નવી દિલ્હી,તા.7
ચુંટણીની મોસમમાં જનતાનું દિલ જીતવા માટે મોટા નેતાઓ અનેક વાર મંચ પર ઝુમતા જોવા મળે છે. કયારેક તે પારંપરિક નૃત્યનો ભાગ બને છે તો કયારેક જનતાના ઉત્સાહમાં ભાગીદાર બને છે.
હાલમાં જ મુખ્યમંત્રી મમતા બેનર્જી એક રેલીમાં ઉમેદવારો સાથે નાચતી જોવા મળી હતી પરંતુ સોમવારે સોશ્યલ મીડિયા પર વડાપ્રધાન મોદીના ડાન્સ કરતા વિડીયોએ સૌનું ધ્યાન ખેંચ્યું હતું.
મોદીનો આ વિડીયો વાયરલ થયો તો ખુદ મોદીએ તેને ‘એકસ’ પર શેર કરીને લખ્યું- આપ સૌની જેમ મને પણ ખુદને ડાન્સ કરતો જોઈને મજા આવી ગઈ. ચુંટણીની મોસમમાં આવી રચનાત્મકતા ખરેખર આનંદદાયક છે. ખરેખર તો પીએમ મોદીનો આ ડીપફેક ડાન્સનો વિડીયો વાયરલ થઈ રહ્યો છે તેને સોમવારે મોડી રાત સુધી 45 લાખથી વધુ લોકો આ વિડીયો જોઈ શકયા છે.
Like all of you, I also enjoyed seeing myself dance. 😀😀😀
Such creativity in peak poll season is truly a delight! #PollHumour https://t.co/QNxB6KUQ3R
— Narendra Modi (@narendramodi) May 6, 2024
પીએમનો આ ડીપફેક વિડીયો કૃષ્ણા નામના શખ્સે શેર કર્યો હતો. તેણે આ વિડીયો શેર કરીને લખ્યુ- આ વિડીયો એટલા માટે પોસ્ટ કરી રહ્યો છું, કારણ કે મને ખબર છે કે ‘તાનાશાહ’ મારી તેના માટે ધરપકડ નહી કરાવે. આ યુઝરના વિડીયો બાદ ખુદ મોદીએ પોતાનો ડાન્સ કરતો ડીપફેક વિડીયો વાયરલ કર્યો હતો.
મમતાનો પણ ડીપફેક વિડીયો વાયરલ: પશ્ચિમ બંગાળની મુખ્યમંત્રી મમતા બેનર્જીનો ડાન્સ કરતા ડીપફેક વિડીયો વાયરલ થયો હતો. આ વિડીયો શેર કરનાર યુઝરને બીજા યુઝરે સલાહ આપતા કહ્યું હતું કે, તેને શેર કરવાથી બંગાળ પોલીસ રોકી રહી છે. અનેક યુઝરે બાદમાં વિડીયો ડીલીટ કરી નાખ્યો હતો.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy