હેલ્થ પરમીટ પર એક યુનિટે લેવાતો પાંચ હજારનો ચાંદલો રદ્દ કરો: તંત્ર સામે બાંયો ચડાવતાં ધારકો
રવિવારે તમામ પરમીટ ધારકોની બોલાવાયેલી બેઠક: યુનિટદીઠ પાંચ હજારની ફી એ દાન સ્વરૂપે લેવામાં આવતી હોવાથી ‘પરાણે’ લેવાનો શું મતલબ ? રાજ્યમાં ક્યાંય પણ આટલો દર ન હોવા છતાં રાજકોટમાં જ શા માટે વસૂલાય છે ? પરમીટધારકો કરશે લડતના મંડાણ: ઉંચા દરને કારણે બે વર્ષથી અનેક પરમીટ રિન્યુ-ઈશ્યુના વાંકે પેન્ડીંગ પડી હોવાનો દાવો
રાજકોટ, તા.31 : રાજકોટમાં મોટી સંખ્યામાં એવા લોકો છે જેઓ હેલ્થ પરમીટ મતલબ કે સ્વાસ્થ્ય કારણોસર લીકર (દારૂ)નું સેવન કરવાનો પરવાનો ધરાવે છે. અંદાજે ત્રણ વર્ષ પહેલાં પરમીટ રિન્યુ-ઈશ્યુની પ્રક્રિયા બરાબર ચાલી રહી હતી પરંતુ અચાનક જ રોગી કલ્યાણ સમિતિ દ્વારા દરેક પરમીટ ધારકો પાસેથી યુનિટદીઠ રૂા.પાંચ હજારનું દાન લેવાનું શરૂ કરવામાં આવતાં હોબાળો મચી ગયો હતો. હજુ સુધી આ દરમાં કોઈ જ પ્રકારનો ઘટાડો કરવામાં આવ્યો ન હોવાથી હવે પરમીટ ધારકોએ તંત્ર સામે બાંયો ચડાવવાનું શરૂ કર્યું છે. આ માટે રવિવારે શહેરના તમામ પરમીટધારકોની એક બેઠક બોલાવવામાં આવી છે જેમાં લડત અંગે રણનીતિ ઘડવામાં આવશે.
આ અંગે રાજુભાઈ ગોહેલ નામના પરમીટધારકે ‘સાંજ સમાચાર’ સાથેની વાતચીતમાં જણાવ્યું હતું કે આખા રાજ્યમાં એકમાત્ર રાજકોટ જિલ્લામાં છેલ્લા બે વર્ષથી હેલ્થ પરમીટ કઢાવવા માંગતા અને જૂની પરમીટ રિન્યુ કરાવવા માંગતા અરજદારો પાસે સિવિલ હોસ્પિટલમાં ડોનેશનના નામે ઉઘાડી લૂંટ ચલાવવામાં આવી રહી છે જેના પરિણામે હજારો પરમીટ ધારકોની પરમીટ રિન્યુ કરાવવાની બાકી છે અને નવા અરજદારોને એક પરમીટ કઢાવવા પાછળ 80,000થી એક લાખનો ખર્ચ થઈ રહ્યો છે. રાજ્યના અન્ય જિલ્લાઓની સરકારી હોસ્પિટલમાં આ પ્રમાણે ડોનેશનની લૂંટ ચલાવવામાં આવતી નથી. બીજી મહત્ત્વની બાબત એ છે કે ડોનેશન એ દાતાએ પોતાની ઈચ્છા પ્રમાણે આપવાનું હોય છે
તેના માટે સરકારી તંત્ર ‘ધરાર’ ફરજ પાડી શકે નહીં આમ છતાં સિવિલ હોસ્પિટલના તંત્ર દ્વારા પરમીટ ધારકો પાસે તમામ નીતિ-નિયમો નેવે મુકી ડોનેશનના નામે લૂંટ ચલાવવામાં આવી રહી છે ત્યારે તેનો વિરોધ કરવા માટે એક મહત્ત્વની બેઠક 2 એપ્રિલને રવિવારે ટોપાઝ આર્કેડમાં બોલાવવામાં આવી છે. આ બેઠકનો પ્રારંભ સવારે 10:30 વાગ્યાથી શરૂ થઈ જશે જેમાં આગળની લડત અંગેના નિર્ણયો લેવામાં આવશે. તેમણે વધુમાં જણાવ્યું કે પરમીટ ઉપરનો દર ઘટાડવા માટે સિવિલ હોસ્પિટલમાં અનેક વખત રજૂઆત કરવામાં આવી પરંતુ ત્યાંથી ‘થોડો સમય ખમી જાવ’ તેવા જ જવાબો મળી રહ્યા હોવાથી હવે આ મામલે લડત કરવા માટે મજબૂર બનવું પડી રહ્યું છે.
