલભાઈ ડાંગરનો હોવાનું ખુલતાં તેની ધરપકડ કરવામાં આવી હતી.
ધરપકડ બાદ સપના ડાંગરની પૂછપરછ કરવામાં આવતાં તેનો પતિ ધવલ થોડા સમય પહેલાં જ મારામારીના ગુનામાં જેલમાં ગયો હોય દારૂ વેચાણનું કામ તેણે સંભાળી લીધું હતું. જો કે જેલમાં જતા પહેલાં તે અને તેનો પતિ ધવલ બન્ને દારૂનું વેચાણ કરી રહ્યા હતા. પોલીસ તપાસમાં એવું પણ ખુલ્યું છે કે સપના સામે આ અગાઉ ક્રાઈમ બ્રાન્ચમાં જ દારૂની હેરાફેરીનો ગુનો નોંધાયો હોવાનું ખુલ્યું છે. ક્રાઈમ બ્રાન્ચે સપનાની ધરપકડ કરી તે દારૂનો આ જથ્થો ક્યાંથી લાવી હતી અને કેટલા સમયથી તેનું વેચાણ કરી રહી હતી તે સહિતની દિશામાં તપાસ શરૂ કરી છે.
હત્યાના ગુનામાં જામીન પર છૂટ્યા બાદ વકીલની ફી ચૂકવવા માટે દારૂ વેચવાનું શરૂ કરનારો શખ્સ 168 બોટલ સાથે પકડાયો
ક્રાઈમ બ્રાન્ચ પીઆઈ બી.ટી.ગોહિલ, કોન્સ્ટેબલ રોહિતભાઈ કછોટ તેમજ સહદેવસિંહ જાડેજા સહિતના સ્ટાફે થોરાળા પોલીસ મથકમાં 2019માં હત્યાના ગુનામાં જેલમાં ગયા બાદ ત્યાંથી આવીને તુરંત જ દારૂ વેચાણ શરૂ કરી દેનારા જયસુખ પુનાભાઈ રાઠોડ (ઉ.વ.38)ને મારૂતિ ઈકો કારમાં દારૂની 168 બોટલ સાથે આજીડેમ ચોકડી નીજક એચ.પી.પેટ્રોલ પંપ પાસેથી પકડી પાડ્યો હતો.
પોલીસ તપાસમાં ખુલ્યા પ્રમાણે જયસુખ હત્યાના ગુનામાં પકડાયા બાદ જામીન ઉપર છૂટ્યો હતો. જો કે કેસ ચાલું હોવાથી વકીલને ચૂકવવા માટેની ફીના પૈસા ન હોય તેનો ખર્ચ કાઢવા માટે તેણે દારૂનું વેચાણ શરૂ કર્યું હોવાનું ખુલ્યું છે. આ માટે તે પોતાની ગાડીમાં જ દારૂની હેરાફેરી કરી રહ્યો હોવાની કબૂલાત આપી છે.
Related News
THE SHINE JOB.COM પર ઓનલાઈન જોબ આપવાના બહાને રૂ।.43 હજારની છેતરપીંડી 08 June 2023 05:49 PM
લક્ષ્મીનગરમાંથી 10 વર્ષનો બાળક ગુમ: અપહરણની ફરિયાદ નોંધાઇ 08 June 2023 05:46 PM
હવે રાજકોટ મ્યુ. કોર્પો. અને જિલ્લાના છ નગરપાલિકા વિસ્તારમાં જંત્રી રી-સર્વે: સાંજે... 08 June 2023 05:45 PM
કલેકટર કચેરીમાં લેન્ડગ્રેબીંગની 400 અરજીઓનો ભરાવો: હવેથી દર 15-15 દિ’એ યોજાશે બેઠક 08 June 2023 05:43 PM
ચાર દિ’માં સવા કરોડની વિજચોરી : નાના-મોટા મવા, વાવડીમાં વિજ દરોડા 08 June 2023 05:39 PM
રાજકોટમાં માલની ખરીદી સામે આપેલ ચેક ડિસઓનર થતા આરોપીને એક વર્ષની સજા 08 June 2023 05:30 PM
’તારા ઘર પાસેથી નીકળીએ ત્યારે કાતર કેમ મારે છે’ કહી બે યુવક... 08 June 2023 05:29 PM
સોરઠીયા પ્લોટમાં ઝઘડો ન કરવાનું કહેતા છરીથી હુમલો 08 June 2023 05:28 PM
પડધરીના ખાખડાબેલામાંથી દારૂની 15 બોટલ સાથે મનોજ જાડેજા ઝડપાયો 08 June 2023 05:27 PM
Recent News
ચોમાસું નજીક આવતા જિલ્લા વહીવટી તંત્ર સજ્જ : જિલ્લા કલેકટર પ્રભવ જોશીએ... 08 June 2023 07:09 PM
શહેરના હીરાસર એરપોર્ટને લઈને જિલ્લા કલેકટર પ્રભવ જોશીનું મહત્વનું નિવેદન...જુઓ વિડિઓ... 08 June 2023 06:49 PM
દ્વારકાના ગોમતી ઘાટ પર બે યુવાનો તણાયા : એકનો બચાવ : અન્ય... 08 June 2023 06:47 PM
વિશ્વ મહાસાગર દિવસ : જામનગરનો મરીન નેશનલપાર્ક દરિયાઈ જીવસૃષ્ટિના મહત્વ, રક્ષણ અને... 08 June 2023 06:46 PM
Saurashtra News
અગ્રણીઓની ગુફતેગુ 08 June 2023 05:18 PM
મહા-મેદની વચ્ચે આરોગ્ય સેવાના યજ્ઞમાં નવી કેન્સર હોસ્પિટલ અને મેડિકલ કોલેજ બનાવવા... 08 June 2023 04:59 PM
‘બોઘરાજી તુસી છા ગયે’ સેલ્ફી લેવા પડાપડી 08 June 2023 04:57 PM
જીલ્લા ભાજપનું નવું માળખું 10 દિવસમાં; યુવા વર્ગને પ્રાધાન્ય 08 June 2023 04:50 PM
ડો.ભરતભાઈ બોઘરાના પિતા ખોડાભાઈએ ઓડિયન્સમાં બેસીને જ કાર્યક્રમ માણ્યો 08 June 2023 01:04 PM
Gujarat News
પાંચ વર્ષથી પડતર ખાતાકીય તપાસના 1725 કેસોનો એક માસમાં નિકાલ કરવા આદેશ 08 June 2023 05:00 PM
ગુજરાતમાં પાટીલ ‘મીશન મોડ’માં : કોંગ્રેસને વધુ તોડશે : આગામી માસથી સૌરાષ્ટ્રમાં... 08 June 2023 04:48 PM
વાયબ્રન્ટ પૂર્વે ધોલેરા સ્પેશ્યલ ઇકોનોમી રીજ્યોન (સર) પુરૂ કરવાની જવાબદારી વિજય નહેરાને 08 June 2023 04:44 PM
માર્ગ-મકાન વિભાગ દ્વારા રાજયનાં 35 હજારથી વધુ પુલોનું સર્વેક્ષણ કરાયું 08 June 2023 04:40 PM
કોંગ્રેસના પ્રદેશ નેતાઓ દિલ્હી: ગ્યાસુદીનના ‘ટવીટ’થી ગરમાવો 08 June 2023 04:02 PM
Thank You!
Your submission is received and we will contact you soon