બેટીંગ કૌભાંડ : બ્રિટનના PM ની પાર્ટી મોટા સંકટમાં
સામાન્ય ચૂંટણીની તારીખ જાહેર થતા પૂર્વે રિષિ સુનકના પક્ષના અધિકારીઓ આરોપથી ઘેરાયા : તપાસ ચાલુ
લંડન, તા. 24
બ્રિટિશ વડા પ્રધાન રિષિ સુનકને સામાન્ય ચૂંટણીની તારીખ જાહેર કરવામાં આવે તે પહેલાં જ કન્ઝર્વેટિવ પાર્ટીના વરિષ્ઠ અધિકારીઓના સટ્ટો રમવાના કૌભાંડનો સામનો કરવો પડી રહ્યો છે.
આ વિવાદ અગાઉ પણ આ મહિને થયો હતો અને તેના વિશે યુકેના ગેમ્બલીંગ કમિશન દ્વારા બહુવિધ તપાસ થઈ રહી છે. સુનકે આ બાબતે પોતાનો રોષ વ્યક્ત કર્યો હતો અને સંભવિત ગુનાહિત વર્તનની ગંભીરતા પર ભાર મુક્યો હતો.
તાજેતરના બેટિંગ કૌભાંડમાં સામેલ નેતા છે કન્ઝર્વેટિવ પક્ષના ચીફ ડાટા ઓફિસર નિક મેસન, જેઓ હાલ રજા પર છે અને તેમણે કોઈ આપરાધિક કાર્યમાં સામેલ હોવાનું નકાર્યું છે.
અગાઉ આવા જ કૌભાંડમાં સુનકના અભિયાનના ડાયરેક્ટર ટોની લી અને ટોરી સાંસદ ઉમેદવાર ક્રેઈગ વિલિયમ્સ તેમજ સુનકના નિકટના સુરક્ષા અધિકારી સહિત અન્ય ટોચના અધિકારીઓ અને નેતાઓ સામેલ હતા અને કેટલાકની ધરપકડ પણ કરવામાં આવી હતી.
યુકેમાં બેટિંગ કાયદેસર હોવા છતાં અંદરની માહિતી મેળવીને આવી બેટિંગ માટે તેનો ઉપયોગ કરવો ગેરકાયદેસર છે. સુનકે ખાતરી આપી છે કે પક્ષના જે સભ્યો બેટિંગમાં સામેલ થવામાં અપરાધી ઠરશે તેમની સામે સખત કાર્યવાહી કરવામાં આવશે અને તેમને પાર્ટીમાંથી કાઢી મુકવામાં આવશે.
માઈકલ ગોવ સહિત પક્ષના અનેક વરિષ્ઠ નેતાઓએ આ ઘટનાની ટીકા કરી છે અને પાર્ટીને બેવડા ધોરણોના અભિગમથી નુકસાન થઈ શકવાની ચેતવણી ઉચ્ચારી છે.
વિરોધી પક્ષોએ આ તકનો લાભ લઈને સુનકની નેતાગીરીની ટીકા કરી છે અને મજૂર પક્ષ તેમજ લિબરલ ડેમોક્રેટ્સએ તાત્કાલિક કાર્યવાહી કરવાની તેમજ આ કૌભાંડમાં સામેલ નેતાઓની હકાલપટ્ટીની માગણી કરી છે.
આ નવા બેટિંગ કૌભાંડે સુનક પર દબાણ વધાર્યું છે જેમનો કન્ઝર્વેટિવ પક્ષ હાલ ચૂંટણી પૂર્વેના સર્વેમાં મજૂર પક્ષથી અગાઉથી જ પાછળ ચાલી રહ્યો છે. ઉલ્લેખનીય છે કે 4 જુલાઈની તારીખ જે અગાઉ સુરક્ષિત રહસ્ય હતું તે હવે આ જાહેર થઈ રહેલા વિવાદનું કેન્દ્રિ બિંદુ બની ગઈ છે.
1111.jpg)
.jpg)
.jpg)
.jpg)
.jpg)
.jpg)
