![]() |
![]() SANJ SAMACHAR | Date: 01-07-2024 Monday | Rajkot |
|
(કુંજન રાડિયા)
જામ ખંભાળિયા, તા. 01
દેવભૂમિ દ્વારકા જિલ્લા પંચાયતના જુદા જુદા વિભાગોમાં ફરજ બજાવતા કુલ 12 કર્મચારીઓની બઢતી તેમજ બદલીના ઓર્ડરો થયા છે. જાણવા મળતી વિગત મુજબ દેવભૂમિ દ્વારકા જિલ્લા પંચાયતની સિંચાઈ શાખામાં ફરજ બજાવતા રાકેશભાઈ પી. ગાડીત તેમજ ખંભાળિયા તાલુકા પંચાયતમાં ફરજ બજાવતા સુભાષભાઈ ખેતિયાની બઢતી સિનિયર ક્લાર્કમાંથી નાયબ ચીટનીશ તરીકે કરવામાં આવી છે.
જ્યારે જિલ્લા પંચાયતની આઈ.સી.ડી.એસ. શાખામાં ફરજ બજાવતા જય સિણોજીયાને ભાણવડ સબ ડિવિઝન ખાતે, શિક્ષણ ખાતામાં ફરજ બજાવતા બંસી નકુમને સ્થાનિક શિક્ષણ શાખામાં, પાણી પુરવઠાના લખુભાઈ કારીયાને સમાજ કલ્યાણ શાખામાં, અશ્વિન બંધીયાને મહેકમ શાખામાંથી આરોગ્ય શાખામાં, બાંધકામ શાખાના ભરત ગોજીયાને બાંધકામ શાખામાં તેમજ આઈ.સી.ડી.એસ. શાખામાં ફરજ બજાવતા ભૂપતદાન શાખરાને ડી.આર.ડી.એ. દ્વારકા ખાતે જુનિયર ક્લાર્કમાંથી સિનિયર ક્લાર્ક તરીકે પ્રમોશન આપવામાં આવ્યા છે.
જ્યારે સિનિયર ક્લાર્ક તરીકે ફરજ બજાવતા માનસીબેન કંડોરીયાને આરોગ્ય શાખામાંથી મહેકમ શાખામાં, પીઠાભાઈ બારડને મહેકમ શાખામાંથી ખેતીવાડી શાખામાં, દક્ષાબેન શિલુને ખેતીવાડી શાખામાંથી ભાણવડ તાલુકા પંચાયત ખાતે તેમજ હિતેશ સુવાને દ્વારકા તાલુકા પંચાયતમાંથી જિલ્લા સિંચાઈ શાખામાં બદલીના ઓર્ડરો જિલ્લા વિકાસ અધિકારી દ્વારા કરવામાં આવ્યા છે.