નવી દિલ્હી:
ભારતીયો વિદેશમાં વધુને વધુ રકમ ખર્ચ કરી રહ્યા છે. છેલ્લા એક વર્ષમાં ભારતીયોના વિદેશ ખર્ચમાં 17 ટકાનો વધારો થયો છે અને નાણાકીય વર્ષ 2024માં ભારતીયોએ વિદેશમાં 31 અબજ 70 કરોડ ડોલરનો ખર્ચ કર્યો હતો તેવું આંકડા દર્શાવે છે. ભારતના લોકો વિદેશમાં જે ખર્ચ કરે છે તેમાં સૌથી વધુ ખર્ચ ટ્રાવેલિંગ અને એજ્યુકેશન પાછળ થાય છે.
ભારતે રિમિટન્સ સ્કીમ ઉદાર બનાવ્યા પછી વિદેશમાં ખર્ચ વધતો જાય છે. નાણાકીય વર્ષ 2023માં ભારતીયોએ વિદેશમાં 27.1 અબજ ડોલરનો ખર્ચ કર્યો હતો અને ત્યાર પછી 2024માં આ ખર્ચ વધીને 31.7 અબજ ડોલર સુધી પહોંચી ગયો છે. નાણા મંત્રાલયે ટીસીએસ - ટેક્સ કલેક્શન એટ સોર્સ લાગુ કર્યો હોવા છતાં આ ખર્ચમાં વધારો થયો છે. જોકે, ઓક્ટોબર 2023માં ટીસીએસ લાગુ થયા પછી માસિક એવરેજ ખર્ચમાં ઘટાડો થયો છે.
આ ડેટા મુજબ ભારતીયોએ વર્ષ 2024માં વિદેશ ટ્રાવેલ પાછળ 17 અબજ ડોલરનો ખર્ચ કર્યો હતો. જે અગાઉના વર્ષમાં 13.6 અબજ ડોલર હતો. એટલે કે એક વર્ષમાં વિદેશ ટ્રાવેલ પાછળના ખર્ચમાં 25 ટકાનો વધારો થયો છે. અગાઉ ભારતીયો વિદેશમાં જે ખર્ચ કરતા તેમાં ઈન્ટરનેશનલ ટ્રાવેલનો હિસ્સો 37 ટકા હતો પરંતુ હવે તે વધીને 54 ટકા થઈ ગયો છે. કોવિડ પછી વિદેશ ટ્રાવેલ પાછળનો ખર્ચ દેખીતી રીતે જ ઘટીને 3.2 અબજ ડોલર થઈ ગયો હતો, પરંતુ ત્યાર પછી ભારતીયોએ પુષ્કળ પ્રમાણમાં વિદેશ પ્રવાસ કર્યો છે અને તેમાં મોટો ખર્ચ કરી રહ્યા છે.
વિદેશ ટ્રાવેલ ઉપરાંત એજયુકેશન, વિદેશમાં વસતા સંતાનોના મેન્ટેનન્સમાં થયેલો ખર્ચ અને ગિફ્ટ પાછળ સૌથી વધુ ડોલર ખર્ચાય છે. નાણાકીય વર્ષ 2021માં એજ્યુકેશન માટે રિમિટન્સ ઘટી ગયું હતું પરંતુ ત્યાર પછી તેમાં વધારો થયો છે. એજ્યુકેશન માટે વિદેશમાં થતો ખર્ચ લગભગ 3.4 અબજ ડોલર છે જે અગાઉના વર્ષમાં 5.2 અબજ ડોલર સુધી પહોંચી ગયો હતો.
નાણાકીય વર્ષ 2024માં ટ્રાવેલ પરનો ખર્ચ વધ્યો છે, પરંતુ વિદેશમાં એજ્યુકેશન માટેના ખર્ચમાં બહુ મોટો ફેરફાર નથી થયો. ભારતીયો જે ફોરેક્સ ખર્ચ કરે છે તેમાં વિદેશ અભ્યાસનો ખર્ચ સામાન્ય રીતે બીજા નંબરે હોય છે પરંતુ હવે સ્થિતિ બદલાઈ ગઈ છે. ભારતીયો ફી કરતા પણ વધારે ખર્ચ વિદેશમાં વસતા સગાના મેન્ટેનન્સ પાછળ ખર્ચે છે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy