"પ્રેમમાં નથી, પણ વર્ચસ્વ માટે કરે છે લગ્ન..." અભિનેત્રી નોરા ફતેહીએ બોલિવૂડ સેલેબ્સના લગ્ન અંગે ચોંકાવનાર ખુલાસા કર્યા

India, Entertainment | 13 April, 2024 | 03:59 PM

સાંજ સમાચાર

મુંબઈ : બોલિવૂડ અભિનેત્રી નોરા ફતેહી છેલ્લે અભિનેતા કુણાલ ખેમુના દિગ્દર્શિત ડેબ્યૂ ફિલ્મ 'મડગાંવ એક્સપ્રેસ'માં જોવા મળી હતી, જે 22 એપ્રિલે સિનેમાઘરોમાં રિલીઝ થઈ હતી, જેમાં નોરા ફતેહી ઉપરાંત દિવ્યેન્દુ, પ્રતિક ગાંધી, અવિનાશ તિવારી, ઉપેન્દ્ર લિમયે અને છાયા કદમ જેવા કલાકારો છે. આ એક કોમેડી ફિલ્મ છે, જેણે પોતાની સ્ટોરીલાઇનથી ચાહકોનું દિલ જીતી લીધું છે.

આ દરમિયાન નોરાનો એક ઈન્ટરવ્યુ સોશિયલ મીડિયા પર ઝડપથી વાયરલ થઈ રહ્યો છે, જેમાં તેણે પોતાના અંગત જીવનથી લઈને ઈન્ડસ્ટ્રીના ઘણા રહસ્યો જાહેર કર્યા છે. આ સિવાય તાજેતરમાં અભિનેત્રીએ વધુ એક ચોંકાવનારો ખુલાસો કર્યો, જેણે બધાને ચોંકાવી દીધા. ખરેખર, અભિનેત્રીએ ફિલ્મ ઈન્ડસ્ટ્રીના સેલેબ્સના લગ્નને લઈને ચોંકાવનારો ખુલાસો કર્યો છે. તેણે કહ્યું કે ફિલ્મ ઈન્ડસ્ટ્રીમાં લોકો શા માટે લગ્ન કરે છે?

તાજેતરમાં, યુટ્યુબર રણવીર અલ્લાહબાદિયા સાથેના પોડકાસ્ટમાં, નોરા ફતેહીએ કહ્યું, 'હું આ બધું મારી સામે થતું જોઈ રહી છું. ઈન્ડસ્ટ્રીના લોકો પ્રભાવ અને ફેમસ થવા માટે લગ્ન કરે છે. વાતચીત દરમિયાન નોરાએ કોઈપણ સેલિબ્રિટીનું નામ લીધા વિના કહ્યું, 'તેઓ ફક્ત એક બીજાની પ્રસિદ્ધિ માટે ઉપયોગ કરવા માંગે છે, પરંતુ તેઓ મારી સાથે આ કરી શકતા નથી... તેથી જ તમે મને હેંગઆઉટ કરતા જોતા નથી.

વર્ચસ્વ માટે અને ફેમસ થવા બોલીવુડ સેલિબ્રિટી એક બીજા સાથે લગ્ન કરે છે :
વાત કરતી વખતે, અભિનેત્રીએ આગળ કહ્યું, 'ફિલ્મ ઉદ્યોગમાં, લોકો તેમના પ્રભાવ માટે, નેટવર્કિંગ માટે, પૈસા માટે પણ તેમની પત્ની અથવા પતિનો ઉપયોગ કરે છે'. વાત કરતાં અભિનેત્રીએ આગળ કહ્યું, 'પૈસો અને પ્રસિદ્ધિ... આ છોકરા-છોકરીઓ પૈસા, પ્રસિદ્ધિ અને સત્તા માટે આખી જિંદગી વેડફી નાખે છે. તમે જેને પ્રેમ કરતા નથી તેની સાથે લગ્ન કરવા અને પછી તેની સાથે વર્ષો સુધી જીવવાથી વધુ ખરાબ કંઈ નથી... આપણા ઉદ્યોગમાં મોટાભાગના લોકો આ જ બકવાસ કરે છે.