દારૂ પીનારા ચેતજો ! એકથી વધુ ડ્રીંકથી હૃદયની બિમારીનું જોખમ 50 ટકા વધી જાય

India, Health | 02 April, 2024 | 12:36 PM

સાંજ સમાચાર

મુંબઇ : પુરૂષો કરતાં સ્ત્રીઓ ઓછો દારૂ પીવે છે એ હકીકત હવે ભૂતકાળ બની ગઈ છે. આજની જીવનશૈલીમાં સ્ત્રી અને પુરૂષ બંને ખુલ્લેઆમ આલ્કોહોલનું સેવન કરે છે, પરંતુ જે મહિલાઓ દારૂનું વધુ સેવન કરે છે તેમને હૃદય રોગનો ખતરો 50% વધી જાય છે. હા, એક અભ્યાસમાં બહાર આવ્યું છે.

પીનારને પીવા માટે બહાનાની જરૂર હોય છે. પછી તે ઘરની પાર્ટીનું બહાનું હોય, મિત્રો સાથે ફરવાનું બહાનું હોય કે પછી દિવસભરના થાક અને તાણમાંથી છૂટકારો મેળવવાનું બહાનું હોય. આજે માત્ર પુરૂષો જ નહીં પરંતુ મહિલાઓ પણ ખૂબ જ દારૂનું સેવન કરે છે. આવી સ્થિતિમાં અમેરિકાથી એક અભ્યાસ સામે આવ્યો છે, જેમાં કહેવામાં આવ્યું છે કે જે મહિલાઓ દરરોજ એકથી વધુ ડ્રિંક પીવે છે તેમાં હૃદય સંબંધિત બીમારીઓનું જોખમ 50% વધી જાય છે.

તાજેતરમાં, અમેરિકામાં એક અભ્યાસ હાથ ધરવામાં આવ્યો હતો જેમાં જાણવા મળ્યું હતું કે જે મહિલાઓ દરરોજ એક કરતા વધુ ડ્રિંકનું સેવન કરે છે તેમને હૃદય રોગનું જોખમ વધારે છે. આ અભ્યાસમાં 18 થી 65 વર્ષની વયના 4 લાખ 32 હજાર 265 લોકોનો સમાવેશ કરવામાં આવ્યો હતો, જેમને પહેલા ક્યારેય હૃદય સંબંધિત કોઈ બિમારી ન હતી. આવી સ્થિતિમાં સંશોધકોએ ચેતવણી આપી છે કે હૃદયને સ્વસ્થ રાખવા માટે સંતુલિત માત્રામાં જ આલ્કોહોલનું સેવન કરવું જોઈએ.

અભ્યાસમાં જાણવા મળ્યું છે કે જે મહિલાઓ દરરોજ એક કરતાં વધુ ડ્રિંક પીવે છે તેમને હૃદય રોગનું જોખમ 33 થી 51 ટકા વધારે છે. બીજી તરફ જે મહિલાઓ ક્યારેક-ક્યારેક વધારે પ્રમાણમાં આલ્કોહોલનું સેવન કરે છે, તેમાં આ જોખમ 68 ટકા જેટલું વધારે હતું. આ સિવાય ક્યારેક-ક્યારેક વધારે દારૂ પીનારા પુરુષોમાં હૃદય સંબંધિત બીમારીઓનું જોખમ પણ 33 ટકા વધારે જોવા મળ્યું હતું.

આલ્કોહોલનું સેવન તમારા હૃદય પર સારી અને ખરાબ બંને અસર કરી શકે છે. કેટલાક અભ્યાસોએ દર્શાવ્યું છે કે રેડ વાઈનનું સંયમિત સેવન હૃદય માટે ફાયદાકારક છે, કારણ કે તેમાં રેઝવેરાટ્રોલ જેવા એન્ટીઓક્સીડેન્ટ હોય છે. અભ્યાસના મુખ્ય લેખક ડો. જમાલ એસ. રાણા કહે છે, "લાંબા સમયથી એવું માનવામાં આવે છે કે આલ્કોહોલ હૃદય માટે ફાયદાકારક છે, પરંતુ હવે ઘણા અભ્યાસો આ માન્યતાને પડકારી રહ્યા છે.

તેનાથી સ્વાસ્થ્ય સમસ્યાઓ વધી શકે છે. બ્લડ પ્રેશર શરીરને નુકસાન પહોંચાડે છે." તે સ્થૂળતા પણ વધારી શકે છે, જ્યારે હૃદય રોગનું જોખમ ઘણા અભ્યાસોમાં પહેલાથી જ બહાર આવ્યું છે.