બરવાળા તાલુકાનાં 9 ગામમાં એસ.ટી.બસ દોડાવવા ગ્રામજનોની માંગણી : વિદ્યાર્થીઓને અપડાઉનમાં મુશ્કેલી
4 ગામના લોકોને એસ.ટી. બસમાં બેસવા 2 કિ.મી. ચાલવું પડે છે
બોટાદ, તા.23 : બરવાળા તાલુકામા 24 ગામડાઓ આવેલા છે તેમા મોટા ભાગના ગામડાઓ હાઈવે રોડ ઉપર આવેલા છે જ્યારે હાઈવેથી અંદર આવેલ 50 ટકા ગામડાઓના લોકોએ પોતાના ગામમા આજ સુધી એસ.ટી. બસ જોઈ તેમને બહાર ગામ જવા માટે પ્રાઈવેટ વાહનોનો સહારો લેવો પડે છે ત્યારે સરકાર દ્વારા ગામડાના વિકાસના બણગા ફુકતી રહ્યા છે ત્યારે આ તાલુકાના ગામડા હજી અઢારમી સદીમા ચાલી રહી હોય તેવો અહેસાસ થઈ રહ્યો છે
બોટાદ જિલ્લાના બરવાળા તાલુકામા 24 ગામડાઓ અને 22 ગ્રામ પંચાયતો આવેલી છે તેમાથી 9 ગામના લોકોએ પોતાના ગામમા આજ દિન સુધી એસ.ટી.બસ જોઈ નથી જ્યારે 4 ગામમા દિવસ દરમીયાન માત્ર એક થી બે બસો આવે છે જ્યારે ત્રણ થી ચાર ગામડા ના લોકોને એસ.ટી.બસમા બેસવા માટે હાઈવે રોડ સુધી એક બે કિલોમીટર ચાલીને જવુ પડે છે. બરવાળા તાલુકાના 24 ગામડાઓ માથી 9 ગામો ચાચરીયા, ટીંબલા, અંકેવાળીયા, રામપરા, કાપડીયાળી, ઢાઢોદર, રેફડા, શાહપુર અને વાઢેળા આ ગામના લોકોએ આજ સુધી તેમના ગામોમા એસ.ટી. બસ આવતી જોઈ નથી આ ગામડાની વસ્તી એક ગામમા 7000 થી લઈને 10000 જેટલી છે
આટલી મોટી વસ્તી હોવા છતા આ ગામડાઓમા દિવસમા એક પણ બસ આવતી ન હોવાથી લોકોને પ્રાઈવેટ વાહનોમા મોસાફરી કરવી પડે છે. બરવાળા તાલુકાના જુના નાવડા ગામ કે જેની વસ્તી દશ હજારની છે તેની બાજુમા આવેલ નવા નાવડા અને ખમીદાણા ગામ આ બન્ને ગામની વસ્તી અનુક્રમે 2000 થી 3000 ની છે આ ત્રણેય ગામ બરવાળાથી 7 કિ.મીના અંતરે આવેલા છે અને એકજ રૂટ ઉપર ત્રણેય ગામ હોવા છતા આ ગામમા દેવસ દરમીયાન માત્ર સવારે અને સાંજે એક જ બસ આવે છે
ત્યારે દિવસ દરમીયાન આ ગામડાના લોકોને બહાર ગામ જવા માટે પ્રાઈવેટ વાહનોનો સહારો લેવો પડે છે આ તાલુકાના ભીમનાથ, ખાંભડા, ટીંબણ અને વહીયા ગામ હાઈવે રોડથી એક બે કિલોમીટર અંદર આવેલા ગામ છે આ ગામડાના લોકોને બહાર ગામ જવા માટે કે વિદ્યાર્થીઓને ભયાસ માટે જવુ હોય તો હાઈવે રોડ સુધી એક બે કિલોમીટર ફરજીયાત ચાલીને જવુ પડે છે આ ગામડાઓમા ગામની અંદર બસ ક્યારેય આવી નથી. બરવાળા તાલુકાનુ 5000 થી વધુ વસ્તી ધરાવતુ કાપડીયાળી ગામ છે આ ગામમા એસ.ટી.ની એક પણ બસ આવતી નથી તો ગામના લોકોને બહાર ગામ જવુ હોય તો ફરજીયાત પ્રાઈવેટ વાહનોમાં જવુ પડે છે.અમારા ગામની વસ્તી 3000 ની છે અને બાજુમા આવેલ ચાચરીયા ગામની 2000ની છે
