ડુક્કરની કિડનીએ જીવ બચાવ્યો: 54 વર્ષીય મહિલાની સર્જરી સફળ

ન્યુયોર્ક, તા.25

અમેરિકાના ન્યુ જર્સીમાં ડોક્ટરોએ એક મહિલાને ડુક્કરની કિડની ટ્રાન્સપ્લાન્ટ કરી મોતના મુખમાંથી બચાવી હતી. લિસા પિસાનો - તેનું હૃદય પણ યોગ્ય રીતે કામ કરતું ન હતું. આ માટે યાંત્રિક પંપ લગાવવામાં આવ્યો હતો. 4 એપ્રિલે ડોક્ટરોએ પંપ લગાવ્યો અને 12 એપ્રિલે કિડની ટ્રાન્સપ્લાન્ટ કર્યું. મહિલાનું હૃદય અને કિડની બંને ફેલ થઈ ગયા હતા. લિસા હવે સ્વસ્થ થઈ રહી છે. ડુક્કરની કિડની ટ્રાન્સપ્લાન્ટ કરાવનાર તે વિશ્વની બીજી દર્દી છે. 

અગાઉ, મેસેચ્યુસેટ્સ જનરલ હોસ્પિટલમાં એક વ્યક્તિમાં ડુક્કરની કિડની ટ્રાન્સપ્લાન્ટ કરવામાં આવી હતી. તેમને હોસ્પિટલમાંથી રજા આપવામાં આવી છે. 54 વર્ષીય લિસાએ કહ્યું, ’મારી પાસે માત્ર એક જ તક હતી. જો તે મારા માટે કામ ન કરે, તો તે બીજા કોઈ માટે કામ કરી શકે છે. આનાથી બીજા કોઈને મદદ મળી હશે.

એનવાયયુ લેંગોન ટ્રાન્સપ્લાન્ટ ઇન્સ્ટિટ્યૂટના ડિરેક્ટર ડો. રોબર્ટ મોન્ટગોમેરીએ જણાવ્યું હતું કે, કિડની તરત જ કામ કરવાનું અને પેશાબ ઉત્પન્ન કરવાનું શરૂ કરે છે. અમેરિકામાં 10 લાખથી વધુ લોકો ટ્રાન્સપ્લાન્ટ વેઇટિંગ લિસ્ટમાં છે. આમાંના મોટાભાગનાને કિડનીની જરૂર હોય છે.