કાલાવડ નજીક અકસ્માતમાં દંપતિના મોત
રિક્ષાએ બાઈકને ઉડાવતા અકસ્માત: ઘટના બાદ ચાલક ફરાર: પોલીસ તપાસનો ધમધમાટ
(રાજુ રામોલીયા દ્વારા)
કાલાવડ તા.17
કાલાવડના રણુજા હાઈવે પર સર્જાયેલા અકસ્માતમાં દંપતિના મોત થવા પામેલ છે. આ ઘટનાની જાણ થતાની સાથે જ પોલીસના કાફલાએ ઘટનાસ્થળે દોડી જઈ તપાસનો ધમધમાટ શરુ કર્યો હતો. આ ઘટનાને પગલે આ વિસ્તારમાં ભારે અરેરાટી પ્રસરી જવા પામી છે.
આ ઘટના અંગે મળતી સીલસીલાબંધ વિગતો એવા પ્રકારની છે કે કાલાવડના રણુજા હાઈવે પર રિક્ષાએ કાલાવડ તરફથી આવતા બાઈકને ઉડાવતા બાઈક સવાર દંપતિના ગંભીર ઈજા થવાથી ઘટનાસ્થળે જ મોત નિપજેલ હતા. આ અકસ્માત બાદ રિક્ષાચાલક ઘટનાસ્થળેથી ફરાર થઈ જવા પામેલ હતો.
અકસ્માતની જાણ થતાની સાથે જ 108 એમ્બ્યુલન્સ ઘટનાસ્થળ પર દોડી ગયેલ હતી. જેમાં આ દંપતિને એમ્બ્યુલન્સ મારફત કાલાવડ સીવીલ હોસ્પીટલ ખાતે લવાતા ફરજ પરના ડોકટરે દંપતિને મૃત જાહેર કરેલ હતુ. આ બનાવ અંગે પોલીસે તપાસ હાથ ધરી છે તેની સાથોસાથ ફરાર થયેલા રિક્ષાચાલકને પણ દબોચી લેવા માટે તપાસના ચક્રો ગતિમાન કર્યા છે.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
1111.jpg)
