મુંબઈ : ફિલ્મ સિંઘમ અગેઈનમાં રોહિત શેટ્ટીએ કોપ યુનિવર્સનો વ્યાપ વધારવાનો પ્રયાસ કર્યો છે. આ ફિલ્મમાં સૂર્યવંશી (અક્ષય કુમાર) અને સિમ્બા (રણવીર સિંહ)ને સિંઘમની મદદ માટે લાવવાની સાથે લેડી સિંઘમનું કેરેક્ટર પણ ઉમેરવામાં આવ્યું છે. લેડી સિંઘમ તરીકે શક્તિ શેટ્ટીના રોલમાં દીપિકા પાદુકોણના એક્શન અવતારને ઓડિયન્સે ખૂબ બિરદાવ્યું છે. દીપિકાને લેડી સિંઘમ તરીકે મળેલા રિસ્પોન્સના પગલે રોહિત શેટ્ટીએ એક પગલું આગળ વધી “સિંઘમ અગેઈન” પછી “લેડી સિંઘમ'નું એલાન કરી દીધું છે.
“લેડી સિંઘમ' બનાવવાની ઈચ્છા રોહિત શેટ્ટી અગાઉ અનેક વખત જાહેર કરી ચૂક્યા છે અને લીડ રોલમાં દીપિકા પાદુકોણ નિશ્ચિત હોવાનું મનાતું હતું. જો કે શેટ્ટીએ આ અંગે સત્તાવાર જાહેરાત કરતા સોશિયલ મીડિયામાં જણાવ્યું છે કે, માય હીરો રીલ મૈં ભી ઔર રીયલ મૈં ભી. આ સાથે તેમણે પોલીસ યુનિફોર્મમાં દીપિકાનો દમદાર ફોટોગ્રાફ શેર કર્યો છે. સિંઘમ જેવા એક્શન અંદાજમાં દીપિકાને જોયા બાદ સોશિયલ મીડિયા યુઝર્સ ખુશ થઈ ગયા છે. શક્તિ શેટ્ટીના કેરેક્ટરમાં દીપિકા પાદુકોણ બોક્સઓફિસ પર તમામ રેકોર્ડ તોડી નાખશે તેવી આગાહી પણ ઘણાં ફેન્સ કરી રહ્યા છે.
દીપિકા પાદુકોણના કેરેક્ટરને “સિંઘમ અગેઈન'માં પહેલી વખત રજૂ કરવામાં આવશે અને ત્યારબાદ દીપિકાને લીડ રોલમાં દર્શાવતી “લેડી સિંઘમ” આવશે. શક્તિ શેટ્ટીએ પોલીસ ઓફિસર તરીકે સિંઘમ બનવા સુધી ખેડેલી સફરના આ ફિલ્મમાં દર્શાવવામાં આવશે. આમ, 'સિંઘમ અગેઈન' સાથે 'લેડી સિંઘમ'ના તાર જોડાયેલા રહેશે. યશરાજ ફિલ્મ્સ સ્પાય યુનિવર્સમાં લેડી સુપરહીરોને લીડ રોલ આપવાની કવાયત હાથ ધરી છે, પરંતુ આ અંગે નક્કર જાહેરાત થાય તે પહેલાં રોહિત શેટ્ટીએ કોપ યુનિવર્સમાં દીપિકાની શક્તિ પર ભરોસો મૂકીને 'લેડી સિંઘમનું એલાન કરી દીધું છે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy