દેવભૂમિ દ્વારકાના લોકો પૂનમબેનને જીતની હેટ્રીક અપાવવા મક્કમ
જામનગર લોકસભા બેઠકના ભાજપના ઉમેદવાર પૂનમબેન માડમના સમર્થનમાં વિશાળ રેલી અને જનસભા યોજાઇ: સમગ્ર પંથકના દરેક સમાજના આગેવાનો, સામાજિક સંસ્થાઓ દ્વારા કરાયું પૂનમબેનનું ઉમળકાભેર સ્વાગત: દ્વારકા વિધાનસભા મતવિસ્તારના મધ્યસ્થ ચૂંટણી કાર્યાલયનો વાજતે-ગાજતે પ્રારંભ: મોદી શાસનની વિકાસગાથામાં પ્રગતિના નવા અધ્યાય ઉમેરવા માટે લોકોમાં ભારે ઉત્સાહ
જામનગર તા.27
12 લોકસભા ના સાંસદ તથા ઉમેદવાર શ્રી પૂનમબેન માડમને રેલી તથા જનસભામાં અભૂતપૂર્વ જનસમર્થન પ્રાપ્ત થઇ રહ્યું છે. સમગ્ર મત ક્ષેત્રમાં શ્રી પૂનમબેન માડમને રેલી તથા જનસભામાં મળી રહ્યો છે આવકાર. વિવિધ સમાજના અગ્રણીઓ, સામાજિક સંસ્થાઓ દ્વારા શ્રી પૂનમબેન માડમનું સ્વાગત કરવામાં આવી રહ્યું છે. જામનગર લોકસભા ક્ષેત્રમાં સમાવિષ્ટ દ્વારકા વિધાનસભાના ચૂંટણી મધ્યસ્થ કાર્યાલય ઉદ્ઘાટન સમયે બહોળી સંખ્યામાં ઉપસ્થિત નાગરિકો સાથે શ્રી પૂનમબેન માડમ એ સંવાદ કર્યો. કે, દેશના યશસ્વી વડાપ્રધાન શ્રી નરેન્દ્રભાઈ મોદીના નેતૃત્વમાં છેલ્લા 10 વર્ષ ની અંદર રચાયેલ વિકાસગાથામાં વધુ નવા પ્રગતિના અધ્યાય ઉમેરવા માટે દ્વારકા ના લોકોમાં અપાર ઉત્સાહ છે, જે નિશ્ચિતપણે લોકસભા ચૂંટણીમાં ભાજપને બહુમતી સાથે ભવ્ય જીત અપાવશે.
આ કાર્યક્રમમાં જામનગર દેવભૂમિ દ્વારકા લોકસભાના ઉમેદવાર તથા સાંસદ પૂનમબેન માડમ, દેવભૂમિ દ્વારકા જિલ્લા અધ્યક્ષ શ્રી મયુરભાઈ ગઢવી, ધારાસભ્ય પબુભા માણેક, મહામંત્રી યુવરાજસિંહ વાઢેર, રસિકભાઈ નકુમ, ભરત ગોજીયા, સહદેવસિંહ પબુભા માણેક, જિલ્લા ઉપપ્રમુખ મોહનભાઇ બારાઇ, દ્વારકા શહેર પ્રમુખ વિજયભાઈ બુજડ, દ્વારકા પ્રભારી રમેશભાઈ હેરમાં, પૂર્વ નગરપાલિકા પ્રમુખ જ્યોતિબેન સામાણી, લોહાણા અગ્રણી દ્વારકાદશભાઈ રાયચુરા સહીત સામાજિક સંસ્થાના હોદેદારો, સંતો - મહંતો, આગેવાનો, દ્વારકાના નગરજનો બહોળી સંખ્યામાં ઉપસ્થિત રહ્યા હતા.
.jpg)
.jpg)
.jpg)
.jpg)
.jpg)
