ઇન્ડિગોએ 30 એરબસ A350-900 એરક્રાફ્ટનો ઓર્ડર આપ્યો: ડિલિવરી 2027 થી શરૂ થશે

India | 26 April, 2024 | 10:49 AM

એરલાઇન વાઇડ-બોડી એરક્રાફ્ટ સેગમેન્ટમાં પ્રવેશ કરશે

સાંજ સમાચાર

ન્યુ દિલ્હી : ઈન્ટરગ્લોબ એવિએશન લિમિટેડ એટલે કે ઈન્ડિગોએ 30 એરબસ A350-900 એરક્રાફ્ટ ખરીદવાનો ઓર્ડર આપ્યો છે. આ દ્વારા બજેટ એરલાઇન ઇન્ડિગો વાઇડ-બોડી એરક્રાફ્ટ સેગમેન્ટમાં પ્રવેશ કરશે. આજે એટલે કે 25 એપ્રિલે કંપનીએ તેની એક્સચેન્જ ફાઇલિંગમાં આ જાણકારી આપી છે.

એરલાઈને કહ્યું કે, આ એરક્રાફ્ટમાં રોલ્સ રોયસ ટ્રેન્ટ એક્સડબ્લ્યુબી એન્જિન લગાવવામાં આવ્યા છે. ઈન્ડિગોને અપેક્ષા છે કે આ વાઈડ-બોડી એરક્રાફ્ટની ડિલિવરી 2027થી શરૂ થઈ જશે. આ એરલાઇનને તેના નેટવર્કને વિસ્તારવામાં મદદ કરશે. આ એરક્રાફ્ટ ઇંધણ કાર્યક્ષમ છે.

30 એરક્રાફ્ટની ખરીદી ઉપરાંત, ઈન્ડિગોએ 70 વધારાના A350 એરક્રાફ્ટ ખરીદવાના અધિકાર માટે પણ હસ્તાક્ષર કર્યા છે. નવા એરક્રાફ્ટ સાથે એરલાઇન અલ્ટ્રા-લોંગ ડિસ્ટન્સ ફ્લાઇટ્સ ઓપરેટ કરી શકશે. આ તેને એર ઈન્ડિયા સાથે સીધી સ્પર્ધામાં લાવશે.

ઈન્ડિગો પાસે 350થી વધુ એરક્રાફ્ટનો કાફલો છે : તેના કાફલા સાથે, ઇન્ડિગો દરરોજ 1900 થી વધુ ફ્લાઇટ્સનું સંચાલન કરે છે. આ એરલાઇન 81 સ્થાનિક અને 32 આંતરરાષ્ટ્રીય સ્થળોને આવરી લે છે.

IndiGo ભારતમાં સૌથી વધુ 60% બજાર હિસ્સો ધરાવે છે, જે 2030 સુધીમાં તેની ક્ષમતા બમણી કરવા અને આંતરરાષ્ટ્રીય સ્તરે તેનું નેટવર્ક વિસ્તારવા માંગે છે.