લોકસભા ચૂંટણી : કોંગ્રેસના ઉમેદવારોની ફોર્મ ભરવાની તારીખ જાહેર
રાજકોટ સહિત ચાર બેઠકો અને વિધાનસભાની પાંચ બેઠકોના પેટા ચૂંટણીના ઉમેદવાર જાહેર કરવાના બાકી : ધાનાણીની ઉમેદવારી રૂપાલા ફેકટર પર આધારીત
અમદાવાદ,તા.13
આગામી સમયમાં યોજાઇ રહેલી લોકસભા ચૂંટણી માટે કોંગ્રેસે હજુ ચાર બેઠકો પર ઉમેદવાર જાહેર કરવાના બાકી છે અન્ય ર0 બેઠકો પર ઉમેદવારીની તારીખ જાહેર કરી દીધી છે.
જેમાં 15 એપ્રિલના રોજ બનાસકાંઠામાં ગેનીબેન ઠાકોર, સુરેન્દ્રનગરમાં ઋત્વિક મકવાણા, જામનગરમાં જે.પી.મારવીયા અને બારડોલીમાં સિધ્ધાર્થ ચૌધરી ઉમેદવારી નોંધાવશે. તા.16ના રોજ કચ્છમાં નીતેશ લાલન, સાબરકાંઠામાં ડો.તુષાર ચૌધરી, ગાંધીનગરમાં સોનલ પટેલ, અમદાવાદ પશ્ર્ચિમમાં ભરત મકવાણા, અમરેલીમાં જેનીબેન ઠુંમર, છોટા ઉદેપુરમાં સુખરામ રાઠવા, વલસાડમાં અનંત પટેલ, પંચમહાલમાં ગુલાબસિંહ ચૌહાણ અને પોરબંદરમાં લલીત વસોયા ઉમેદવારી કરશે.
જયારે તા. 18ના રોજ પાટણમાં ચંદનજી ઠાકોર, આણંદમાં અમિત ચાવડા, જુનાગઢમાં હિરાભાઇ જોટવા, ખેડામાં કાળુભાઇ ડાભી, દાહોદમાં ડો.પ્રભાબેન તાવીયાદ, વડોદરામાં જયપાલસિંહ પઢીયાર, સુરતમાં નિલેશ કુંભારી ઉમેદવારી કરશે.
કોંગ્રેસે રાજકોટ બેઠક માટે પરેશ ધાનાણીનું નામ નકકી કર્યુ છે પરંતુ તે કયારે ફોર્મ ભરશે તે તારીખ જાહેર કરી નથી. નવસારી, મહેસાણા અને અમદાવાદ પૂર્વ બેઠક માટે પક્ષના ઉમેદવારોની યાદી બાકી છે. પાંચ વિધાનસભા પેટા ચૂંટણી માટે કોંગ્રેસે હજુ ઉમેદવાર જાહેર કરવાના બાકી છે.
.jpg)
.jpg1.jpg)
.jpg)
.jpg)
.jpg)
.jpg)
