જસદણના કાળાસર પાસે મળેલ હાડપિંજર 25થી 30 વર્ષના યુવાનનો હોવાનું અનુમાન, 15 દિવસ પહેલા હત્યા થયાનો અંદાજ
♦ જસદણ પોલીસ અને રૂરલ એસઓજી તપાસમાં લાગી, રાજકોટ, અમરેલી, સુરેન્દ્રનગર, બોટાદ જિલ્લામાં ગુમ થયેલ વ્યક્તિઓનું લિસ્ટ મંગાવાયું
♦ હત્યા કોઈ અન્ય જગ્યાએ કરી અર્ધી લાશ પશુ આહારના કોથળામાં વિટી અજાણ્યા આરોપીઓ નાખી ગયા હોવાની શક્યતાએ તપાસ : સીસીટીવી અને હાલમાં જ ખેતરોમાંથી કામ છોડી વતન ચાલ્યા ગયા હોય તેવા મજૂરોની તપાસ થશે
રાજકોટ, તા.24
જસદણના કાળાસર પાસે મળેલ હાડપિંજર 25થી 30 વર્ષના યુવાનનો હોવાનું અનુમાન છે. 15 દિવસ પહેલા હત્યા થયાનો અંદાજ છે. ફોરેન્સિક પોસ્ટમોર્ટમ માટે મૃતદેહ રાજકોટ મોકલાયો હતો. આ અંગે જસદણ પોલીસ અને રૂરલ એસઓજીની ટીમો તપાસમાં લાગી છે. રાજકોટ, અમરેલી, સુરેન્દ્રનગર, બોટાદ જિલ્લામાં ગુમ થયેલ વ્યક્તિઓનું લિસ્ટ મંગાવાયું છે. હત્યા કોઈ અન્ય જગ્યાએ કરી અર્ધી લાશ પશુ આહારના કોથળામાં વિટી અજાણ્યા આરોપીઓ નાખી ગયા હોવાની શક્યતાએ તપાસ થઈ રહી છે. સીસીટીવી અને હાલમાં જ ખેતરોમાંથી કામ છોડી વતન ચાલ્યા ગયા હોય તેવા મજૂરોની તપાસ થશે.
પોલીસ સૂત્રોના જણાવ્યા મુજબ જસદણથી કાળાસર ગામ જવાના રસ્તાની સાઈડમાં ખાળીયામાં જીવાતોથી ખદબદતી અત્યંત કોહવાઈ ગયેલી હાલતમાં અજાણ્યા પુરૂષની લાશ મળી હતી. જસદણ પોલીસે લાશને ફોરેન્સીક પી.એમ. માટે રાજકોટ સિવિલ હોસ્પિટલ ખાતે ખસેડી હતી. જસદણના ખાંડા હડમતીયા ગામના કેશુભાઈ પોપટભાઈ બાવળીયાએ જસદણ પોલીસ સ્ટેશનમાં ગઈકાલે જાણ કરીને હતી કે અહીં લાશ પડી છે. પીઆઈ ટી.બી. જાની સહિતનો પોલીસ કાફલો ઘટના સ્થળે દોડી ગયો હતો અને સ્થળ ઉપર જઈ તપાસ કરતા લાશ એક પશુ આહારના કોથળામાં હતી.
હાડપિંજર બની ગયેલ મૃતદેહ પર બ્લ્યુ કલરનું પેન્ટ અને બ્લ્યુ કલરનું ટીશર્ટ પહેરેલ હતું. લાશ શ્વાન જેવા પશુ અને જીવાતો ખાઈ ગઈ હતી. જેથી ઓળખ કરવી મુશ્કેલ બની રહી છે. ફોરેન્સિક પીએમમાં જાણવા મળેલ કે, મૃતકની ઉપર આશરે 25થી 30 વર્ષ હોય શકે છે. ઉપરાંત 15 દિવસ પહેલા જ તેની હત્યા થઈ હોય શકે છે. જસદણ પોલીસ સાથે એસઓજીની ટીમે પણ. તપાસમાં જંપલાવ્યું છે.
હાલ આસપાસ કોઈ સીસીટીવી હોય તો તે અને આસપાસની વાડીમાં કામ કરતા મજૂરો જે તાજેતરમાં જ વતન ગયા હોય તે અંગે તપાસ થઈ રહી છે. બીજી એક પોલીસ ટુકડી આસપાસના જિલ્લામાંથી ગુમ થયેલ વ્યક્તિઓ અંગે વિગતો મેળવી રહી છે. આમ પોલીસે તમામ તરફે ઝડપી તપાસ આદરી છે. પીઆઈ ટી.બી. જાનીના જણાવ્યા મુજબ હાલના તબક્કે મૃતકની ઓળખ થાય તે માટે તપાસના ચક્રો ગતિમાન છે.
Recent News
ઉનાના એલમપુર પાસે કાર ચાલકે બાઈકને ઉડાવતા સાળા-બનેવીને ગંભીર ઈજા 05 June 2023 11:42 AM
અમરેલીમાં નિવૃત્ત શિક્ષણ દ્વારા વિનામૂલ્યે જયુસ વિતરણ સેવા 05 June 2023 11:42 AM
વેરાવળ ભીડીયામાં ઘરેલું હિંસા અને જાતીય સતામણી વિષય પર સેમીનાર યોજાયો 05 June 2023 11:40 AM
તમાચણમાં બોરમાં ગરક રોશનીનો આખરે જીવનદીપ બુઝાયો: 22 કલાકનું રેસ્કયુ નિષ્ફળ 05 June 2023 11:39 AM
જાપાન લાકડાથી બનેલો ઉપગ્રહ છોડશે 05 June 2023 11:33 AM
Saurashtra News
ઉનાના એલમપુર પાસે કાર ચાલકે બાઈકને ઉડાવતા સાળા-બનેવીને ગંભીર ઈજા 05 June 2023 11:42 AM
અમરેલીમાં નિવૃત્ત શિક્ષણ દ્વારા વિનામૂલ્યે જયુસ વિતરણ સેવા 05 June 2023 11:42 AM
વેરાવળ ભીડીયામાં ઘરેલું હિંસા અને જાતીય સતામણી વિષય પર સેમીનાર યોજાયો 05 June 2023 11:40 AM
તમાચણમાં બોરમાં ગરક રોશનીનો આખરે જીવનદીપ બુઝાયો: 22 કલાકનું રેસ્કયુ નિષ્ફળ 05 June 2023 11:39 AM
શાળાઓમાં નવા શૈક્ષણિક સત્રનો પ્રારંભ: સંકુલો બાળકોના કલરવથી ગુંજી ઉઠયા 05 June 2023 11:26 AM
Gujarat News
દીકરીએ ઘર છોડતા નહીં, તરછોડતા માતા-પિતા થયા દુ:ખી: બે હાથ જોડયા પણ... 05 June 2023 11:31 AM
200 માછીમારો સાંજે વેરાવળ પહોંચશે 05 June 2023 11:28 AM
ગુજરાતમાં માર્ગ અકસ્માતોમાં 3.7 ટકા, મૃત્યુમાં 2.23 ટકાની વૃદ્ધિ 05 June 2023 09:57 AM
જર્મનીનાં વિચિત્ર કાયદાના કારણે ગુજરાતી મૂળની માતા તેની બાળકીથી વિખૂટી પડી 03 June 2023 03:48 PM
Thank You!
Your submission is received and we will contact you soon