જો તમે ફોટો શેર કરો છો તો આવી રહ્યું છે આ ’ચોંકાવનારૂં’ ફીચર

Technology | 13 April, 2024 | 11:02 AM

સાંજ સમાચાર

આજના સમયમાં વોટ્સએપ કરોડો લોકોને સુવિધા પૂરી પાડી રહ્યું છે. તેનાથી લોકોનું કામ ઘણું સરળ બન્યું છે. માઈલો દૂર બેઠેલા લોકો તરત જ એકબીજા સાથે જોડાઈ જાય છે. આ બધાને ધ્યાનમાં રાખીને, કંપની હંમેશા કેટલાક નવા ફીચર્સ રજૂ કરતી રહે છે.

આ દરમિયાન કંપનીએ એક ખાસ ફીચરની જાહેરાત કરી છે. આ ફીચરની મદદથી હવે એપમાં ફોટો શેર કરવાનું પહેલા કરતા વધુ સરળ બનશે. હાલમાં, જ્યારે આપણે કોઈની સાથે ફોટો શેર કરીએ છીએ, ત્યારે આપણે પહેલા ચેટમાં આપેલા એટેચ બટન પર ક્લિક કરવાનું હોય છે. WABetaInfo ના એક અહેવાલ મુજબ, WhatsApp એક નવું ફીચર રજૂ કરવા માટે તૈયાર છે જે વપરાશકર્તાઓને તેમના સંપર્કો સાથે વધુ સરળ રીતે ફોટા શેર કરવામાં મદદ કરશે.

રિપોર્ટ અનુસાર યુઝર્સ માત્ર તેઓએ એટેચ ફાઇલ બટનને લાંબા સમય સુધી દબાવવું પડશે અને તે તેમને સીધા તેમની ફોટો ગેલેરીમાં લઈ જશે. તેનાથી ફોટો ગેલેરી પસંદ કરવામાં યુઝરનો સમય બચશે.

રિપોર્ટમાં એવું પણ કહેવામાં આવ્યું છે કે આ ફીચર કેટલાક યુઝર્સ માટે શરૂ થઈ ચૂક્યું છે અને ટૂંક સમયમાં અન્ય યુઝર્સ માટે પણ ઉપલબ્ધ થવાની આશા છે. જો કે, તમારા માટે એ જાણવું જરૂરી છે કે WhatsApp એ હજુ સુધી આ અંગે કોઈ સત્તાવાર માહિતી આપી નથી.

આ સિવાય વોટ્સએપ હાલમાં એક એવા ફીચરનું ટેસ્ટિંગ કરી રહ્યું છે જે યુઝર્સને તેમના કોન્ટેક્ટ્સના નવા અનસીન સ્ટેટસ અપડેટ્સ વિશે એલર્ટ કરશે, જે એપના આગામી અપડેટ્સમાં સામેલ કરવામાં આવશે. આ કિસ્સામાં, એવું માનવામાં આવે છે કે ચેતવણી ત્યારે પ્રાપ્ત થઈ શકે છે જ્યારે કોઈ સ્ટેટસમાં વપરાશકર્તાનો ઉલ્લેખ કરવામાં આવ્યો હોય અને તેણે તે સ્ટેટસ જોયું ન હોય.