એશિયાની 50 શ્રેષ્ઠ રેસ્ટોરન્ટ્સમાં ત્રણ ભારતીય

India, World | 28 March, 2024 | 10:51 AM

♦ મુંબઈની માસ્ક રેસ્ટોરન્ટ ભારતની શ્રેષ્ઠ રેસ્ટોરન્ટ , દિલ્હીની ઈન્ડિયન એક્સેન્ટ રેસ્ટોરન્ટને 26મું સ્થાન મળ્યું

સાંજ સમાચાર

♦ ટોક્યો રેસ્ટોરન્ટ્સ 12મી આવૃત્તિમાં પ્રથમ-બીજા સ્થાને

સિઓલ, તા 28
ભારતની ત્રણ રેસ્ટોરન્ટ્સ એશિયાની 50 શ્રેષ્ઠ રેસ્ટોરન્ટ્સ 2024ની યાદીમાં સ્થાન મેળવવામાં સફળ રહી છે. સિઓલમાં એક સમારંભમાં શ્રેષ્ઠ રેસ્ટોરન્ટ્સની 12મી આવૃત્તિમાં આ યાદીનું અનાવરણ કરવામાં આવ્યોં હતું.

આ યાદીમાં ટોક્યોની સેઝેન અને ફ્લોરિલેજ રેસ્ટોરન્ટ્સ પ્રથમ અને બીજા સ્થાને છે. જ્યારે મુંબઈની માસ્ક રેસ્ટોરન્ટને ભારતની શ્રેષ્ઠ રેસ્ટોરન્ટ ગણવામાં આવી હતી. તેણે આ યાદીમાં 23મું સ્થાન મેળવ્યું છે. આ યાદીમાં નવી દિલ્હીની ઈન્ડિયન એક્સેન્ટ 26મા ક્રમે અને ચેન્નાઈની અવર્તાના રેસ્ટોરન્ટ 44મા ક્રમે છે.

♦ સિંગાપોરના સૌથી વધુ રેસ્ટોરાં ♦
આ યાદીમાં ટોચના 50માં સૌથી વધુ રેસ્ટોરન્ટ્સ સિંગાપોરની 9 છે. બેંગકોકની સાત અને હોંગકોંગની છ રેસ્ટોરન્ટ આ યાદીમાં સામેલ છે. બેઇજિંગમાં એક રેસ્ટોરન્ટને વન ટુ વોચ એવોર્ડ મળ્યો છે. પાંચ ભારતીય સંસ્થાઓએ 51-100 ક્રમાંકિત એશિયાની શ્રેષ્ઠ રેસ્ટોરન્ટ્સની યાદીમાં સ્થાન મેળવ્યું છે.

♦ માસ્ક, મુંબઈ ♦
યાદીમાં 23મા ક્રમે આવેલી રેસ્ટોરન્ટ ભારતીય ભોજનમાં વિશેષતા ધરાવે છે. શેફ વરુણ ટોટલાની દ્વારા સંચાલિત, આ રેસ્ટોરાં રૂ. 4,583 થી શરૂ થતી કિંમતો સાથે 10-કોર્સ મેનુ ઓફર કરે છે. અહીં મક્કાઈ મઠરીને ચટણી અને બળેલા મકાઈના વિવિધ સંયોજનો સાથે પીરસવામાં આવે છે.

♦ ભારતીય એક્સેંટ, નવી દિલ્હી ♦
પ્રખ્યાત રસોઇયા મનીષ મેહરોત્રા દ્વારા 2009 માં સ્થપાયેલ, ભારતીય એક્સેંટ ભારતીય સ્વાદોથી પ્રેરિત તેના શ્રેષ્ઠ ભોજન માટે જાણીતું છે. લોધી હોટલની અંદર રહેલ રેસ્ટોરન્ટમાં પાક કલાના રાંધણ ભોજનનો સ્વાદ લોકો માણે છે. અહીં ફૂડનું પ્રારંભિક મેનૂ 4,167 રૂપિયાથી શરૂ થાય છે.

♦ અવર્તાના, ચેન્નાઈ ♦
ચેન્નાઈની આ પ્રખ્યાત રેસ્ટોરન્ટ દક્ષિણ ભારતીય ભોજનની સાથે પાક કલાનો આનંદ આપે છે. અહીં ડિનર માટે ટેસ્ટિંગ મેનુ રૂ. 2916 રૂપિયાથી શરૂ થાય છે. શાકાહારી વિકલ્પોની શ્રેણી અને સાતથી તેર કોસ નો સમાવેશ થાય છે.