હાથીને ચીડવવું ભારે પડયું: વૃદ્ધને કચડીને સૂંઢમાં લઈને દુર ફેંકી દીધો

સમગ્ર ઘટનાનો ખોફનાક વિડીયો સોશિયલ મીડિયામાં વાયરલ

હાથીને ચીડવવું ભારે પડયું: વૃદ્ધને કચડીને સૂંઢમાં લઈને દુર ફેંકી દીધો

India, Off-beat | 27 June, 2024 | 04:55 PM

દક્ષિણ ભારતના કરહાલનો બનાવ

સાંજ સમાચાર

કરહાલ,તા.27
હાથી એક બુદ્ધિશાળી પ્રાણી છે. તમે હાથીઓ અને માણસો વચ્ચે મિત્રતાના ઘણા કિસ્સાઓ છે. પરંતુ જ્યારે કોઈ પ્રાણીને બળપૂર્વક પીડવામાં આવે છે ત્યારે પરિણામ સારૂ નથી આવતુ. હાથીની છેડતી કરનારા 62 વર્ષીય વ્યક્તિ સાથે કઈંક આવુ જ થયું.

હાથી અને વ્યક્તિનો આ વીડિયો ટ્વિટર પર વાયરલ થઈ રહ્યો છે, જેના કેપ્શનમાં વ્યક્તિએ લખ્યું છે કે, તેથી જ હું વારંવાર કહેતો રહું છું કે હાથી ખૂબ જ શાંતિપ્રિય પ્રાણી છે, તેને ચીડવો નહીં, જે દિવસે તેને ગુસ્સો આવશે તમારી પણ આવી જ હાલત હશે, આ 62 વર્ષીય વ્યક્તિ વારંવાર હાથી પર હુમલો કરી રહ્યો હતો.આ ઘટના દક્ષિણ ભારતના કરહાલની હોવાનું કહેવાય છે.

અહીં એક વ્યક્તિ વારંવાર હાથીને ચીડવતો હતો. હાથી ચૂપચાપ ઊભો હતો. જ્યારે તે હાથીને ચીડવતો ત્યારે હાથી વારંવાર તેનો પગ હટાવી રહ્યો હતો પરંતુ આ માણસ તે વારંવાર કરી રહ્યો હતો. થોડી વારમાં હાથીને ગુસ્સો આવ્યો અને વ્યક્તિને કચડી નાંખ્યો.

વાત અહીં જ અટકતી નથી. માણસ પોતાની જાતને કાબૂમાં રાખવાનો કે ભાગવાનો પ્રયત્ન કરે તે પહેલાં જ હાથીએ તેને ખરાબ રીતે કચડી નાખ્યો. હાથીએ એક પછી એક તેના બંને પગ તેના પર મૂક્યા. વ્યક્તિ હાથીના પગ નીચે ખરાબ રીતે કચડાઈને મૃત્યુ પામ્યો.

આ પછી હાથી તેને ઉપાડે છે અને હવામાં ફેંકે છે અને પછી તેને ફરીથી જમીન પર ફેંકી દે છે. આ વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. ક્લિપ જોયા પછી બધાને આશ્ચર્ય થાય છે કે હાથીનો ગુસ્સો કેટલો ખતરનાક હોઈ શકે છે. આ 62 વર્ષના વ્યક્તિ માટે હાથીને ચીડવવું મોંઘુ સાબિત થયું.