આજે બેંગ્લોર ઘર આંગણે હૈદરાબાદને પડકારશે
♦ બેંગ્લોરના બોલરોએ હૈદરાબાદના બેટરોથી સાવધ રહેવું પડશે !
♦ હૈદરાબાદના અભિષેક શર્માએ અત્યાર સુધીમાં 7 મેચમાં ર4 છગ્ગા માર્યા
♦ માત્ર કોહલીથી જ કામ નહીં ચાલે,સમગ્ર ટીમે મહેનત કરવી પડશે : ખરાબ પ્રદર્શન
હૈદરાબાદ : આઇપીએલમાં સનરાઇઝર્સ હૈદરાબાદનો મુકાબલો રોયલ ચેલેન્જર્સ બેંગ્લોરની ટીમ સાથે આજે થવાનો છે. જો વર્તમાન ટૂર્નામેન્ટમાં અત્યાર સુધીના પ્રદર્શનની વાત કરીએ તો હૈદરાબાદની ટીમે બલ્લેબાજીમાં ધુમ મચાવતી ઘણી મેચો જીતી છે. આ સિઝનમાં 250થી ઉપરના પાંચ ટોટલમાંથી એકલા હૈદરાબાદે ત્રણ બનાવ્યા છે, જેમાં 287 અને 277 રનનો સ્કોર પણ સામેલ છે.
આ ટીમના ઓપનર્સ પાવર પ્લેમાં જ પોતાની વિસ્ફોટક બલ્લેબાજીથી મેચને આસાન જીત તરફ દોરી જાય છે. ઓસ્ટ્રેલિયન ઓપનર ટ્રેવિસ હેડ સાથે યુવા અભિષેક શર્માની જોડી ઘણી ખતરનાક સાબિત થઈ છે, જ્યારે દક્ષિણ આફ્રિકાનો બેટ્સમેન હેનરિક ક્લાસેન પણ આ જ વિસ્ફોટક રીતે બેટિંગ કરી રહ્યો છે.
બીજી તરફ, RCB ટીમ છે જેના માટે આખી ટૂર્નામેન્ટમાં અત્યાર સુધી કંઈ સારું થયું નથી. તેની આઠ મેચમાંથી સાત મેચ હારી જવાથી ટીમ તળિયે દસમા સ્થાને છે અને તેની પ્લેઓફમાં પહોંચવાની તકો પણ ઘણી મુશ્કેલ બની ગઈ છે.
300 પાર કરવાના પ્રયાસો ચાલુ
હૈદરાબાદનો ટાર્ગેટ IPL માં પહેલીવાર કોઈ પણ ટીમના સામે 300થી આગળ લઈ જવાનો છે અને જેથી તેઓ આ જ સ્ટાઈલમાં રમી રહ્યા છે. તેણે આ ટૂર્નામેન્ટમાં જ આરસીવી સામે આઈપીએલના ઈતિહાસમાં સૌથી વધુ 287 રન બનાવ્યા હતા. આવી સ્થિતિમાં, જ્યારે બંને ટીમો આજે ફરી એક-બીજા સામે ટકરાશે, ત્યારે હૈદરાબાદ ફરીથી રન બનાવી શકશે તેના પર બધાની નજર છે.
પિચ અને હવામાન
રાજીવ ગાંધી સ્ટેડિયમની પીચ બેટ્સમેનો માટે મદદરૂપ છે. ઉચ્ચ સ્કોરિંગ રમતની અપેક્ષા રાખી શકાય છે. તાપમાન 33 ડિગ્રીની આસપાસ રહેશે. વરસાદની કોઈ શક્યતા નથી.
ગુમાવવાનું કંઈ નથી
RCB પાસે હવે બાકીની મેચોમાં એ સાબિત કરવાનો મોટો પડકાર છે કે ટીમનું અત્યાર સુધીનું ખરાબ પ્રદર્શન તેની ક્ષમતા સાથે મેળ ખાતું નથી. ટીમે કોલકાતા નાઈટ રાઈડર્સ સામે શાનદાર લડાઈની ભાવના દર્શાવી, તેમ છતાં તેઓ માત્ર એક રનથી હારી ગયા.
જો કે, RCB મેનેજમેન્ટ તેમના સંયુક્ત બેટિંગ પ્રયાસથી ખૂબ સંતુષ્ટ હશે. વિરાટ કોહલીએ ’ઓરેન્જ કેપ’ પોતાની પાસે રાખી છે, પરંતુ આ ટીમે એકજુટ થઈને પ્રદર્શન કરવું પડશે. માત્ર કોહલીથી કામ નહીં ચાલે. ટીમે શરૂઆતથી જ નિરાશાજનક પ્રદર્શન કરેલ છે.
.jpg)
