ટોલ માંગ્યો તો બુલડોઝર ફેરવી દીધુ

ઉત્તર પ્રદેશના ગાઝીયાબાદ જીલ્લામાં હાફુડના પિલખુવા પાસે આવેલા ટોલનાકા પર વાહનચાલકે આતંક મચાવી દીધો હતો. વાહન ચાલકે બે નાકા તોડીને દિલ્હી-લખનઉ હાઈવે પર બુલડોઝર દોડાવી દીધુ હતું અને ત્રણ કારને ટકકર પણ મારતા મહિલા-બાળકો સહિત પાંચ લોકોને ઈજા થઈ હતી. પોલીસ એક કલાક સુધી બુલડોઝર પાછળ દોડતી રહી હતી.

અંતે વ્રજઘાટ પોલીસે વાહનચાલકને પકડયો હતો. ગાઝીયાબાદ જતા આ વાહનચાલક પાસે ટોલ માંગવામાં આવતા માથાકુટ કરી હતી અને લગભગ 50 કિ.મી. સુધી પોલીસે દોડાદોડી કરીને સિકારાના ધીરજસિંહની ધરપકડ કરી હતી.