ત્યારે તૂટેલા દિલને સંભાળ્યું હતું, આજે જીતેલા દિલોનું સન્માન કર્યું ..
મોદી વિથ હિરોઝ : વિશ્વ વિજેતા અને વડાપ્રધાનની PM આવાસ પર મુલાકાત
♦ વડાપ્રધાન અને ટીમ ઇન્ડિયાના ખેલાડીઓ ખડખડાટ હસતા નજરે પડ્યાં
♦ પ્રધાનમંત્રીને તમામ પ્લેયર સાથે વાત કરી, અભિનંદન પાઠવ્યા : રાહુલ અને રોહિતે પણ તેમનો આભાર વ્યક્ત કર્યો, બોર્ડે તાત્કાલિક પ્લેનની વ્યવસ્થા કરી અને ધ્યાન રાખ્યું તેનો ઉલ્લેખ કર્યો
ન્યુ દિલ્હી : બાર્બાડોસમાં ધ્વજ ફરકાવનાર ટીમ ઈન્ડિયાએ દેશના વડાપ્રધાન નરેન્દ્ર મોદી સાથે તેમના નિવાસસ્થાને ખાસ મુલાકાત કરી. આ સમયગાળાના કેટલાક વીડિયો પણ સામે આવ્યા છે. આ વીડિયોમાં જોઈ શકાય છે કે ટીમનો કેપ્ટન રોહિત શર્મા ટ્રોફી સાથે સૌથી આગળ જોવા મળી રહ્યો છે. તેના અન્ય સાથી ખેલાડીઓ પણ ખાસ પ્રસંગે હાજર છે.
ભારતીય ટીમે પીએમ આવાસ પર વડાપ્રધાન મોદી સાથે મુલાકાત કરી. આ દરમિયાન ભારતીય ખેલાડીઓએ નાસ્તો કર્યો અને વડાપ્રધાન સાથે વાત પણ કરી. ભારતીય ખેલાડીઓ અને વડા પ્રધાન મોદી વચ્ચે વાતચીત દરમિયાન ખૂબ જ હળવું વાતાવરણ જોવા મળ્યું. વડાપ્રધાન મોદી તમામ ખેલાડીઓ સાથે હસતા નજરે પડે છે. વડાપ્રધાને ચેમ્પિયન ખેલાડીઓ અને ટ્રોફી સાથે તસવીરો પણ ખેંચાવી હતી.
આટલું જ નહીં પીએમ મોદી સાથેની ખાસ મુલાકાતમાં બીસીસીઆઈ પ્રમુખ રોજર બિન્ની અને સેક્રેટરી જય શાહ પણ હાજર રહ્યા હતા. પીએમ મોદીએ રમત જગતમાં ભારતને ગૌરવ અપાવનાર ખેલાડીઓ સાથે ખાસ ચર્ચા કરી હતી.
આ દરમિયાન તે તેની રમતના વખાણ કરતો જોવા મળ્યો હતો. આ દરમિયાન તેણે કેપ્ટન રોહિત શર્મા અને ટીમના મુખ્ય કોચ રાહુલ દ્રવિડ સાથે ટ્રોફી પણ ઉપાડી હતી.
વીડિયોની શરૂઆત રોહિત શર્માની ટ્રોફી સાથે એન્ટ્રીથી થાય છે. આ પછી બાકીના ખેલાડીઓ અને સપોર્ટ સ્ટાફ પણ અંદર પહોંચી જાય છે. જેમાં રાહુલ દ્રવિડ, વિરાટ કોહલી, ઋષભ પંત જેવા ખેલાડીઓનો સમાવેશ થાય છે.
પીએમ મોદી સાથે ખાસ મુલાકાત બાદ ભારતીય ખેલાડીઓ મુંબઈ જવા રવાના થઈ ગયા છે. અહીં તે સાંજે 5 થી 7 વાગ્યાની આસપાસ ખુલ્લી બસમાં 'વિજય પરેડ'નો ભાગ બનશે. ત્યારબાદ 7.30 કલાકે સન્માન કાર્યક્રમનું આયોજન કરવામાં આવશે. ત્યારબાદ તમામ ખેલાડીઓ હોટેલ માટે રવાના થશ.
.jpg)
.jpg67.jpg)
.jpg)
.jpg)
.jpg)
