SANJ SAMACHAR | Date: 23-05-2024 Thursday | Rajkot |
www.twitter.com/sanj_news www.instagarm.com/sanjsamachar www.facebook.com/sanjsamachar www.sanjsamachar.net |
રાજકોટ તા.23
માંડા ડુંગરમાં અલગ રહેતી માતાએ મકાન ખાલી કરવા બાબતે દબાણ કરતા 16 વર્ષના સગીર પુત્રએ ફીનાઈલ પી આપઘાતનો પ્રયાસ કરતા સારવારમાં ખસેડાયો હતો.
પ્રાપ્ત વિગત મુજબ માંડા ડુંગરમાં સદગુરૂ પાર્કની બાજુમાં રહેતો ક્રિશ મહેશભાઈ ગળચર (ઉ.16)એ ગઈ રાત્રીનો પોતાના ઘરે હતો ત્યારે ફીનાઈલ પી આપઘાતનો પ્રયાસ કરતા સારવારમાં સીવીલ હોસ્પીટલમાં ખસેડાયો હતો. બનાવ અંગે સીવીલ ચોકીના સ્ટાફે આજી ડેમ પોલીસને જાણ કરી હતી. વધુમાં મળેલ વિગત મુજબ સગીરના પિતાનું 10 માસ પહેલા અવસાન થયેલ હોય જે બાદ તેમની માતાએ અન્ય વ્યકિત સાથે લગ્ન અલગ રહેવા જતી રહેલ હતી. જે બાદ તે ત્રણ ભાઈઓ સાથે રહેતા હતા. જે મકાન ખાલી કરવા માટે તેમની માતા અવારનવાર દબાણ કરતી હોય જેથી કંટાળીને પગલું ભર્યાનું પ્રાથમીક તારણ બહાર આવ્યું હતું.