રોગી કલ્યાણ સમિતિમાં ત્રણ વર્ષમાં કેટલું ફંડ જમા થયું, પૈસાનો ક્યાં ઉપયોગ થયો ? સિવિલ સર્જન પાસે ‘હિસાબ’ માંગતાં ધારાસભ્ય
દરમિયાન આજે રોગી કલ્યાણ સમિતિમાં ત્રણ વર્ષની અંદર હેલ્થ પરમીટના નામે કેટલા રૂપિયાનું ફંડ જમા થયું છે, આ પૈસાનો ઉપયોગ ક્યાં કરવામાં આવી રહ્યો છે, સમિતિમાં કોણ કોણ સભ્યો છે અને તેમાંથી એક્ટિવ કેટલા છે તે સહિતના મુદ્દે સિવિલ સર્જન ડૉ.આર.એસ.ત્રિવેદી પાસે ધારાસભ્ય ડૉ.દર્શિતાબેન શાહ દ્વારા હિસાબ માગવામાં આવ્યો છે. આ ઉપરાંત રોગી કલ્યાણ સમિતિની બેઠક મળી રહી નથી ત્યારે આ બેઠક પણ ઝડપથી મળે તે પ્રકારે કાર્યવાહી કરવા ધારાસભ્યએ આદેશ આપ્યો હોવાનું જાણવા મળી રહ્યું છે.
Related News
જેતલસર : કારમાં ૫૧૦ લીટર દેશી દારૂ ભરી નીકળેલ જૂનાગઢના બે શખ્સ... 27 May 2023 07:49 PM
ગુનેગારોથી એક ડગલું આગળ રહેશે પોલીસ: રાજકોટના ડીસીપી (ક્રાઈમ) સહિત રાજ્યના 6... 27 May 2023 06:11 PM
આરએસએસ કે બજરંગદળ પર પ્રતિબંધનો પ્રયાસ થશે તો કોંગ્રેસ રાખ બની જશે 27 May 2023 05:37 PM
કોરોના ઓલઆઉટ : સરકારે રોજેરોજ કેસ સહિતની માહિતીઓ જાહેર કરવાનું બંધ કર્યુ 27 May 2023 05:31 PM
રાજકોટમાં સતત બીજા દિવસે વાયુદેવનું આક્રમણ: પવનની ઝડપ 34 કી.મી. 27 May 2023 05:27 PM
માફીયા ડોન દાઉદ સર્બિયા પહોંચ્યો હતો : બિશ્ર્નોઇના ભાઇ અનમોલ સાથે બેઠક... 27 May 2023 05:25 PM
ક્ષત્રિય (રાજપુત) યુવાનો માટે સ્પર્ધાત્મક પરીક્ષા માટેનો માર્ગદર્શન સેમિનાર યોજાયો 27 May 2023 05:17 PM
સોસાયટીઓના રહિશોને વિશ્ર્વાસમાં લીધા વગર હલણનો રસ્તો બંધ કરી દેવાતા વિવાદ 27 May 2023 05:17 PM
વિશ્વ તમાકુ નિષેધ દિવસની રાજકોટમાં રાજયકક્ષાની ઉજવણી 27 May 2023 05:16 PM
Recent News
જેતલસર : કારમાં ૫૧૦ લીટર દેશી દારૂ ભરી નીકળેલ જૂનાગઢના બે શખ્સ... 27 May 2023 07:49 PM
પોતાના બીજા લગ્નને લઈને શું કહ્યું બોલીવુડ એક્ટર આશિષ વિદ્યાર્થીએ?..જુઓ વિડિઓ... 27 May 2023 06:38 PM
ગુનેગારોથી એક ડગલું આગળ રહેશે પોલીસ: રાજકોટના ડીસીપી (ક્રાઈમ) સહિત રાજ્યના 6... 27 May 2023 06:11 PM
Jharkhand: झारखंड में बिजली गिरने से 12 लोगों की मौत, जानिए क्यों... 27 May 2023 05:48 PM
Saurashtra News
જેતલસર : કારમાં ૫૧૦ લીટર દેશી દારૂ ભરી નીકળેલ જૂનાગઢના બે શખ્સ... 27 May 2023 07:49 PM
બાગેશ્વરધામ સેવા સમિતિનાં મધ્યસ્થ કાર્યાલયની મુલાકાત લેતા મેયર 27 May 2023 04:56 PM
ગુજરાતના અમુક ભાગોમાં હવામાન પલ્ટો : અમદાવાદમાં ઝાપટા વરસ્યા : તેજ પવન... 27 May 2023 11:34 AM
ગરમી ઘટી, પવનના સુસવાટા: આજે ફરી ગિરનાર રોપ-વે બંધ 27 May 2023 11:15 AM
Gujarat News
સુરતમાં ધીરેન્દ્ર શાસ્ત્રીના દિવ્ય દરબારમાં કીર્તિદાન ગઢવીએ જમાવટ કરી 27 May 2023 05:00 PM
ટેટ-1ની 85% અને ટેટ-2 ની 89% ઉમેદવારોએ આપી પરીક્ષા 27 May 2023 12:08 PM
ગુજરાતના અમુક ભાગોમાં હવામાન પલ્ટો : અમદાવાદમાં ઝાપટા વરસ્યા : તેજ પવન... 27 May 2023 11:34 AM
આગામી બે માસમાં ગુજરાતમાં પ્રારંભ થશે ઇ-વિધાનસભા 27 May 2023 11:22 AM
Thank You!
Your submission is received and we will contact you soon