અમારા ગામમા એસ.ટી.બસ ચાલુ કરવા માટે બરવાળા એસ.ટી.ડેપોને લેખીત રજુઆત કરવામા આવી હતી અને ડેપોમેનેજરે અમારા ગામની મુલાકાત લીધી હતી ત્યારે તેમણે એવુ કહેલ કે રેફડાથી સેથળી રોડ ઉપર એસ.ટી.બસ ચાલી શકે તેમ નથી એટલે ચાલુ નહી થાય પરંતુ આ રોડ ઉપર દરરોજ ચાર સ્કુલ બસો આવે છે એ ચાલુ છે એને કાઈ નથી નડતુ જ્યારે તેમને બીજો રસ્તો વાયા સાળંગપુર થી રેફડા રોડ ઉપર બસ ચલાવવામા આવે તો ચાચરીયા ગામને પણ એસ.ટી.નો લાભ મળી શકે તેમ છે આટલી રજુઆતો કરવા છતા આજ દિન સુધી એસ.ટી. બસ શરૂ કરવામા આવી નથી જ્યારે સ્કુલ બસો દરરોજ નિયમીત આવે છે તો એસ.ટી. બસ કેમ નથી ચાલતી માટે વહેલી તકે એસ.ટી. બસ ચાલુ થાય એવી અમારી માંગ છે.
Recent News
વેરાવળનાં ગોવિંદપરામાં ગૌવંશનાં ગુનામાં નાસતા બે આરોપી ઝડપાયા 05 June 2023 12:51 PM
મોવીયાના પ્રમુખરાજ એજયુ. ટ્રસ્ટના સંચાલકને ચેક રીટર્ન કેસમાં સજા 05 June 2023 12:50 PM
નવાગામમાં બિલ્ડર સાથે ઝઘડો કરતા શખ્સને ટપારવા ગયેલા બે વ્યકિતને બેફામ લમધાર્યા 05 June 2023 12:49 PM
પૂર્વપ્રેમીના કારણે રિસામણે આવેલ યુવતીને યુવકના પિતાએ હડધૂત કરતાં ફીનાઇલ પી લીધું 05 June 2023 12:48 PM
રેલ દુઘર્ટનાઓમાં 16 વર્ષમાં રૂા.86486 કરોડનું નુકશાન 05 June 2023 12:46 PM
Saurashtra News
વાંકાનેર ગુજરાત ક્ષત્રિય ઠાકોર સેના દ્વારા: જૂનાગઢની ઘટનામાં આરોપીઓને કડક સજાની માંગ 05 June 2023 12:28 PM
અંતે મોરબી જિલ્લાના ત્રણ શિક્ષક સામે 53.15 લાખની સરકારી નાણાની ઉચાપતની પોલીસ... 05 June 2023 12:27 PM
જાફરાબાદનાં બાબરકોટ ગામે બીચ સફાઇ અભિયાન 05 June 2023 11:54 AM
ઢાંકના બસ સ્ટેન્ડ ચોકમાંથી દરરોજ ગટરનું પાણી ગૌશાળામાં આવતા નિરણને નુકસાન 05 June 2023 11:52 AM
Gujarat News
સરળ મુખ્યમંત્રી: ગ્રામજનો સાથે ચાની ચૂસ્કી લીધી 05 June 2023 12:25 PM
લકઝરી આવાસનો ટ્રેન્ડ: વૈભવી પ્રોજેકટની સંખ્યામાં એક જ વર્ષમાં 73 ટકાનો વધારો 05 June 2023 12:18 PM
દીકરીએ ઘર છોડતા નહીં, તરછોડતા માતા-પિતા થયા દુ:ખી: બે હાથ જોડયા પણ... 05 June 2023 11:31 AM
200 માછીમારો સાંજે વેરાવળ પહોંચશે 05 June 2023 11:28 AM
ગુજરાતમાં માર્ગ અકસ્માતોમાં 3.7 ટકા, મૃત્યુમાં 2.23 ટકાની વૃદ્ધિ 05 June 2023 09:57 AM
Thank You!
Your submission is received and we will contact you soon