બજેટમાં વીમા પર ટેકસ ઘટાડવો જોઇએ

India | 01 July, 2024 | 05:06 PM

સાંજ સમાચાર

નવી દિલ્હી : જો સરકાર સામાન્ય બજેટમાં ટેક્સમાં છૂટ આપે તો વીમા ઉદ્યોગની સાથે સામાન્ય લોકોને પણ ફાયદો થશે. વાર્ષિક પર ડબલ ટેક્સેશન સમાપ્ત થવું જોઈએ. એચડીએફસી લાઇફ ઇન્શ્યોરન્સના સીઇઓ વિભા પડલકરે આ વાત કહી છે.

ઇન્સ્યોરન્સ ઇન્ડસ્ટ્રીઝ સામાન્ય બજેટમાં શું જોવા માંગે છે?
નિવૃત્તિ કોર્પસ કે જેમાંથી લોકો એન્યુંઇટી ખરીદે છે તેના પર પહેલેથી જ ટેક્સ લાગેલો છે. પરંતુ તેઓ જે એન્યુંઇટી મેળવે છે તેના પર પણ સંપૂર્ણ ટેક્સ લાગે છે. આ એન્યુંઇટીનો ડબલ ટેક્સેશન છે.

જો કોઈએ 50 લાખ રૂપિયાની એન્યુંઇટી ખરીદી હોય તો આ 50 લાખ રૂપિયા પર કોઈ ટેક્સ લાગવો જોઈએ નહીં. તે કેપિટલ ગેસ ટેક્સ જેવો હોવો જોઈએ અને તેના પર ઇન્ડેક્સેશન લાભો હોવા જોઈએ અને કોર્પસ પર નહીં. આ સિવાય ટર્મ ઈન્સ્યોરન્સ અને હેલ્થ ઈન્સ્યોરન્સ પરનો GST ઘટાડવો જોઈએ.

હવે રેગ્યુલેશનમાં એવું થયું છે કે જો કોઈ કારણોસર ગ્રાહક પોલિસી ચાલુ રાખવા માંગતો નથી, તો અમારે તેને વધુ ચૂકવણી કરવી પડશે. IRDA એ યોગ્ય પગલું ભર્યું છે, જોકે અગાઉ પણ અમે રેગ્યુલેટરી કંપલ્શન મુજબ આપવી પડતી મીનીમમ સરન્ડર મૂલ્ય કરતાં વધુ ચૂકવતા હતા. જ્યાં સુધી મિસસેલિંગને કારણે પોલિસી સરેન્ડરની ફરિયાદોનો સંબંધ છે.

આ કોઈપણ ઉદ્યોગમાં થઈ શકે છે, પરંતુ અમે પોલિસી વેચતી વખતે ગ્રાહકને સંપૂર્ણ માહિતી આપીએ છીએ. લોકોએ એ પણ નોંધવું જોઈએ કે જો તેઓને લીકવીડીટી જોઈતી હોય તો તેમણે કોઈ બીજી રીતે નાણાકીય આયોજન કરવું પડશે.

ટર્મ ઇન્સ્યોરન્સને લઈ અભિપ્રાયએ છે કે કંપનીઓ તેને દબાણ કરતી નથી
આને આંકડામાં જુઓ. દસ વર્ષ પહેલાં, અમારા અને સમગ્ર ક્ષેત્ર માટે, છૂટક સ્તરે ટર્મ પ્લાનનો હિસ્સો 1% કરતા ઓછો હતો. હવે તે 7-9% પર પહોંચી ગયો છે. જો આમાં ગ્રુપ ટર્મ પોલિસી પણ ઉમેરવામાં આવે તો શેર
17-22% છે.

HDFC લાઇફે ગયા વર્ષે ટર્મ ઇન્શ્યોરન્સમાં 26% વૃદ્ધિ નોંધાવી હતી. હાલમાં આપણો માથાદીઠ જીડીપી આશરે 2500 ડોલર છે. જો ભારત વિશ્વની ત્રણ સૌથી મોટી અર્થવ્યવસ્થાઓમાં સામેલ થશે તો તેની અસર જોવા મળશે. જાગૃતિ સાથે એફોર્ડવિલિટી પણ વધશે.