આંખે પાટો બાંધી થપ્પાનો દાવ આપી રહેલાં છ વર્ષના બાળકનું પેન્ટ ઉતારી ગુદામાં નખ ભરાવ્યાં

♦ રાજકોટમાં ચકચાર સાથે વાલીઓ માટે લાલબત્તી સમાન કિસ્સો: માતાપિતા કામ પર ગયાં બાદ બહેન સાથે બાળક થપ્પો રમી રહ્યો હતો ત્યારે પડોશમાં રહેતો સગીર પણ રમવા આવ્યો અને કૃત્ય આચર્યું

♦ મોડી રાતે બાળકને દુ:ખાવો ઉપડતાં સારવારમાં ખસેડાયો: નખ ભરાવ્યાં કે અન્ય કોઈ વસ્તુ ગુદામાં ભરાવી તે અંગે તપાસ: બંને સગીર હોવાથી પોલીસ પણ અસમંજસમાં

રાજકોટ. તા.24
રાજકોટમાં વાલીઓ માટે લાલબત્તી સમાન ચકચાર માચાવતો કિસ્સો સામે આવ્યો હતો. શહેરની ભાગોળે આવેલ એક વિસ્તારમાં આંખે પાટો બાંધી થપ્પાનો દાવ આપી રહેલાં છ વર્ષીય પેન્ટ ઉતારી પાડોશી સગીરે ગુદામાં નખ ભરાવી સૃષ્ટિ વિરુદ્ધનું કૃત્ય આચરવાનો પ્રયાસ કરતાં ખળભળાટ મચી ગયો હતો. ત્યારે જ ભોગ બનનાર બહેન બહેન આવી જતાં તેનો બચાવ થયો હતો.

બાદમાં મોડી રાતે તેને દુખાવો ઉપડતાં બનાવ અંગે માતાપિતાને જાણ થતાં બાળકને સારવારમાં ખસેડાયો હતો. બનાવમાં સગીરને નખ ભરાવ્યાં કે અન્ય કોઈ વસ્તુ ગુદામાં ભરાવી તે તપાસનો વિષય બન્યો હતો. હાલ તો ભોગ બનનાર અને આરોપી બંને સગીર હોવાથી પોલીસ પણ અસમંજસમાં મુકાઈ હતી.

પ્રાપ્ત વિગત મુજબ, શહેરની ભાગોળે આવેલ એક વિસ્તારમાં રહેતાં 6 વર્ષીય બાળકને મોડી રાતે ગુદાના ભાગે દુખાવો ઉપડતાં સારવારમાં ખસેડાયો હતો. બનાવ અંગે બાળકની માતાએ તેને ગુદાના ભાગે નખ ભરાવ્યાનુ જણાવ્યું હતું. જ્યારે તબીબી તપાસમાં હાલ તેવું જાણવા મળ્યું નથી. તેમજ બનાવમાં ભોગ બનનાર અને આરોપી પણ સગીર હોવાથી ગુનો નોંધવો કે નહીં તે અંગે અસમંજસમાં છે.

બનાવ અંગે ભોગ બનનાર બાળકની માતાએ જણાવ્યું હતું કે, તેઓ દંપતી મજૂરીકામ કરે છે અને સંતાનમાં ત્રણ પુત્ર અને એક પુત્રી છે. તેઓ ગઈકાલે તેના પતિ સાથે મજૂરીકામ અર્થે ગયાં હતાં અને તેણીનો મોટો પુત્ર ગામડે ગયો હતો. જ્યારે વચ્ચેટ છ વર્ષીય પુત્ર અને પુત્રી ઘરે હતાં ત્યારે બંને ભાઈ-બહેન થપ્પો દાવ રમતાં હતાં ત્યારે તેમનો પડોશમાં રહેતો 16 વર્ષીય સગીર ઘરે ઘસી આવ્યો હતો અને તે પણ બંને સાથે રમવા લાગ્યો હતો

દરમિયાન છ વર્ષીય બાળક રૂમમાં આંખે પાટો બાંધી થપ્પાનો દાવ આપી રહ્યો હતો ત્યારે પાછળથી આવેલાં સગીરે બાળકનું પેન્ટ ઉતારી ગુદાના ભાગે નખ ભરાવ્યાં હતાં. ત્યારે બાળકે રાડારાડી કરતાં તેની બહેન દોડી આવતાં બાળકે પોતાનું પેન્ટ ચડાવી લીધું હતું.

જે બાદ સાંજના તેઓ દંપતી ઘરે આવ્યાં બાદ રાતના દસ વાગ્યે બાળકે ગુદાના ભાગે દુખાવાની ફરીયાદ કરતાં બનાવ સામે આવ્યો હતો અને બાળકે તમામ વાત કરતાં તેમને સારવારમાં અત્રેની સિવિલ હોસ્પિટલમાં ખસેડવામાં આવ્યો હતો. તબીબી તપાસમાં હાલ કોઈ અઘટિત ન બન્યાનું સામે આવ્યું હતું. જ્યારે બાળકને ગુદાના ભાગે નખ ભરાવેલ છે કે કોઈ અન્ય વસ્તુ તે તપાસનો વિષય બન્યો હતો.