રાજકોટ, તા. 19
રાજકોટ લોકસભાની બેઠક ઉપર નામાંકન પ્રક્રિયાના અંતિમ દિવસે આજે બપોરે 3 વાગ્યા સુધીમાં વધુ 6 ફોર્મ ઉપડતા ઉમેદવારી ફોર્મનો કુલ આંકડો 348 પર પહોંચી ગયો છે જયારે તેની સામે આજે બપોર સુધીમાં માત્ર 13 ઉમેદવારોના 25 નામાંકન પત્રો ચૂંટણી અધિકારી સમક્ષ રજૂ થવા પામેલ છે.
જેમાં ભારતીય જનતા પક્ષના પરસોતમભાઇ રૂપાલા તેમના ડમી તરીકે મોહનભાઇ કુંડારીયા તેમજ બહુજન સમાજ પાર્ટીના ચમનભાઇ સવસાણી, બહુજન મુકિત પાર્ટીના પ્રકાશભાઇ સિંધવ, ભારતીય રાષ્ટ્રીય કોંગ્રેસના પરેશભાઇ ધાનાણી તેમના ડમી ડો. હેમાંગ વસાવડા તેમજ અપક્ષ ઉમેદવાર તરીકે સર્વશ્રી અમરદાસ દેસાણી, ભાવેશભાઇ આચાર્ય, નયનકુમાર ઝાલા, નિલેશકુમાર અજાગીયા, સોની મહાજન નરેન્દ્રભાઇ અમૃતલાલ, લોહાર જીજ્ઞેશભાઇ રાજેશભાઇ તથા વેગડા રામજીભાઇ ગોવિંદભાઇ તેમના નામાંકન પત્ર ચૂંટણી અધિકારી અને કલેકટર પ્રભવ જોશી સમક્ષ રજૂ કરી ઉમેદવારી નોંધાવી છે.
અહીં એ ઉલ્લેખનીય છે કે, લોકસભાની ચૂંટણીનુું જાહેરનામું પ્રસિધ્ધ થયા બાદ કુલ 13ર વ્યકિતઓએ 348 જેટલા ઉમેદવારી ફોર્મ કલેકટર કચેરીમાંથી ઉપાડયા હતા. જેની સામે આજે ઉમેદવારી ફોર્મ રજૂ કરવાના અંતિમ દિવસે બપોર સુધીમાં 13 ઉમેદવારોના 25 નામાંકન પત્ર ચૂંટણી અધિકારી સમક્ષ રજૂ થવા પામેલ છે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy