માર્ચમાં સોનાની આયાતમાં 90 ટકાનો થઈ શકે છે ઘટાડો, ઊંચા ભાવને કારણે માંગ તળીએ
દિલ્હી, તા 28
દેશની સોનાની આયાત ફેબ્રુઆરી 2024ની સરખામણીમાં માર્ચમાં 90 ટકાથી વધુ ઘટી કોરોના મહામારી પછીના સૌથી નીચા સ્તરે પહોંચી જશે. એક સરકારી અધિકારી અને બે બેંક ડીલરોએ જણાવ્યું હતું કે સોનાના રેકોર્ડ ઊંચા ભાવે માંગને અસર કરી છે. આ કારણે બેંકોએ સોનાની ખરીદી ઓછી કરી છે જેના કારણે આયાતમાં મોટો ઘટાડો થઈ શકે છે. ભારતે ફેબ્રુઆરીમાં 110 ટન સોનાની આયાત કરી હતી. માર્ચમાં તે ઘટીને 10-11 ટન થઈ શકે છે.
સોનાના બીજા ક્રમના સૌથી મોટા ગ્રાહક ભારતમાંથી ઓછી આયાત કિંમતી ધાતુના વૈશ્વિક ભાવમાં વધારાને મર્યાદિત કરી શકે છે, જે આ મહિનાની શરૂઆતમાં વિક્રમી ઊંચી સપાટીએ પહોંચી હતી. આયાતમાં ઘટાડાથી ભારતને વેપાર ઘાટો ને ઘટાડવામાં મદદ મળશે. સાથે જ રૂપિયાને પણ સપોર્ટ મળી શકે છે.
જ્વેલર્સ 35 ડોલર પ્રતિ ઔંસથી વધુના ડિસ્કાઉન્ટ પર પણ સોનું ખરીદતા નથી કારણ કે રેકોર્ડ ઊંચા ભાવે આયાત કરવાનું અને માંગ વધવાની રાહ જોવાનું કોઈ કારણ નથી. ઊંચા ભાવને કારણે ગ્રાહકો જૂના સોનાના દાગીનાને બદલીને નવા દાગીના લઈ રહ્યા છે, જેના કારણે જ્વેલર્સે બેંકોમાંથી સોનું ખરીદવાનું બંધ કરી દીધું છે.
વૈશ્વિક બજારોમાં કીમતી ધાતુઓના ભાવમાં વધારાને કારણે બુધવારે દિલ્હી બુલિયન માર્કેટમાં સોનું રૂ. 150 મોંઘું થયું અને રૂ. 67,000 પ્રતિ 10 ગ્રામ પર બંધ થયું. ચાંદી રૂ. 250 સસ્તી થઈને રૂ. 77,250 પ્રતિ કિલો બંધ થઈ.
છેલ્લા ટ્રેડિંગ સેશનમાં સોનું 66,850 રૂપિયા પ્રતિ 10 ગ્રામ પર બંધ થયું હતું. આંતરરાષ્ટ્રીય બજારમાં સોનું 2,180 ડોલર પ્રતિ ઔંસ પર મજબૂત રીતે બંધ થયું હતું.
.jpg)
