રાજકોટ,તા.7
રાજકોટમાં આજે લોકસભાની ચૂંટણી માટે સવારે ઉત્સાહથી મતદાન શરૂ થયું હતું. ત્યારે પ્રદેશ ભાજપ ઉપપ્રમુખ ડો. ભરત બોઘરા વ્યવસ્થા કરાવવા માટે ‘ગરમી’ પકડી ગયા હતા!
આજે આત્મીય કોલેજ પાસેના બુથ પર સવારે મતદારોની લાઈન લાગી હતી. આ સમયે ડો. બોઘરાએ કામગીરી ઝડપથી આગળ ધપાવવા અને મતદારોને વધુ સમય લાઈનમાં ઉભું રહેવું ન પડે તે જોવા સૂચના આપી હતી.
ડો. બોઘરા પાસે પાસ અને મોબાઈલ ફોન હતા. જેથી એક કર્મચારીએ વાંધો લેતા તેમની પાસે મંજૂરી હોવાનું જણાવી ‘શું તમે વિદેશથી આવ્યા છો’ તેવો સવાલ કરી લીધો હતો! મતદાન શાંતિથી ચાલતું રહ્યું હતું.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy