(મિલાપ રૂપારેલ દ્વારા)
અમરેલી તા.4
બાબરા નજીક આવેલ જી.આઇ.ડી.સી.માં આજે અચાનક વિકરાળ આગ લાગતા અફડા તફડી મચી જવા પામી હતી. આગને કાબુમાં લેવાં માટે બાબરા અમરેલી સહિતના ફાયર ફાયટર દોડી ગયા હતાં અને મહામહેનતે આગને કાબુમાં લીધી હતી.
આ બનાવની જાણવા મળતી વિગત મુજબ બાબરા નજીક આવેલ જી.આઇ.ડી.સી.માં આવેલ લોખંડ મેલ્ટ કરતી અજુહા કંપનીમાં આજે વહેલી સવારે અચાનક લાગી વિકરાળ આગ લાગતા અફડાતફડી મચી જવા પામી હતી આગને કાબુમાં લેવાં માટે બાબરા અમરેલી સહિતના ફાયર ફાયટર દોડી ગયા હતાં અને મહામહેનતે આગને કાબુમાં લીધી હતી. જોકે આગ લાગવાનું કારણ અકબંધ છે. આગને કારણે કેટલું નુકશાન થવા પામેલ છે તે હજુ સુધી જાહેર થવા પામેલ નથી.
અત્રે ઉલ્લેખનીય છે કે, ઉનાળાની કાળઝાળ ગરમીના કારણે આગની ઘટનામાં તોતિંગ વધારો જોવા મળેલ છે જેને લઈ ફાયર વિભાગ આગને કાબુમાં લેવાં માટે ભારે જહેમત ઉઠાવે છે. ત્યારે ગણતરીના દિવસો પહેલાં પણ બાબરાની જી.આઇ.ડી.સી.માં આગ લાગવાની ઘટના બની હતી. ત્યારે પણ અમરેલી ફાયર દોડીજઈ આગને કાબુમાં લીધી હતી.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy