રાજકોટ,તા.8
રાજકોટ શહેરમાં ગઈકાલે 42.7 ડિગ્રી તાપમાન સાથે 43-ડિગ્રી નજીક ઉષ્ણતા પારો પહોંચી ગયુ હતું. ત્યારે આજે સતત બીજા દિવસે પણ શહેરનું તાપમાન 43-ડિગ્રી નજીક પહોંચી જાય તેવી પુરી શકયતા છે.
આજે બપોરે 2.30 કલાકે રાજકોટનું તાપમાન 41.4 ડિગ્રી નોંધાયુ હતું.અને હવામાં ભેજ 22 ટકા રહ્યો હતો. જયારે પવન ઝડપ 10 કી.મી પ્રતિ કલાક રહેવા પામતા આજે પણ અંગ દઝાડતી લૂં અનુભવાઈ હતી. દરમ્યાન આજે સવારે 8.30 કલાકે શહેરનું તાપમાન 29.4 ડિગ્રી અને લઘુત્તમ તાપમાન 25.4 ડિગ્રી નોંધાયું હતું.
જયારે સવારે હવામાં ભેજ 71 ટકા રહ્યો હતો. અને પવનની સરેરાશ ઝડપ 10 કી.મી. રહેવા પામી હતી.દરમ્યાન હવામાન વિભાગનાં જણાવ્યા મુજબ ફરી આવતી કાલથી ગરમીમાં થોડી રાહત રહેશે.આવતીકાલથી 2 થી 3 ડિગ્રી તાપમાન ઘટશે અને મહત્તમ તાપમાન 38 થી 40 ડિગ્રી વચ્ચે નોંધાશે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy