સુરક્ષા રેટીંગમાં ભારતીય મોટરોનું નબળુ પ્રદર્શન

India | 25 April, 2024 | 05:26 PM

મહિન્દ્રા બોલેરો નિયોને GNCAP ટેસ્ટમાં એક સ્ટાર રેટિંગ અને Honda Amazeને બે સ્ટાર રેટિંગ મળ્યું

સાંજ સમાચાર

નવી દિલ્હી: ભારતમાં બનેલી કારને સેફ્ટી રેટિંગ આપતી સંસ્થા ગ્લોબલ NCAPના લેટેસ્ટ ટેસ્ટમાં દેશમાં બનેલી કારને ફરી એકવાર ખરાબ રેટિંગ મળ્યું છે. બુધવારે જાહેર થયેલા GNCAP પરિણામોમાં, મહિન્દ્રાની લોકપ્રિય જઞટ SUV Bolero Neoને એડલ્ટ સેફટીમાં માત્ર એક સ્ટાર આપવામાં આવ્યો છે.

જ્યારે Honda ની કોમ્પેક્ટ સેડાન Amaze ને બે સ્ટારનું રેટિંગ મળ્યું છે. કિયાની કારને પણ પ્રથમ ટેસ્ટમાં ઝીરો રેટિંગ મળ્યું હતું પરંતુ કેટલાક ફેરફારો બાદ તેને બીજા ટેસ્ટમાં ત્રણ સ્ટાર મળ્યા હતા. સુરક્ષા માટે વધુ કાળજી લેવાની જરૂર છે.

તાજેતરના ભૂતકાળમાં જે રીતે ટાટા, મહિન્દ્રા, ફોક્સવેગન અને સ્કોડા જેવી કંપનીઓની કારોને 5 સ્ટાર રેટિંગ મળી રહ્યા છે, ત્યારે આવા પરિણામો થોડા નિરાશાજનક છે અને તે દર્શાવે છે કે હાલમાં કારની સુરક્ષાના સંદર્ભમાં ઓટોમોબાઈલ ઘણી ખરાબ સ્થિતિમાં છે કંપનીઓ દ્વારા સુરક્ષા માટે વધુ કાળજી લેવાની જરૂર છે.

ગ્લોબલ NCAP તરફથી કોઈપણ વાહન વધુમાં વધુ પાંચ સ્ટાર આપવામાં આવ્યા છે જ્યારે સૌથી વધુ અસુરક્ષિત જોવા મળતા વાહનોને ઝીરો સ્ટાર મળે છે. એડલ્ટના સિવાય વૈશ્વિક NCAP એ બાળકોની સુરક્ષા માટે રેટિંગ પણ જારી કરે છે. બોલેરો નિયોને પણ કારમાં બેઠેલા બાળકોની સુરક્ષા માટે પાંચમાંથી માત્ર એક સ્ટાર મળ્યો છે.

તેવી જ રીતે, Honda Amaze ને બાળ સુરક્ષામાં શૂન્ય રેટિંગ મળ્યું છે જે ખૂબ જ નબળું પ્રદર્શન છે. જો કે, બીજા ટેસ્ટમાં કિઆની કારે ચાઈલ્ડ સેફ્ટીમાં સારૂ પ્રદર્શન કર્યું છે અને તેને ફાઈવ સ્ટારનું રેટિંગ મળ્યું છે.