વર્લ્ડ કપમાં સૌથી ઝડપી મેચ જીતતું ઇંગ્લેન્ડ, માત્ર 19 બોલમાં 48 રન કરી મેચ પૂરો : ઓમાનને 8 વિકેટે હરાવ્યું; સુપર 8 માટે આશા જીવંત

World, Sports | 14 June, 2024 | 09:30 AM

સાંજ સમાચાર

ઈંગ્લેન્ડના બોલરોના શાનદાર પ્રદર્શનને કારણે ઈંગ્લેન્ડે T20 વર્લ્ડ કપમાં ઓમાનને 8 વિકેટે હરાવ્યું હતું. એન્ટિગુઆના સર વિવિયન રિચર્ડ્સ સ્ટેડિયમમાં ગુરુવારે મોડી રાત્રે રમાયેલી મેચમાં ઇંગ્લેન્ડે ટોસ જીતીને બોલિંગ કરવાનું પસંદ કર્યું હતું.

પ્રથમ બેટિંગ કરવા આવેલી ઓમાનની ટીમ માત્ર 47 રનમાં ઓલઆઉટ થઈ ગઈ હતી. જવાબમાં ઈંગ્લેન્ડના બેટ્સમેનોએ 3.1 ઓવરમાં 2 વિકેટ ગુમાવીને લક્ષ્ય હાંસલ કરી લીધું હતું.

ઈંગ્લેન્ડ માટે મેચ એકતરફી રહી હતી. રન રેટના સંદર્ભમાં, સ્કોટલેન્ડને આગળ વધવા માટે 5.1 ઓવરમાં લક્ષ્યનો પીછો કરવો પડ્યો હતો. જોકે, ટીમે માત્ર 3.1 ઓવરમાં એટલે કે 19 બોલમાં લક્ષ્યનો પીછો કરી લીધો હતો. ઈંગ્લેન્ડથી આગળ ઓમાનના 10 બેટ્સમેન ડબલ ફિગર પણ પાર કરી શક્યા નથી. ઓમાન વર્લ્ડ કપ 2024ની તમામ મેચ હારી ગયું છે.

ઈંગ્લેન્ડ તરફથી શાનદાર બોલિંગ જોવા મળી હતી. સ્પિનર આદિલ રાશિદે 4 વિકેટ લીધી હતી. જ્યારે ઝડપી બોલર માર્ક વુડ અને જોફ્રા આર્ચરને 3-3 વિકેટ મળી હતી. જ્યારે બેટિંગમાં કેપ્ટન જોસ બટલરે 300ના સ્ટ્રાઈક રેટથી 24 રન બનાવ્યા હતા.

ઈંગ્લેન્ડની પ્લેઓફની આશા વધી ગઈ :
આ મેચને કારણે ઈંગ્લેન્ડની પ્લેઓફની આશા વધી ગઈ છે. સ્કોટલેન્ડના 5 પોઈન્ટ છે. આ સાથે જ ઈંગ્લેન્ડનો 1 પોઈન્ટ હતો. ઈંગ્લેન્ડને મોટા માર્જિનથી જીતવાની જરૂર હતી, જેથી જો સ્કોટલેન્ડ એક મેચ હારી જાય તો ટીમ 5 પોઈન્ટ સાથે ક્વોલિફાઈ થઈ જાય.

ટીમને ઓમાન સામે મોટી જીત મળી અને તેનો રન રેટ સ્કોટલેન્ડ કરતા સારો બન્યો. હવે ટીમ સ્કોટલેન્ડની હારની ઈચ્છા સાથે પોતાની જીત સુનિશ્ચિત કરશે.